Ғәйфуллин Александр Александрович

Википедия — ирекле энциклопедия мәғлүмәте
Перейти к навигации Перейти к поиску
Ғәйфуллин Александр Александрович
Заты ир-ат
Гражданлығы Flag of Russia.svg Рәсәй
Тыуған көнө 22 март 1984({{padleft:1984|4|0}}-{{padleft:3|2|0}}-{{padleft:22|2|0}}) (35 йәш)
Тыуған урыны СССР, РСФСР, Мәскәү өлкәһе, Жуковский
Һөнәр төрө математик, ғалим
Эшмәкәрлек төрө Алгебраик топология һәм комбинаторная геометрия[d]
Эш биреүсе МДУ-ның механика-математика факультеты[d]
Всероссийская олимпиада школьников по математике[d]
Маҡтаулы исемдәре һәм башҡа бүләктәре
Уҡыу йорто МДУ-ның механика-математика факультеты[d]
Ғилми исеме Рәсәй Фәндәр академияһы профессоры[d] һәм РФА ағза-корреспонденты[d]
Ғилми дәрәжә физика-математика фәндәре докторы[d]
Ғилми етәксе Бухштабер, Виктор Матвеевич[d]

Ғәйфуллин Александр Александрович (22 март 1984 йыл) — Рәсәй математигы, алгебраик һәм комбинаторлы топология, комбинаторлы геометрия буйынса белгес, Рәсәй Фәндәр академияһының ағза-корреспонденты (2016).

2012 йылда Сабитов теоремаһының күп үлсәмле аналогын иҫбат итә — үлсәме булған теләһә ниндәй бөгәрләнеүсе күпҡыр бөгәрләү процесында күләмен һаҡлап ҡала.

Биографияһы[үҙгәртергә | вики-тексты үҙгәртергә]

Ғәйфуллин Александр Александрович 1984 йылдың 22 мартында Мәскәү өлкәһенең Жуковский ҡалаһында тыуған. Уның атаһы А. М. Ғәйфуллин (1958 йылғы) — Рәсәй ғалим-физигы, шыйыҡса һәм газ механикаһы өлкәһендә белгес, Рәсәй Фәндәр академияһының ағза-корреспонденты (2008).

2000 йылда А. А. Ғәйфуллин Көньяҡ Кореяның Тэджон ҡалаһында Халыҡ-ара уҡыусылар олимпиадаһында алтын миҙал яулай.

2005 йылда Мәскәү дәүләт университетының механика-математика факультетын тамамлай.

2008 йылда математика бүлегенең аспирантураһын тамамлай һәм «Комбинаторная реализация циклов» темаһына кандидатлыҡ диссертацияһы яҡлай (ғилми етәксеһе — РФА-ның ағза-корреспонденты В. М. Бухштабер).

2010 йылда «Проблема комбинаторного вычисления рациональных классов Понтрягина» темаһына докторлыҡ диссертацияһы яҡлай.

2016 йылдың ғинуарында РФА профессоры почетлы ғилми исеме бирелә[1].

2016 йылда — РФА-ның математика фәндәре бүлеге буйынса ағза-корреспондент итеп һайлана.

Фәнни эшмәкәрлеге[үҙгәртергә | вики-тексты үҙгәртергә]

Александр Александрович Ғәйфуллин алгебраик һәм комбинаторлы топология, комбинаторлы геометрия өлкәһендә белгес.

2007 йылдың 1 июленән алып Мәскәү дәүләт университетының механика-математика факультетының юғары геометрия һәм топология кафедраһында эшләй (2009 йылдан — доцент, 2011 йылдан — баш ғилми хеҙмәткәр, аҙаҡ профессор).

Аналитик геометрия, һыҙыҡлы алгебра, классик дифференциаль геометрия, дифференциаль геометрия һәм топология буйынса семинарҙар алып бара. Комбинаторлы һәм алгебраик топология буйынса төрлө махсус курстар уҡый, геометрия һәм топология буйынса фәнни семинар етәксеһе булып тора.

Фәнни ҡыҙыҡһыныуҙары өлкәһе: алгебраик һәм комбинаторлы топология, комбинаторлы геометрия (ҡабарынҡы күпҡырҙар, бөгәрләнеүсе күпҡырҙар).

25-тән ашыу [1] ғилми баҫма авторы.

2012 йылда Сабитов теоремаһының күп үлсәмле аналогын иҫбат итә — үлсәме булған теләһә ниндәй бөгәрләнеүсе күпҡыр бөгәрләү процесында күләмен һаҡлап ҡала[2].

2016 йылда Берлинға математиктарҙың Европа конгресына докладсы итеп саҡырыла.

Маҡтаулы исемдәре һәм бүләктәре[үҙгәртергә | вики-тексты үҙгәртергә]

  • Фән һәм инновациялар өлкәһендә Рәсәй Федерацияһы Президентының йәш ғалимдар өсөн Премияһы (2016) — робототехника үҫеше өсөн нигеҙ булдырған, шулай уҡ ҙур теоретик әһәмиәткә эйә булған, бөгәрләнеүсе күпҡырҙар теорияһының фундаменталь мәсьәләләрен хәл иткәне өсөн.
  • Мәскәү Хөкүмәтенең йәш ғалимдарға премияһы (2015) — алгебраик топология һәм комбинаторлы геометрия өлкәһендә ҙур ҡаҙаныштары өсөн.
  • Студенттар һәм аспиранттар эштәре араһында А. Мёбиус исемендәге конкурстың I премияһы лауреаты (2005) — «Локальные формулы для комбинаторных классов Понтрягина» эше өсөн.
  • Фән кандидаты дәрәжәһенә эйә булған йәш ғалимдар өсөн Дмитрий Зимин фонды конкурсы «Династия» еңеүсеһе (2009)
  • Йәш уҡытыусылар һәм ғилми хеҙмәткәрҙәр өсөн ғилми эштәр конкурсы йомғаҡтары буйынса МДУ стипендияһы (2011)

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]