16-сы гвардия кавалерия дивизияһы

16-сы гвардия кавалерия дивизияһы
Дәүләт	СССР
Алыштырған	112-се Башҡорт атлы дивизияһы
Командир	Шайморатов Миңлеғәле Минһажетдин улы

16-сы гвардия кавалерия дивизияһы —Көньяҡ-Көнбайыш, Үҙәк, Белоруссия, 1-се һәм 2-се белоруссия фронттары составында Бөйөк Ватан һуғышында ҡатнашҡан Эшсе-Крәҫтиән Ҡыҙыл Армияһының хәрби соединениеһы.

Тарихы

16-сы гвардия кавалерия дивизияһы 1943 йылдың 14 февралендә 112-се Башҡорт кавалерия дивизияһы частарынан ойошторола. 275-се, 294-се, 313-сө кавалерия полктары шуға ярашлы 58-се, 60-сы һәм 62-се кавалерия полктары тип атала.

1943 йылдың 12 февраленән 23 февраленә тиклем дивизия Көньяҡ-Көнбайыш фронтта 8-се кавалерия корпусы составында Ворошиловград ҡалаһы районында дошман тылында әүҙем хәрби эш үткәрә.

23 февралдә рейдтан сыҡҡанда дивизия командиры генерал-майор М. М. Шайморатов.һәләк була. М.М.Шайморатов һәләк булғандан һуң, дивизияны полковник Г.А.Белов етәкләй.

1943 йылдың 15 апреленән 1943 йылдың 30 авгусына тиклем дивизия Баш командование ставкаһына ҡараған.

1943 йылдың 13 майынан 1943 йылдың 12 июленә тиклем Воронеж өлкәһе Павловск ҡалаһында дивизияны яңынан үҙгәртеп ҡороу бара; сафтары тулыландырыла, шул иҫәптән 4-се кавалерия корпусының 16-сы һәм 81-се кавалерия дивизияларының личный составы менән.

Һылтанмалар

• «Память народа». Боевой путь 16-й гвардейской кавалерийской дивизии(недоступная ссылка)
• Сайт «Танковый фронт 1939—1945».16-я гвардейская кавалерийская дивизия
• 32 танковый полк на сайте «Танковый фронт 1939—1945»