Әхмәтзәки Вәлиди музейы

Википедия — ирекле энциклопедия мәғлүмәте
Әхмәтзәки Вәлиди музейы
{{{подпись}}}
Асылған ваҡыты 2 ноябрь 1992
Директор Кәрим Фатҡулла улы Шәйәхмәтов
Сайт museum.ru/M2285
Логотип Викисклада Әхмәтзәки Вәлиди музейы Викимилектә

Әхмәтзәки Вәлиди музейы[1] — Башҡортостан Республикаһының Милли музейы филиалы, Әхмәтзәки Вәлиди тыуған Ишембай районының Көҙән ауылында булдырылған. Музей ауылдың үҙәк өлөшөндә — Зәки Вәлиди исемендәге майҙанда — урынлашҡан.

Музейҙың булдырылыуы[үҙгәртергә | сығанаҡты үҙгәртеү]

Музейға нигеҙ һалыу көнө тип 1992 йылдың 2 ноябрь көнө һанала. Музей йорто Вәлидовтарҙың өйөнөң урынында төҙөлгән. Әхмәтзәки Вәлиди иҫтәлеген мәңгеләштереү буйынса подрядсы ойошмаларының комплекслы планына ярашлы эштәр Башҡортостан Республикаһының Хөкүмәте һәм Ишембай район администрацияһы контроле аҫтында булды. Проектҡа Милли музей етәкселеге кураторлыҡ итте, башлыса күп көс философия фәндәре кандидаты Әмир Юлдашбаев һалды.

Музейға нигеҙ һалыусы Кәрим Фәтҡулла улы Шәйәхмәтов (1934 йылда тыуған) хәҙерге көндә музей директоры.

Артабанғы йылдарҙа төп йорттоң һәм ишек алдындағы биналарҙың, ҡоҙоҡтоң, ҡоймаларҙың, тротуарҙарҙың косметик ремонты ойошторолдо. Иҫтәлекле стела янында сквер булдырылды.

Ишембай районы Көҙән ауылындағы Зәки Вәлиди музейы.

Музей экспонаттары[үҙгәртергә | сығанаҡты үҙгәртеү]

Музейҙа 1600-ҙән артыҡ Әхмәтзәки Вәлидиҙең, тормошон һәм эшмәкәрлеген, уның ғаиләһен сағылдырыусы экспонат тупланған. Әхмәтзәки Вәлидиҙең ҡыҙы Иҫәнбикә Туған музейҙы беренсе тарихи документтар һәм фотографиялар менән тәьмин итте. 2002 йылда Кәрим Шәйәхмәтов Төркиәлә Әхмәтзәки Вәлидиҙең балалары — Иҫәнбикә һәм Субәҙәй, уның арҡаҙашының улы Йәшәр менән осрашты. Был сәфәрҙән һуң музей ҡиммәтле экспонаттар, шул иҫәптән автономиялы Башҡортостан республикаһының картаһы менән тулыланды. Был картала бөтә яҙыуҙар ҙа Әхмәтзәки Вәлиди ҡулы менән башҡорт телендә ғәрәп шрифтында яҙылған. Шулай уҡ ошо сәфәрҙән Әхмәтзәки Вәлидиҙең телмәре һәм уның башҡарыуында йырҙар яҙылған аудиокассета алып ҡайттылар[2].

Экспонаттар араһында:

  • Ә. З. Вәлидиҙең мантияһы
  • Ә. З. Вәлидиҙең ата-әсәһе йорто йыһаздары

Музей эшмәкәрлеге[үҙгәртергә | сығанаҡты үҙгәртеү]

2002 йылда музей администрацияһы саҡырыуы буйынса Төркиәнән атаһының тыуған яҡтарына Иҫәнбикә Тоған үҙенең ҡыҙы Сара менән килеп китте.

Район бюджеты иҫәбенә Төркиәгә ике экспедиция ойошторолдо.

2011 йылдың 14 февралендә музейҙа Халыҡ-ара ТЮРКСОЙ ойошмаһы генераль секретары Дюсен Касеинов етәкселегендәге рәсми делегацияһы булып китте[3][4].

Урындағы иҫтәлекле урындар[үҙгәртергә | сығанаҡты үҙгәртеү]

  • Вәлиди ҡойоһо,
  • Ә. З. Вәлидигә стела
  • Юрматы ырыуы ерҙәре

Иҫкәрмәләр[үҙгәртергә | сығанаҡты үҙгәртеү]

Һылтанмалар[үҙгәртергә | сығанаҡты үҙгәртеү]

Шулай уҡ ҡарағыҙ[үҙгәртергә | сығанаҡты үҙгәртеү]