Википедия:Тауыш биреүҙәр/Конкурстар

Фекерләшеү

Түбәндәге мәғлүмәт ошо биттән алынған: Википедия:Ҡоролтай#Конкурстар һәм БашВики өсөн мөһим мәҡәләләр тураһында

Был темаға фекер алышыу Ҡоролтайҙа 2020 йылдың 2 июнендә башланды. Фекерҙәр конкурстар буйынса ҡағиҙә булараҡ төймәләкләнә башланы. Тәҡдимдәрҙе артабан тикшереү һәм ҡабул итеү өсөн фекер ылышыуҙы Википедия:Ҡағиҙәләр һәм күрһәтмәләр сәхифәһенең фекер алыушыу бүлегенә күсерергә тәҡдим итәм. --Рөстәм Нурыев (әңгәмә) 05:18, 4 июнь 2020 (UTC)

Конкурстар ойоштороу йәки башҡалар ойошторған конкурстарҙа ҡатнашыу саралары барлыҡ ҙур һәм әүҙем тел бүлектәрендә лә үткәрелә. БашВики вәкилдәре халыҡ-ара йәки урындағы конкурстарҙа ҡатнашыуы башҡорт википедистарын «әүҙем берләшмә» кимәленә күтәрә. Шул уҡ ваҡытта БашВикила тематик ауышлыҡ барлыҡҡа килде. Башҡалар тураһында мәҡәләләр күп, башшҡорттар тураһында әҙ. Конкурстарҙың дәртләндереү өлөшө төрлөсә. РуВики ойошторған конкурстар аҡсаға күсеп бөттө. Азия айлығы асылмалар менән сикләнә. Вики-яҙ китаптар алырға тәҡдим итә һәм билдәле кимәлдә аҡса бүлә. Яңы башланған Төрки марафонын ойоштроусылар Вики-яҙ өлгөһөндә приздар һатып алырға тәҡдим итә, аҡса бүлә. Аҡсалата дәртләндереү Викимедиа тәғлимәтенә тап килмәүе лә бар, әлбиттә. Әммә, кемдеңдер шул аҡсаға ла мохтаж булыуы ихтимал. Йәки, аҡсаға мохтаж булмаһа, бәйге ҡомары көслө булып призлы урында алыу өсөн көрәшәлер. Кеше күңелен белеп бөтөп булмай. Тимәк, беҙгә уйланырға һәм барыһын да ҡәнәғәтлендергән фекергә килергә кәрәктер. Минең тәҡдимдәр түбәндә. --Рөстәм Нурыев (әңгәмә) 02:00, 2 июнь 2020 (UTC)

• Берҙән, конкурста ҡатнашҡандарҙы битәрләмәҫкә. Аҡса өсөн эшләйҙәр, тип ғәйепләмәҫкә. Был да Викимедиа тәғлимәтен боҙоу ул (Биш тағандың дүртенсе тағаны). --Рөстәм Нурыев (әңгәмә) 02:00, 2 июнь 2020 (UTC)
  • шулай уҡ был фактты википедияның ҡаҙанышы тип ағымдағы ваҡиғаларҙа, пресс-релиздарҙа, заявка, отчёттарҙа күрһәтмәҫкә. --ZUFAr (әңгәмә) 12:34, 2 июнь 2020 (UTC)
• Икенсенән, конкурстарҙа эшләп алған аҡсаны БашВикиның дөйөм мәнфәғәтенә тотонорға, тип Зөфәр күптән тәҡдим итә. Бының өсөн конкурста приз яулағандар приздарын дөйөм ҡаҙнаға үҙ ирке менән һалырға тейеш була. Һала икән - хуп, һалмай икән - һүҙ тейҙерергә ярамай. --Рөстәм Нурыев (әңгәмә) 02:00, 2 июнь 2020 (UTC)
• Өсөнсөнән, Башҡорт Википедияһы өсөн мөһим булған мәҡәләләр яҙыу буйынса тематик конкурстар һәм тематик айлыҡтар ойошторорға. --Рөстәм Нурыев (әңгәмә) 02:00, 2 июнь 2020 (UTC)
  • Хуп! Өсөнсө пункт буйынса: Фольклориадаға тип әҙерләнгән исемлек бар, ниңә уның икенсе йыл үткәрелгәнен көтөргә, быйылғы даталары буйынса ойошторорға мөмкин. Бүләкһеҙ, призһыҙ, аҡсаһыҙ ғына. Виртуаль урындар һәм виртуаль миҙалдар менән билдәләп. --З. ӘЙЛЕ (әңгәмә) 06:21, 2 июнь 2020 (UTC)
• Бәхәс конкурстың тап аҡсаға ойошторолоуы тураһында түгел ине.Ә аҡсаға ойошторолған конкурстың йөкмәткеһе тураһында. Унда яҙырға мәжбүр булған мәҡәләләр Башҡорт Википедияһын байытмау ғына түгел, бөтөнләй кәрәге булмаған (әкәм-төкәм тиһәң дә була) мәҡәләләр менән сүпләндерә, бәһен, абруйын төшөрә.

