Ҡолшәрипов Марат Мәхмүт улы

Ҡолшәрипов Марат Мәхмүт улы
Заты	ир-ат
Гражданлығы	СССР  Рәсәй
Тыуған көнө	7 ғинуар 1941({{padleft:1941|4|0}}-{{padleft:1|2|0}}-{{padleft:7|2|0}}) (82 йәш)
Тыуған урыны	Ерекле, Күгәрсен районы, Башҡорт АССР-ы, РСФСР, СССР
Һөнәр төрө	тарихсы
Эшмәкәрлек төрө	тарих, Башҡорт ғәскәре һәм Башҡорт милли хəрəкəте
Эш урыны	Башҡорт дәүләт университеты
Уҡыу йорто	Октябрҙең 40 йыллығы исемендәге Башҡорт дәүләт университеты
Ғилми дәрәжә	тарих фәндәре докторы[d]
Ойошма ағзаһы	Башҡортостан Республикаһы Фәндәр Академияһы
Маҡтаулы исемдәре һәм башҡа бүләктәре

Ҡолшәрипов Марат Мәхмүт улы (7 ғинуар 1941 йыл) — ғалим-тарихсы, йәмәғәтсе. 1971 йылдан Башҡорт дәүләт университеты уҡытыусыһы, шул иҫәптән 1999—2011 йылдарҙа тарих факультеты деканы, 2007—2016 йылдарҙа Башҡортостан тарихы, археология һәм этнология кафедраһы мөдире. 1991—1996 йылдарҙа «Урал» башҡорт халыҡ үҙәге рәйесе. Башҡортостан Республикаһы Фәндәр академияһының почётлы академигы (2016), тарих фәндәре докторы (1998), профессор (2000). Башҡортостан Республикаһының атҡаҙанған фән эшмәкәре (2001), Рәсәй Федерацияһының почётлы юғары һөнәри белем биреү хеҙмәткәре (2003). Әхмәтзәки Вәлиди исемендәге (2002), Р. Ғ. Кузеев исемендәге (2014) премиялар лауреаты. Салауат Юлаев ордены кавалеры (2009).

Биографияһы

• Марат Мәхмүт улы Ҡолшәрипов 1941 йылдың 7 ғинуарында Башҡорт АССР-ының Күгәрсен районы Ерекле ауылында тыуған.
• 1967 йылда Башҡорт дәүләт университетын тамамлай.
• 1971 йылдан шул уҡ уҡыу йортонда эшләй: 1999—2011 йылдарҙа тарих факультеты деканы.
• 2007 йылдан — Башҡортостан Республикаһы тарихы һәм этнология кафедраһы мөдире.
• 1991—1996 йылдарҙа «Урал» Башҡорт халыҡ үҙәге рәйесе.

Ғилми эшмәкәрлеге

Марат Ҡолшәриповтың фәнни хеҙмәттәре Башҡорт ғәскәрен, Башҡорт милли хәрәкәтен, ХХ быуат Башҡортостан тарихын һәм историографияһын өйрәнеүгә, милли дәүләт ҡоролошо мәсьәләләренә арналған. 200-ҙән ашыу фәнни хеҙмәт авторы.

Хеҙмәттәре

• З. Валидов и образование Башкирский Автономной Советской Республики (1917—1920 гг.). — Уфа, 2000;
• Башкирское национальное движение (1917—1921 гг.). — Уфа, 2000;
• Политика царизма в Башкортостане (1775—1800 гг.). — Уфа, 2003.

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған фән эшмәкәре (2001);
• Башҡортостан Фәндәр Академияһының Зәки Вәлиди исемендәге премияһы лауреаты (2002);
• Салауат Юлаев ордены (2009).

Әҙәбиәт

• Н. Ҡалмантаев. Тарихҡа ғашиҡ күңел. — «Йәшлек» гәзите, 2011 йыл, 15 ғинуар.

Һылтанмалар

• Ҡолшәрипов Марат Мәхмүт улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 5 ғинуар 2021)