Ғабдулла Амантай

Амантаев Ғабдулла Сәхипгәрәй улы, Ғабдулла Амантаев — күренекле башҡорт балалар яҙыусыһы; әҙәбиәт, фольклор өйрәнеүсе; йәмғиәт эшмәкәре. 1907 йылдың 23 декабрендә Ырымбур губернаһы Ҡыпсаҡ волосы Үрге Ҡунаҡбай ауылында (хәҙерге Ырымбур өлкәһе Красногвардейск районы) уҡытыусы ғаиләһендә тыуған.

Башҡорт филология фәненә нигеҙ һалыусыларҙың береһе, башкортса һүҙлек, дәреслектәр төҙөүсе. Фәнни эштәре башҡорт фольклоры, әҙәбиәтен өйрәнеүгә арналған.

Ырымбур башҡорт педагогия техникумын тамамланы.

СССР яҙыусылар съезды делегаты. 1924 йылдан — Башҡортостан өлкә комитеты ағзаһы. Арғаяш кантонында комсомол секретары булып эшләй. Ленинград Тарих, филология һәм лингвистика институтында уҡый.

1926 — 1928 йылдарҙа — «Йәш юҡһыл», «Башҡортостан йәштәре» гәзиттәренең мөхәррире. 1933 йылдан 1937 йылға тиклем Тарих, Тел һәм әҙәбиәт институтының (Тарих, Тел һәм әҙәбиәт институты) директоры, Башҡорт дәүләт педогогия институтының башҡорт әҙәбиәте кафедраһы доценты.

1937 йылғы сәйәси золом ҡорбаны. Үлеменән һуң аҡланған.