Һорауым:

• ниңә ундай йөкмәткеле конкурстар тәҡдим итәһегеҙ?
• ниңә конкурстар бере артынан тыҡлығышып килә?

Араһында ял итергә лә әмәл юҡ.Араһында райондарыбыҙ, дөйөм Башҡортостан темалары, 1000 һәм Мириада буйынса, фәндәр буйынса иркенләп эшләрлек ваҡыт та ҡалдырылмай. Ирекмән булып ингәнбеҙ икән, глобаль Википедияның, Рәсәй Википедияһының бер өлөшө булғанда ла Башҡорт Викиһын файҙаһынан зыяны күп булған конкурстар менән тултырыу, өҫтән диктовкаға ғына бейеү дөрөҫ түгел. Берҙән, урыҫ Викиһындағы кеүек ирекмәндәр күп түгелбеҙ.Тимәк, көстәр тарҡала, юҡ-барға бүленә. Икенсенән, ямғыр кеүек яуып торған, бер ҡыҙығы булмаған, мейегә аҙыҡ булмаған мәҡәләләрҙе тикшереп ултырған редакторҙарҙы йәлләйем. Ә аҡса проблемаһы икән, интернет аша аҡса эшләүҙең әллә күпме юлдары бар Рөстәм бейҙең тәҡдимен хуплайым.(Өсөнсөнән, Башҡорт Википедияһы өсөн мөһим булған мәҡәләләр яҙыу буйынса тематик конкурстар һәм тематик айлыҡтар ойошторорға). Башҡортостан марафоны булды ла инде.Тик бер наградаһыҙ ҙа эшләп була.Эшләгән эштәребеҙ кеше күҙенә төртөү өсөн булмаһын. Ошо ыңғайҙан тағы ла фекерҙәремде яҙып китәм әле.

• Викилағы эш мәҡәләләр менән генә баһаланырға тейеш түгел.Ә конкурстағы балдар тик шуның менән баһалана.Зөфәр бей бер өндәшеп ҡараны.Ә редакторҙарҙың эше ниңә баһаланмай тип.Әммә ҡолаҡ һалыусы, иғтибарға алыусы булманы.
• Унан редакторҙар интернет аша ла, урында һәм ҡайҙалыр барып өйрәтеүсе ролендә эшләй.Йоҡламай, төн уртаһында ла мәҡәлә ҡуйышып ултырғандары бар.
• Мәҡәләләрҙе урыҫ Викиһынан тәржемәләүгә ҡарағанда булмаған мәҡәләне яҙыу күпкә ҡыйын һәм оҙаҡ ваҡытты ала.Бер көндә бер нисә тәржемә эшләп була.Әммә үҙең яҙһаң, ҡыҫҡа ғына мәҡәлә лә аҙналай ваҡытты талап итә.
• Гел тәржемәлә ултырһаҡ, кем Башҡортостан буйынса әлегәсә яҙылмаған мәҡәләләрҙе яҙыр?

