Ялалетдинов Альберт Рәйес улы

Википедия — ирекле энциклопедия мәғлүмәте
Перейти к навигации Перейти к поиску
Ялалетдинов Альберт Рәйес улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 6 ноябрь 1960({{padleft:1960|4|0}}-{{padleft:11|2|0}}-{{padleft:6|2|0}}) (60 йәш)
Тыуған урыны СССР, РСФСР, Башҡорт АССР-ы, Учалы
Һөнәр төрө инженер-механик
Уҡыу йорто Көньяҡ Урал аграр университеты
Ғилми дәрәжә техник фәндәр кандидаты[d]

Ялалетдинов Альберт Рәйес улы (6 ноябрь 1960 йыл) — хужалыҡ эшмәкәре, ғалим-инженер. Техник фәндәр кандидаты (1990)[1]

Биографияһы[үҙгәртергә | вики-тексты үҙгәртергә]

Альберт Рәйес улы Ялалетдинов 1960 йылдың 6 ноябрендә Башҡорт АССР-ының Учалы районы Учалы ҡасабаһында тыуған. 1982 йылда Силәбе ауыл хужалығын механизациялау һәм электрификациялау институтын (хәҙер Силәбе дәүләт агроинженерия академияһы) «инженер-механик» һөнәре буйынса, 2002 йылда Урал идаралыҡ итеү институтын «менеджмент» һөнәре буйынса тамамлай. Хеҙмәт эшмәкәрлеген 1974 йылда «Йылайыр» игенселек совхозында (Башҡорт АССР-ы) ремонтсы эшсе булып башлай.

1982—84 йылдарҙа Силәбе ауыл хужалығын механизациялау һәм электрификациялау институтында инженер, 1984—86 йылдарҙа «Ирәндек» совхозында (Башҡорт АССР-ы) баш инженер, 1986—87 йылдарҙа «Уралалтын» берекмәһенең сәнәғәт участкаһында механик булып эшләй. 1987 йылдан Челябинскагропромснаб-1 предприятиеһының өлкән инженеры. 1990 йылда «СТ» фирмаһын ойоштора һәм уны етәкләй, был фирма Силәбе өлкәһендә пластик тәҙрәләрҙе етешетереү һәм монтажлау буйынса Силәбе өлкәһендә алдынғы урындарҙы биләй. 1999 йылда Ялалетдинов Силәбе компрессор заводын ойоштора, унда компрессор ҡоролмалар етештереүҙе яйға һала. Эшенең тәүге йылында уҡ 8 агрегат етештереп сығара. 2006 йылға предприятиела айына 100 ҡоролма етештерергә мөмкинлек биргән производство ҡеүәттәре булдырыла.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]