Әбдрәшитова Нурзиә Әхмәт ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Әбдрәшитова Нурзиә Әхмәт ҡыҙы
Заты ҡатын-ҡыҙ
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 30 апрель 1957({{padleft:1957|4|0}}-{{padleft:4|2|0}}-{{padleft:30|2|0}}) (62 йәш)
Тыуған урыны СССР, РСФСР, Башҡорт АССР-ы, Баймаҡ районы
Һөнәр төрө актёр
Уҡыу йорто Заһир Исмәғилев исемендәге Өфө дәүләт сәнғәт институты

Әбдрәшитова Нурзиә Әхмәт ҡыҙы (30 апрель 1957 йыл) — башҡорт театр актёры, Башҡортостан Республикаһының халыҡ артисы (2012)

Биографияһы[үҙгәртергә | вики-тексты үҙгәртергә]

Нурзиә Әхмәт ҡыҙы Әбдрәшитова 1957 йылдың 30 апрелендә Башҡорт АССР-ының Баймаҡ районының Ҡаратал ауылында тыуған. Әсәһе 1962 йылда бик иртә йөрәк сиренән вафат булып ҡала.

Уны, һеңлеһен һәм ағаһын Сыңғыҙ ауылында йәшәгән Ғәрифә өләсәйе үҙ ҡанаты аҫтына ала. Өйө бәләкәй генә булһа ла, йөрәге ҙур була өләсәйҙәренең. Тик ул да 1967 йылда фани донъянан китеп бара. Балалар яңынан Ҡараталға, атайҙарының яңы ғаиләһенә күсеп ҡайта.

1968 йылда Ҡаратал мәктәбе директоры Шәрифйән Ғәҙелшин уларҙы Баймаҡ интернатына урынлаштыра. Йонсоған балаларҙы башта интернаттың изоляторына һалырға тура килә. Нурзиә Әхмәт ҡыҙы интернатты, уның директоры Юнир Самат улын, тәрбиәселәрен, уҡытыусыларын оло хөрмәт, йылы хистәр, тик рәхмәт һүҙҙәре менән генә иҫкә ала.

Мәктәпте тамамлағас, буласаҡ актриса Ҡуянтау тәжрибә хужалығында бер йыл эшләп ала. Унан Роза Ильясованың өгөтләүе буйынса Өфө дәүләт сәнғәт институтына (хәҙер академия) уҡырға инә.

Фәрдүнә Ҡасимова, Гөлли Мөбәрәкова, Суфия Ҡорбанғәлиева, Тамара Хоҙайбирҙиналар — уның уҡытыусылары була. Фәрдүнә Ҡасимова һаман да ижад юлында терәк уҡытыусыһы булып тора. Юғары уҡыу йортон уңышлы тамамлағас 1977 йылда А. Мөбәрәков исемендәге Сибай башҡорт дәүләт драма театрына эшкә ҡайта.

Яңы эшләй башлағас та тамашасы һөйөүен яулап өлгөргән, хәҙер инде Башҡортостандың халыҡ дәрәжәһенә күтәрелгән актрисаны белмәгән, ул тыуҙырған образдарҙы хәтерләмәгән кеше юҡтыр, моғайын. " Айһылыуҙың айлы кистәре"ндә — Хәнифә, "Ай тотолған төндә"лә — Тәңкәбикә, "Аҡҡош йыры"нда — Әлимә, «Бисәкәй»ҙә — Утлыбикә, "Аҡ ҡалфаҡ"та — Раушания ролдәре аша халыҡҡа яҡшы таныш ул.

Тәүге аҙымдарымды баҫырға өйрәткән режиссеры Фәтхелислам Ғәләүетдиновты оло хөрмәт менән иҫкә ала Нурзиә Әхмәт ҡыҙы. Уға Хисмәтулла Дәүләтов, Әсҡәт Йәнбәков, Ҡәйүм Хөсәйенов, Рәмзилә Әҙелшина, Хәмзә Ҡурсаев, Закирйән Ханов, Шәмсинур Сиражетдинова кеүек сәхнә оҫталары менән бергә эшләргә, ижад итергә насип була.

Бына инде 35 йыл Нурзиә Әхмәт ҡыҙы яратҡан театрына тоғро хеҙмәт итә. Ошо арауыҡта ҡырҡтан ашыу роль башҡарып, халыҡ ихтирамын яулаған.

1977 йылда Риза Әбдрәшитовҡа кейәүгә сыға Илгиз менән Илнур исемле улдары бар. Барыһының да тормошо театр менән бәйләнгән: өлкән улы Илгиз — драма артисы, кесеһе Илнур — театр директорының маркетинг буйынса урынбаҫары, Риза Ғәҡиф улы менән килендәре Айгөл дә театрҙа эшләй.

Театр сәнғәте өлкәһендә күрһәткән хеҙмәте өсөн 2012 йылда Нурзиә Әхмәт ҡыҙы Әбдрәшитоваға «Башҡортостандың халыҡ артисы» тигән маҡтаулы исем бирелә.

Ролдәре[үҙгәртергә | вики-тексты үҙгәртергә]

Тәүге тапҡыр уйнаған спектаклдәре: «Алһыу таңдар», «Сәйер йондоҙҙар», «Зимагорҙар», «Ҡыйыу ҡыҙҙар», «Ҡойма ямғырҙа», «Ҡара төндә яҡты моң»…

Шул ваҡытта «Ҡара төндә яҡты моң» спектаклендә төп ролде — йәш ҡатын Гөлбикә образын тыуҙырырға тура килә. Көслө рухлы, уй-хисле, ышаныслы, урыны менән ярһыу образ ул.

Шунда уның киләсәген билдәләгән герой барлыҡҡа килә — ул «Ай тотолған төндә» спектаклендәге Тәңкәбикә роле.

«Рәйсә+Фәйзи», «Ҡыҙҙар ниңә илай?», «Тойғолар ниңә һүнә?», «Төштәге йыр», «Аҡ ҡалфаҡ», «Аҡҡош йыры», «Ҡазан һөлгөһө», Арыҫлан Мөбәрәковтың "Бисәкәй спектаклдәрәренге ролдәре лә тамашасы күңеленә хуш килә.

Маҡтаулы исемдәре[үҙгәртергә | вики-тексты үҙгәртергә]

  • Башҡортостан Республикаһының халыҡ артисы (2012)

Һылтанмалар[үҙгәртергә | вики-тексты үҙгәртергә]