Ҡаҙаҡ милли сәнғәт университеты
| Ҡаҙаҡ милли сәнғәт университеты | |
| Нигеҙләү датаһы | 1998 |
|---|---|
| Ректор | Мусаходжаева, Айман Кожабековна[d] |
| Дәүләт |
 Ҡаҙағстан |
| Рәсми сайт | kaznui.kz |
| Ойошма хеҙмәткәрҙәре категорияһы | Категория:Преподаватели Казахского национального университета искусств[d] |
 | |
Көләш Байсәйетова исемендәге Ҡаҙаҡ милли сәнғәт университеты (Ҡаҙнуи) (ҡаҙ. Күләш Байсейітова атындағы Қазақ ұлттық өнер университеті (ҚазҰӨУ)) – Ҡаҙағстандың баш ҡалаһы Астанала урынлашҡан Юғары уҡыу йорто. Университетҡа 1998 йылдың 31 мартында Ҡаҙаҡ милли музыка академияһы булараҡ нигеҙ һалына, ә 2009 йылда ул университет статусын һәм яңы исемен ала. 2025 йылдың ғинуарында университетҡа рәсми рәүештә күренекле ҡаҙаҡ опера йырсыһы Көләш Байсәйетова исеме бирелә, был уның ҡаҙаҡ сәнғәтен үҫтереүгә индергән өлөшөн таныуҙы символлаштыра.
Тарих
[үҙгәртергә | сығанаҡты үҙгәртеү]Ҡаҙаҡ милли музыка академияһы 1998 йылдың 31 мартында Ҡаҙағстан президенты Н. Ә. Назарбаев ярҙамында ойошторола. Ҡаҙаҡ милли музыка академияһында уҡыу башланғыс (1-4 класс), урта (5-9 класс), юғары (1-4 курстар) һәм юғары уҡыу йортонан һуң (магистратура һәм докторантура) белем биреүҙе үҙ эсенә ала[1]. Ҡаҙағстан хөкүмәтенең 2009 йылдың 12 октябрендәге ҡарарына ярашлы Ҡаҙаҡ милли музыка академияһы яңы статус ала һәм Ҡаҙаҡ милли сәнғәт университеты тип үҙгәртелә, шул уҡ йылда университет Астанала урынлашҡан яңы бинаға күсә.
Ҡаҙаҡ милли музыка академияһы вәкилдәре Австрия, Италия, Рәсәйҙәге музыкаль ярыштарҙа еңеүсе була. 2000 йылдан Астана хакимиәте һәм Ҡаҙаҡ Милли музыка академияһы Shabyt-Inspiration халыҡ-ара конкурсын үткәрә[2].
Ҡаҙаҡ милли музыка академияһын тамамлаусылар Астананың, шулай уҡ Ҡаҙағстандың башҡа ҡалаларында, яҡын һәм алыҫ сит илдәрҙә уҡыу йорттарында һәм музыкаль коллективтарҙа эшләй (К. Байсеитова исемендәге милли опера театры, дәүләт филармонияһы, республика гвардияһының Президент оркестры, симфоник, тынлы, камера оркестрҙары, халыҡ инструменттары оркестрҙары, Л. Н. Гумилев исемендәге ЕМУ, музыка мәктәптәре һәм башҡалар)[3].
2019 йылда Ҡаҙаҡ милли сәнғәт университеты Ҡаҙағстандың иң яҡшы сәнғәт юғары уҡыу йорттары араһында 1-се урынды биләй.
Факультеттары
[үҙгәртергә | сығанаҡты үҙгәртеү]- Музыка факультеты
- Театр, кино һәм ТВ факультеты
- Традицион музыка сәнғәте факультеты
- Социаль-гуманитар дисциплиналар факультеты
- Художество факультеты
Иҫкәрмәләр
[үҙгәртергә | сығанаҡты үҙгәртеү]- ↑ КазНАМ. Структура академии. Дата обращения: 31 июль 2008. Архивировано из оригинала 19 сентябрь 2008 года.
- ↑ КазНАМ. Академия. Дата обращения: 31 июль 2008. Архивировано из оригинала 12 май 2009 года.
- ↑ Халдарова, Динара Обновленный Университет искусств имени Куляш Байсеитовой показали президенту. www.zakon.kz (14 февраль 2025). Дата обращения: 14 февраль 2025. Архивировано 14 февраль 2025 года.