Юныс үҙәге

Википедия — ирекле энциклопедия мәғлүмәте
Перейти к навигации Перейти к поиску
Юныс үҙәге
ингл. Yunus Centre
Етәкселәр

Ламия Моршед

Ойошоу

2006

Дакка, Бангладеш

www.yunuscentre.org
Юныс үҙәге урынлашҡан «Grameen Bank» штаб-фатиры

Юныс үҙәге (Yunus Centre) — Даккала (Бангладеш) урынлашҡан аналитик үҙәк. 2006 йылда Нобель тыныслыҡ премияһы лауреаты Мөхәммәт Юныс тарафынан фәҡирлекте кәметеү өлкәһендә социаль эшҡыуарлыҡ менән бәйле проблемаларҙы хәл итеү, шулай уҡ профессор Юныстың идеяларын таратыу маҡсатында ойошторола. Үҙәктең башҡарма директоры — Ламия Моршед[1][2][3].

Тарихы[үҙгәртергә | вики-тексты үҙгәртергә]

2006 йылда Мөхәммәт Юныс һәм уның «Grameen Bankы» Нобелдең тыныслыҡ премияһына лайыҡ булғас, профессорҙың шәхси офисы асыла («Юныстың секретариаты»). Ул Юныстың идеяларын һәм бизнес-философияһын тарата, социаль эшҡыуарлыҡ менән шөғөлләнергә теләүселәр өсөн универсаль мәғлүмәт майҙансығына әүерелә. 2008 йылдың июлендә «Юныс секретариаты» рәсми рәүештә Юныс үҙәге тип атала башлай[1]. 2009 йылдың ғинуарында Юныс үҙәге һәм «CR» немец консалтинг компанияһы «Grameen Creative Lab»ты нигеҙләй[4].

Бурыстар һәм проекттар[үҙгәртергә | вики-тексты үҙгәртергә]

Юныс үҙәге Мең йыллыҡтың үҫеш маҡсаттары сиктәрендә яңы социаль проекттарҙы үҫтерә, яңы социаль стартаптарға ярҙам итә, партнёрҙар таба һәм социаль эшҡыуарлыҡтың ниндәй ҙә булһа бер өлкәһендәге уртаҡ фекерле кешеләрҙе берләштерә. Үҙәк шулай уҡ квартал һайын социаль бизнес өлкәһендәге яңы эшкәртмәләр тураһында белешмә бюллетене сығара, һәр кем ала алырлыҡ сифатлы тауарҙар һәм хеҙмәттәр тураһында фәҡирлектә йәшәгәндәрҙе мөмкин тиклем киңерәк мәғлүм итеү сараһын күрә. Юныс үҙәге һәм «Grameen Healthcare Trust» булышлығы менән Бангладешта социаль эшҡыуарлыҡҡа BASF, Danone[5][6][7][8], Intel[9] һәм Veolia кеүек халыҡ-ара корпорациялар инвестициялар һала[10].

2009 йылда Юныс үҙәге менән «Grameen Creative Lab» Социаль бизнестың глобаль саммитын ойошторҙо. 2014 йылда Юныс үҙәге «Яңы эшҡыуарлыҡ проекты» аша 385 төрлө проектты финансланы.

Гарвард университеты, Боккони университеты, Флоренция университеты, Макгилл университеты, Каледония университеты, Салфорд университеты (Ҙур Манчестер) һәм Азия технологик институты (Патхумтхани) менән хеҙмәттәшлектә Юныс үҙәге социаль эшҡыуарлыҡ нигеҙҙәренә өйрәтеү өсөн уҡыу әсбаптары эшләй.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 The Yunus Centre  (инг.). To Catch A Dollar: Muhammad Yunus Banks on America. 28 апрель 2015 тикшерелгән.
  2. About Us  (инг.). YunusCentre. 28 апрель 2015 тикшерелгән.
  3. Интервью - Мухаммад Юнус, лауреат Нобелевской премии мира. Ведомости. 28 апрель 2015 тикшерелгән.
  4. History of The Grameen Creative Lab  (инг.). Grameen Creative Lab. 28 апрель 2015 тикшерелгән.
  5. Social Business - a new business idea from Bangladesh  (инг.). German Embassy Dhaka. 28 апрель 2015 тикшерелгән.
  6. BASF invests in Social Business in Bangladesh  (инг.). German Embassy Dhaka. 28 апрель 2015 тикшерелгән.
  7. BASF Grameen  (инг.). YunusCentre. 28 апрель 2015 тикшерелгән.
  8. Grameen Danone  (инг.). YunusCentre. 28 апрель 2015 тикшерелгән.
  9. Grameen Intel  (инг.). YunusCentre. 28 апрель 2015 тикшерелгән.
  10. Grameen Veolia  (инг.). YunusCentre. 28 апрель 2015 тикшерелгән.

Һылтанмалар[үҙгәртергә | вики-тексты үҙгәртергә]