Ғәбитов Ғәйфулла Ғәбит улы

Википедия — ирекле энциклопедия мәғлүмәте
Ғәбитов Ғәйфулла Ғәбит улы
Зат ир-ат
Гражданлыҡ  Совет Рәсәйе
 СССР
Тыуған көнө 23 ғинуар 1923({{padleft:1923|4|0}}-{{padleft:1|2|0}}-{{padleft:23|2|0}}) (101 йәш)
Тыуған урыны Һәйетҡол, Буранғол ауыл советы (Әбйәлил районы), Әбйәлил районы, СССР
Хәрби звание ҡыҙылармеец[d]
Һуғыш/алыш Бөйөк Ватан һуғышы
Маҡтаулы исемдәре һәм башҡа бүләктәре
III дәрәжә Дан ордены II дәрәжә Дан ордены Ҡыҙыл Йондоҙ ордены «1941—1945 йылдарҙағы Бөйөк Ватан һуғышында Германияны еңгән өсөн» миҙалы «Берлинды алған өсөн» миҙалы "Варшаваны азат иткән өсөн" миҙалы «Хеҙмәт ветераны» миҙалы

Ғәбитов Ғәйфулла Ғәбит улы (23 ғинуар 1923 йыл — ?) — 112-се Башҡорт кавалерия дивизияһы яугиры, гвардия ҡыҙылармеецы, Ҡыҙыл Йондоҙ ордены (1945), 2-се (1945) һәм 3-сө (1944) дәрәжә Дан, 2-се дәрәжә Ватан һуғышы (1985) ордендары кавалеры[1][2][3].

Биографияһы[үҙгәртергә | сығанаҡты үҙгәртеү]

Ғәйфулла Ғәбит улы Ғәбитов 1923 йылдың 23 ғинуарында Башҡорт АССР-ының Тамъян-Ҡатай кантоны (хәҙерге Башҡортостан Республикаһының Әбйәлил районы) Һәйетҡол ауылында тыуған[1]. Ҡыҙыл Армияға 1942 йылдың 20 декабрендә Әбйәлил район хәрби комиссариаты тарафынан саҡырыла[2]. 7 гвардия кавалерия корпусының 16-сы гвардия кавалерия дивизияһы 58‑се гвардия кавалерия полкында станоклы пулемёттың расчетының беренсе номеры булып хеҙмәт итә[1][2].

1944 йылдың 10 февралендә һуғышта күрһәткән батырлығы өсөн III дәрәжә Дан ордены (документ номеры: 151/н, датаһы 10.02.1944) менән, 1945 йылдың 20 апрелендә Ҡыҙыл Йондоҙ ордены (батырлыҡ күрһәткән көндәре: 11.02.1945, 16.02.1945, Приказ №: 540/н, 20.04.1945), ә 1945 йылдың 3 июнендә II дәрәжә Дан ордены (документ номеры: 607, датаһы 03.06.1945) бүләкләнә[1][2][3].

Ҡыҙыл Йондоҙ орденына тәҡдим ителгән награда ҡағыҙында Ғәбитов Ғәйфулла Ғәбит улы тураһында былай тип яҙыла:

« «Иптәш Ғәбитов 1945 йылдың 11 февралендә, Драмбург ауылына һөжүм ваҡытында, беренсе булып үҙенең станоклы пулемёты менән ауыл ситенә баҫып барып инде һәм пулемет уты һәм ҡул гранатаһы менән дошмандың пушкаһын расчеты менән бергә юҡ итте. Иптәш Ғәбитов 1945 йылдың 16 февралендә дошмандың Брауллинспин ауылына контратакаһы ваҡытында станоклы пулемёты менән 17 гитлерсыны юҡ итте»[2] »

.

Һуғыштан иҫән әйләнеп ҡайта, 1948—1995 йылдарҙа Магнитогорск металлургия комбинатында эшләй. II дәрәжә Ватан һуғышы ордены (1985), «1941—1945 йылдарҙағы Бөйөк Ватан һуғышында Германияны еңгән өсөн» (1945), «Берлинды алған өсөн», «Варшаваны азат иткән өсөн», «Хеҙмәт ветераны» (1978) миҙалдары менән бүләкләнә[1].

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

  • III дәрәжә Дан ордены (1944),
  • II дәрәжә Дан ордены (1945),
  • Ҡыҙыл Йондоҙ ордены (1945),
  • «1941—1945 йылдарҙағы Бөйөк Ватан һуғышында Германияны еңгән өсөн» миҙалы (1945),
  • «Берлинды алған өсөн» миҙалы,
  • «Варшаваны азат иткән өсөн» миҙалы,
  • «Хеҙмәт ветераны» миҙалы (1978).

Иҫкәрмәләр[үҙгәртергә | сығанаҡты үҙгәртеү]

Сығанаҡтар[үҙгәртергә | сығанаҡты үҙгәртеү]