Нәбиуллин Рәфил Рауил улы

Рәфил Нәбиуллин
Исеме:	Нәбиуллин Рәфил Рауил улы
Тыуған ваҡыты:	23 ғинуар 1952({{padleft:1952|4|0}}-{{padleft:1|2|0}}-{{padleft:23|2|0}})
Тыуған урыны:	Башҡорт АССР-ы, Илеш районы, Иҫке Хажи ауылы
Вафат ваҡыты:	18 сентябрь 2002({{padleft:2002|4|0}}-{{padleft:9|2|0}}-{{padleft:18|2|0}}) (50 йәш)
Вафат урыны:	Өфө
Һөнәре:	театр артисы
Гражданлығы:	СССР → Рәсәй Федерацияһы
Театр:	Башҡорт дәүләт академия драма театры
Наградалары:	Рәсәй Федерацияһының атҡаҙанған артисы Башҡорт АССР-ының халыҡ артисы

Рәфил Нәбиуллин, Нәбиуллин Рәфил Рауил улы (23 ғинуар 1952 — 18 сентябрь 2002) — Башҡорт дәүләт академия драма театры актёры, Рәсәйҙең атҡаҙанған (2000) һәм БАССР-ҙың халыҡ (1989) артисы.

Илеш районының Иҫке Хажи ауылында 1952 йылдың 23 ғинурында тыуған. Бер аҙҙан уларҙың ғаиләһе Өфөгә күсеп килә.

Сәхнә менән Рәфил Рауил улы бала сағынан уҡ ҡыҙыҡһына: 19-сы мәктәптә уҡығанда, Пионерҙар йортонда Валентина Тараканова етәкселегендәге балалар драма түңәрәгенә йөрөй башлай. Урта мәктәпте тамамлағас, Өфө дәүләт сәнғәт институтының театр факультетына килә. Унан һуң Совет Армияһы сафында хеҙмәт итә.

Мәжит Ғафури исемендәге Башҡорт дәүләт академия драма театрына эшкә килгәс (1973 йыл), тәүге көндәрҙән үк үҙен талантлы, талапсан актер итеп күрһәтә. Репертуарында драма комедия менән үрелеп бара: «Медея»ла (Еврипид) — Ясон, «Ҡыҙ урлау»ҙа (М. Кәрим) — Шәрәй, «Аҫылйәр»ҙә (М. Фәйзи) — Ғәбдрәшит, «Йәрем минең, Алиһәм»дә (Р. Байбулатов) — Адам Федорович, «Әкәмәтле һөйөү»ҙә (Лопе де Вега) — Рикардо, «Аты барҙың — дәрте бар»ҙа (Н. Ғәйетбай) — Ҡотлобай, «Әйҙәгеҙ, танышайыҡ»та (Г. Әхмәтҡужина) — Самат һәм башҡалар.

Рәфил Нәбиуллин 2002 йылда вафат булды.

Һылтанмалар

• Нәбиуллин Рәфил Рауил улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Рита Хәсәнова. Булмышы театр ине… // Башҡортостан : гәзит. — 22.03.2012.