Рябов Андрей Фёдорович
| Рябов Андрей Фёдорович | |
| Зат | ир-ат |
|---|---|
| Хеҙмәт итеүе | СССР |
| Тыуған көнө | 29 октябрь 1925 |
| Тыуған урыны | Воскресенск, Стәрлетамаҡ кантоны, Башҡорт АССР-ы, РСФСР, СССР |
| Вафат булған көнө | 14 февраль 2004 (78 йәш) |
| Вафат булған урыны | Ишембай, Башҡортостан Республикаhы, Рәсәй |
| Хәрби звание | рядовой |
| Һуғыш/алыш | Бөйөк Ватан һуғышы |
| Ғәскәр төрө | пехота[d] |
| Маҡтаулы исемдәре һәм башҡа бүләктәре |
   |
Рябов Андрей Фёдорович (29 октябрь 1925 йыл — 14 февраль 2004 йыл) — Бөйөк Ватан һуғышы яугире, уҡсы, рядовой. Советтар Союзы Геройы (1944).
Биографияһы[үҙгәртергә | сығанаҡты үҙгәртеү]
Андрей Фёдорович Рябов 1925 йылдың 29 оҡтябрендә Башҡорт АССР‑ының Стәрлетамаҡ кантоны Воскресенск ҡасабаһында[1] крәҫтиән ғаиләһендә тыуған. Урыҫ.
8 синыфты тамамлағас, Мәләүез ҡалаһында һөт заводында эшләй.
1943 йылдың ғинуарында Башҡорт АССР-ы Мәләүез район хәрби комиссариаты тарафынан Ҡыҙыл Армия сафына саҡырыла. Бөйөк Ватан һуғышы фронтында 1943 йылдан.
1944 йылдың март айында аяғы яралана һәм сентябргә тиклем Днепропетровск һәм Силәбе госпиталендә дауалана.
Демобилизациянан һуң Ишембай ҡалаһында йәшәй һәм эшләй. Башта токарь, аҙаҡ — машиналар төҙөү заводында техник контоль бүлегендә контолер булып эшләй. 1962 йылда — инвалидлыҡ буйынса пенсияла. Хаҡлы ялда булып, 1977 йылдан 1988 йылға тиклем Ишембай уҡсылар тирында инструктор булып эшләй.
2004 йылдың 14 февралендә вафат була, Ишембай ҡалаһында ерләнгән.
Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]
- СССР Юғары Советы Президиумының 1944 йылдың 22 февралендәге указы менән командованиеның хәрби заданиеларын теүәл үтәгәне һәм шул уҡ ваҡытта күрһәткән батырлығы һәм ҡаһарманлығы өсөн ҡыҙылармеец Рябов Андрей Федоровичҡа Ленин ордены менән «Алтын Йондоҙ» миҙалы (№ 6798) тапшырылып, «Советтар Союзы Геройы» исеме бирелә[2][3].
- 1-се дәрәжә Ватан һуғышы ордены[4] миҙалдар менән (1985) бүләкләнә.
А. Ф. Рябовтың бүләкләү ҡағыҙынан[2]:
1943 йылдың 28 сентябрендә Днепр йылғаһының уң яғында һөжүм ваҡытында дошмандың пулемёт нөктәһе беҙҙең һөжүм итеүсе пехотаға ҡамасау итә, Рябов, оҫта йәшеренеп, дошманың алғы һыҙығына үтеп инә һәм пулемёттан атҡан немец һалдаттарының окобына гранаталар ташлай, 10-ға яҡын гитлерсыны юҡ итә, пулемёттары менән өсәүһен әсирлеккә ала.
Дошман үҙенең көслө ҡаршы һөжүмендә танктарына тотона, беҙҙең пехота ҡыҫымға алына. Беҙҙең пехота өсөн ошондай киҫкен ваҡытта, Рябов, батырлыҡ һәм ҡаһарманлыҡ күрһәтеп, дошмандың танкын яҡын аралыҡҡа ебәрә һәм ПТР уты менән бер танкты һәм бер бронемашинаны яндыра, шул уҡ ваҡытта 10-ға яҡын немец һалдатын һәм офицерын юҡ итә. Ҡараңғылыҡтан файҙаланып, һуғыш яланынан өс яралы яугирҙе сығара һәм уларға ярҙам күрһәтә.
Иптәш Рябовтың иҫәбендә 20 юҡ ителгән немец һалдаты. Өс немецты әсирлеккә ала.
Иҫкәрмәләр[үҙгәртергә | сығанаҡты үҙгәртеү]
- ↑ Хәҙер Башҡортостан Республикаһының Мәләүез районы Воскресенск ауылы
- ↑ 2,0 2,1 Бүләкләү ҡағыҙы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 793756, д. 41, л. 378, 379).
- ↑ Указ Президиума Верховного Совета СССР «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686043, д. 20, л. 4).
- ↑ Карточка награждённого к 40-летию Победы «Халыҡ батырлығы» мәғлүмәт электрон базаһында.
Һылтанмалар[үҙгәртергә | сығанаҡты үҙгәртеү]
- Рябов Андрей Фёдорович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 12 октябрь 2019)
- Рябов Андрей Фёдорович. «Герои страны» сайты.
- 85 лет со дня рождения Героя Советского Союза из Башкирии Андрея Рябова.
- Герой Советского Союза Андрей Фёдорович Рябов.
- 29 октябрҙә тыуғандар
- 1925 йылда тыуғандар
- СССР-ҙа тыуғандар
- 14 февралдә вафат булғандар
- 2004 йылда вафат булғандар
- Ишембайҙа вафат булғандар
- Ленин ордены кавалерҙары
- Советтар Союзы Геройҙары
- 1-се дәрәжә Ватан һуғышы ордены кавалерҙары
- Алфавит буйынса шәхестәр
- Бөйөк Ватан һуғышы пехотасылары
- Ишембайҙа ерләнгәндәр
- Мәләүез районында тыуғандар
- Днепр өсөн алышта ҡатнашыусылар
- Башҡортостан шәхестәре