--Һәҙиә (әңгәмә) 06:57, 2 июнь 2020 (UTC)

• • ошо фекергә өҫтәмә.

Конкурсты ойоштороусылар админдар менән кәңәшләшмәйенсә конкурс иғлан итә алмай. Конкурс мәҡәләләренең башҡорт донъяһы өсөн әһәмиәтлелеген билдәләү өсөн башҡорт мәҙәниәте, тарихы һ.б өлкәлә эшләгән белгестәрҙе саҡырайыҡ. Белгес таба алмаһаҡ башҡорт телен белгән уҡытыусыларҙан һорайыҡ, кәрәкме-юҡмы икәнен үҙебеҙ тауыш биреү юлы менән асыҡлайыҡ. Конкурс тураһында бер ай алдан иғлан ителә. Ике конкурс араһында бер ай ваҡыт арауығы булырға тейеш. Конкурс өсөн яҙылған мәҡәләләрҙең йөкмәткеһе, биҙәлеше, әһәмиәтлелеге өсөн заказчик (конкурсты ойоштороусы) һәм урындағы координатор яуаплы, уларҙың исемдәрен мәҡәләнең фекер алышыу битендәге ҡалыпҡа яҙып ҡуйырға. --ZUFAr (әңгәмә) 12:40, 2 июнь 2020 (UTC)

• Көнһылыу бик төплө, аңлайышлы итеп яҙған. Өпөр-яңы мәҡәлә яҙыуы еңел эш түгел. Бының өсөн ҡул аҫтында абруйлы гәзит-журнал мәҡәләләре йә башҡа сығанаҡтар булырға тейеш. Йә интернеттан эҙләп табыр кәрәк. «Юбилярға Википедия бүләге» тигән проектта, мәҫәлән, күп кенә шәхестәр буйынса материал табыуы ҡыйын. Берәмтекләп йыйып, яҙаһың. Шунан бына Гөлшат башҡорт халыҡ йырҙары тураһында күп кенә яңы мәҡәләләр яҙҙы. Конкурстың тиҙлегенә өлгөрәм тип, Башвики алға сыҡһын, тип яҙған булабыҙ. Беҙҙең халыҡты һәм телде был юл ғына таныта алмайҙыр.

Башҡорт халҡының үҙенсәлеген, илебеҙҙең иҫтәлекле урындарын данлаусы, батыр улдары һәм ҡаҙаныштарын күрһәтеүсе мәҡәләләр яҙырға һәм етерлек һылтанма менән байытырға кәрәк. Шул саҡта, рус теленә тәржемә иткәндә лә, абруйлы сығанаҡ күп булһа, Рувики ҡабул итер. Akkashka (әңгәмә) 09:21, 2 июнь 2020 (UTC)

•  РизаҮҙебеҙҙең республика шәхестәрен белеү бик кәрәк, әйтәйек, алдынғы эшселәр, ауыл хужалығы хеҙмәткәрҙәре.Улар тураһында теүәл даталар иҫтә ҡалмаһа ла, ил үҫешенә индергән ҡаҙаныштары мөһим. Викторинала уларҙың исемдәре ишетелһә лә яҡшы булыр ине. Ә бына сит-ят яҡтарҙыҡы, ил кимәлендә Стаханов кеүек билдәле булмаһа, белеүҙең беҙҙең үҙебеҙгә лә, Башквикиға ингән кешеләргә лә кәрәкмәйҙер. Шуға ла мин Зөфәрҙең үҙ кешеләребеҙ, шул уҡ сиркәүҙәребеҙҙең дә үҙебеҙҙәгеләрен яҙыу өҫтөнөрәк урында тип һанайым.--Guram52 (әңгәмә) 12:28, 2 июнь 2020 (UTC)
• Конкурста ҡатнашыу-ҡатнашмау мәжбүри түгел, шунлыҡтан ул ниндәй булһа ла ваҡытта ла уҙғарылырға мөмкин тигән фекерҙәмен. Шул уҡ ваҡытта һәр кем хәленән килгәнсе Башҡортостан һәм башҡорттар тураһында мәҡәләләр яҙа һәм тулыландыра ала - был бер туҡтауһыҙ процесс. --Ryanag (әңгәмә) 17:59, 2 июнь 2020 (UTC)
• Мин конкурстарға ҡаршы түгелмен.Конкурстарҙың йөкмәткеһенә.Аҡса менән алдаштырып, айырым бер районмы, өлкәме әһәмиәтендәге түбән йөкмәткеле мәҡәләләр тәҡдим ителеүе тураһында.

