Вәлиуллин Ғәли Фәйзрахман улы

Википедия — ирекле энциклопедия мәғлүмәте
(Ғәли Фәйзрахман улы Вәлиуллин битенән йүнәлтелде)
Ғәли Вәлиуллин
Тыуған көнө

25 сентябрь 1951({{padleft:1951|4|0}}-{{padleft:9|2|0}}-{{padleft:25|2|0}}) (72 йәш)

Тыуған урыны

Бөрйән районы Иҫке Собханғол ауылы

Вәлиуллин Ғәли Фәйзрахман улы (25 сентябрь 1951 йыл) — хәрби хеҙмәт ветераны, отставкалағы подполковник. 2000—2017 йылдарҙа Башҡортостан Республикаһының Милли музейының генераль директоры. Башҡортостан Республикаһының атҡаҙанған мәҙәниәт хеҙмәткәре (2009).

Биографияһы[үҙгәртергә | сығанаҡты үҙгәртеү]

Бөрйән районының Иҫке Собханғол ауылында тыуған. 1968—1969 йылдарҙа Ырғыҙлы урта мәктәбендә математиканан уҡыта. 1975 йылда Һарытау юғары хәрби инженер училищеһын тамамлай. 1969—1992 йылдарҙа — хеҙмәт итә, отставкалағы подполковник. 1993—1996 йылдарҙа — «21-се трест» берекмәһенең комплектациялау идаралығыны начальнигы урынбаҫары. 1996—1999 йылдарҙа — «Башҡортостан. Агротехсервис» йәмғиәте директоры. 1999—2000 йылдарҙа — Башҡортостан Республикаһы Милли музейының төп инженеры, генераль директорҙың беренсе урынбаҫары. 2000—2017 йылдар — музейҙың генераль директоры. 2004 йылда музей белгесе-педагог һөнәре буйынса Силәбе дәүләт мәҙәниәт һәм сәнғәт академияһын тамамлай.

Эшмәкәрлеге[үҙгәртергә | сығанаҡты үҙгәртеү]

Милли музейҙы, Республика Хәрби Дан, Көйөргәҙе районындағы Кинйә Арыҫланов, Өфөләге Шәһит Хоҙайбирҙин, Малаяҙҙағы Салауат Юлаев, Ҡоролтай — Башҡортостан Республикаһы Дәүләт Йыйылышы Парламенты музейҙарын төҙөүҙә әүҙемлек күрһәтә. 2003 йылдан алып М. Аҡмулла исемендәге Башҡорт дәүләт педагогия университеты менән музеолог-белгестәр әҙерләүҙә ҡатнаша. Университеттың музеология секцияһын етәкләй. «Башҡортостан Республикаһының Милли музейы: төҙөлөш һәм үҫеш тарихы» китабының авторы. 1812 йылғы Ватан һуғышының 200 йыллығына арналған экспозицияның авторы.

Китаптары[үҙгәртергә | сығанаҡты үҙгәртеү]

  • «Национальный музей Республики Башкортостан: история создания и развития», Уфа, 2014

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

  • 10 миҙал, шул иҫәптән Монгол Халыҡ Республикаһының «Дуҫлыҡ» миҙалы
  • Башҡортостан Республикаһының атҡаҙанған мәҙәниәт хеҙмәткәре (2009)

Сығанаҡтар[үҙгәртергә | сығанаҡты үҙгәртеү]

Валиуллин Гали Файзрахманович // Бурзянская энциклопедия / гл. ред. Г. М. Манапов. — Уфа: НИК Башкирская энциклопедия, 2022. — С. 143. — 640 с. — ISBN 978-5-88185-512-2.