Ҡарамышева Таңһылыу Фаяз ҡыҙы

Таңһылыу Ҡарамыш
Исеме:	Ҡарамышева Таңһылыу Фаяз ҡыҙы
Псевдонимдары:	Таңһылыу Ҡарамыш
Тыуған көнө:	3 март 1948({{padleft:1948|4|0}}-{{padleft:3|2|0}}-{{padleft:3|2|0}}) (76 йәш)
Тыуған урыны:	Башҡорт АССР-ы Бөрйән районы Байназар ауылы
Гражданлығы:	СССР → Рәсәй Федерацияһы
Йүнәлеше:	Шағир, прозаик, публицист, тәржемәсе, йәмәғәт эшмәкәре
Премиялары:	Ғәлимов Сәләм исемендәге премия

Ҡарамышева Таңһылыу Фаяз ҡыҙы (псевдонимы Таңһылыу Ҡарамыш (3 март 1948) — башҡорт шағиры. 1984 йылдан СССР Яҙыусылар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (2001)

Биографияһы

Таңһылыу Фаяз ҡыҙы Ҡарамышева 1948 йылдың 3 мартында Башҡорт АССР-ының Бөрйән районы Байназар ауылында тыуған.

Өфөләге 1-се һанлы башҡорт интернат-мәктәбен, Башҡорт дәүләт университетын тамамлай.

Хеҙмәт юлын «Башҡортостан ҡыҙы» журналында башлай. Артабан СССР фәндәр академияһының Башҡортостан филиялы Тарих, тел һәм әҙәбиәт институтында кесе ғилми хеҙмәткәр булып алты йыл эшләй. «Ленинсы», «Башҡортостан пионеры», «Һәнәк», «Ағиҙел» журналдарында ла эшләй. Үҙгәртеп ҡороу йылдарында «Йәшлек» гәзитен ойоштороуға күп көс һала, мөхәррир урынбаҫары була. Артабан «Урал» Башҡорт халыҡ үҙәгенең яуаплы сәркәтибе вазифаһын да алып бара.

1993 йылдан ул йәштәр журналы «Шоңҡар»ҙы ойоштороп сығарыуҙа ҡатнаша. 1994 йылдан баҫманың баш мөхәррире була.

Оҙаҡ йылдар дауамында республика матбуғатында эшләй. Шоңҡар журналының беренсе баш мөхәррире.

Китаптары

• Саҡыр мине. Шиғырҙар. Өфө, 1981, 47 бит.
• Ҡосағыңа ал, тормош. Шиғырҙар. Өфө, 1985, 96 бит.
• Тиҫтерҙәрем. Шиғырҙар. Поэма. Өфө, 1988, 80 бит.
• Гөлләмә. 1993 йыл.
• Күңелем доғалары. 1998 йыл
• Донъя - даръя. 2008 йыл.
• Сәскәле йән. 2008 йыл.
• Сәғәҙәт сәәғәте. 2011 йыл.
• Мәңгелек сәфәр. 2014 йыл.
• Көҙ йәйе. 2016 йыл.

Сығанаҡтар

• Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.) (Тикшерелеү көнө: 24 ноябрь 2017)
• Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.) (Тикшерелеү көнө: 24 ноябрь 2017)
• Ғәйнуллин М. Ф., Хөсәйенов Ғ.Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит. (Тикшерелеү көнө: 24 ноябрь 2017)

Һылтанмалар

Таңһылыу Ҡарамыш // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.