Дилмөхәмәтов Ишмулла Ишҡәле улы

Ишмулла Дилмөхәмәтов
Тыуған	15 сентябрь 1928({{padleft:1928|4|0}}-{{padleft:9|2|0}}-{{padleft:15|2|0}})
Тыуған урыны	Йылайыр районы Иҫке Яҡуп ауылы
Үлгән	19 октябрь 1984({{padleft:1984|4|0}}-{{padleft:10|2|0}}-{{padleft:19|2|0}}) (56 йәш)
Үлгән урыны	Өфө БАССР
Ил	СССР
Инструменттар	ҡурай
Наградалар

Дилмөхәмәтов Ишмулла Ишҡәле улы (1928 йылдың 15 сентябрендә БАССР, Йылайыр кантоны (хәҙерге Башҡортостан Республикаһы, Йылайыр районы), Иҫке Яҡуп ауылында донъяға килгән) — башҡорт актеры, ҡурайсы, йырсы, композитор.

• 1943 йылда Баймаҡ башҡорт колхоз-совхоз драма театры труппаһына ҡабул ителә һәм 1949 йылға тиклем шунда эшләй.

• 1949—1952 йылдарҙа Совет Армияһы сафтарында хеҙмәт итә.

• 1953—1966 йылдарҙа — Башҡорт дәүләт академия театры актеры.

• 1966—1984 йылдарҙа — Башҡорт дәүләт филармонияһының ҡурайсыһы һәм солисы.

• 1973 йылда — БАССР халыҡ артисы исеме бирелә.

• 1974 йылда — Салауат Юлаев исемендәге Республика премияһы лауреаты.

• 1975 йылда — РСФСР-ҙың атҡаҙанған артисы исеме бирелә.

Ишмулла Дилмөхәмәтовтың үҙенсәлекле артист һәм ҡурайсы-башҡарыусы булып үҫешеүендә драма театрында эшләүе ҙур роль уйнай. 60-сы йылдарҙа ул башҡорт эстрадаһының алдынғы артистарының береһе, бик маһир ҡурайсы, талантлы йырсы-импровизатор, башҡорт фольклорының белгесе була.

Уның ижады менән ҡурайҙа элекке оҫталарҙың уйнауына хас булған өзләү ҡушып уйнауҙың тергеҙелеүе бәйле. И. Дилмөхәмәтовтың репертуарына күп башҡорт халыҡ вокаль һәм иструменталь көйҙәре инә: «Урал», «Буранбай», «Ғилмияза», «Зөлхизә», «Таштуғай», «Сыңрау торна» һ.б.

Дилмөхәмәтов либреттоһына Заһир Исмәғилев «Урал илселәре», «Аҡмулла», «Ҡаһым түрә» операларын яҙа. Рәсәй делегацияһы составында башҡорт сәнғәтен Францияла, Италияла, Швецияла, Швейцарияла, ФРГ-ла, Польшала, Венгрияла, Афганистанда, Пакистанда, Бирмала, Иранда, Японияла тамашасыларға еткерә.

• 1984 йылда Өфө ҡалаһында вафат була.

Әҙәбиәт

Шакур Р. Ишмулла Дильмухаметов //Лауреаты премии имени Салавата Юлаева. Уфа, 1987.

Һылтанмалар

• Дилмөхәмәтов Ишмулла Ишҡәле улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Сәхнәнең моң бәhлеүәне. «Йәшлек» гәзитендәге мәҡәлә
• Миләүшә Ҡолмөхәмәтова. Ҡурайсы-импровизатор // Панорама Башкортостана : журнал. — 2010. — № 1 (21).