Сит ерҙәр тураһындағы конкурстар тыҡлыҡышып ҡына түгел, ҡатланынышып килә. Кемдер барыбер шуларға ҡушылып, Башҡортостандың үҙе тураһында мәҡәләләр ырамай. Сөнки, 10 тирәһе кешене нисәгә бүленә ала? Ә ниңә шулар араһында йылына бер тапҡыр булһа Башҡортостан тураһында марафонмы эшләп алмайбыҙ (аҡсаға һылтамай ғына)?

Алтын урталыҡ табырға тейешбеҙҙер бит?

Башта үҙ донъяһын ҡарамай, йәки ингән сыҡҡанда ғына ғына ҡарап, күршеһенеңме, икенселәрҙең донъяһын ғына ҡарап йөрөгәнде башҡортта зимагур тиҙәр.--Һәҙиә (әңгәмә) 03:15, 3 июнь 2020 (UTC)

• Беҙҙең викила бик күп темалар һай асылған, башы-аҙағы булһа, уртаһы (иң кәрәкле өлөшө) юҡ. Мөһим темалар исем өсөн генә башланып ҡуйылған. Ә яҙылмағандары? Ырыуҙар, йырҙар буйынса үткәрелгән конкурстар һөҙөмтәле булды. Ул мәҡәләләрҙе ла тулыландырыр кәрәк. Беҙҙең тарих, теләһәң-теләмәһәң, Рәсәй тарихы менән бәйле, шуға мин шундай темаларҙы алырға тырышам. Конкурстарҙа иһә викибыҙҙы байытырлыҡ, башҡа халыҡтар тураһында белемебеҙҙе арттырырлыҡ мәҡәләләр яҙыу яҡлымын. Бер-бер артлы үткәрелгән конкурстар шулай ҙа йонсота башланы, күңел талап иткән, тикшеренеп, китаптарҙан мәғлүмәт эҙләп, дәлилләп яҙыу өсөн ваҡыт тар ҡала. Ә беҙ ундай эште мотлаҡ алып барырға тейешбеҙ--Тутыйғош (әңгәмә) 04:55, 3 июнь 2020 (UTC)

Тәҡдимдәр

1. Башҡорт Википедияһында алдан тикшереү процедураһын үткәрмәйенсә бер кем дә конкурс иғлан итә алмай. Конкурст тураһында алдан хәбәр ителә һәм тауыш биреүгә ҡуйыла. Тауыш биреү һөҙөмтәһе буйынса үткәреү тураһында ҡарар ҡабул ителә.
2. Конкурстың оҙайлығы бер айҙан артмаҫҡа тейеш (традицион булған Вики-яҙҙан башҡа). Конкурстан һуң ошо конкурс оҙайлығында, ирекле эшләү өсөн шул тиклем үк ваҡыт булырға тейеш.
3. Конкурс мәҡәләләре өсөн конкурсты ойоштороусы һәм урындағы координатор яуаплы. Уларҙың иҫәп яҙмаларын мәҡәләнең фекер алышыу битендәге ҡалыпҡа яҙып ҡуйырға.
4. Һәр ҡатнашыусы конкурс өсөн яҙылған һәр 10 мәҡәләгә мотлаҡ йәки Башҡортнамә тематикаһын 1 мәҡәләне яҡшыртырға йәки яңы мәҡәлә яҙырға тейеш. Был турала (конкурс тамамланғансы) махсус таблицала теркәп ҡуйылырға тейеш.

Тауыш биреү

Тауыш биреү тамамланған
Башланыу ваҡыты: 10 июнь 2020 13:34:07	Тамамланыу ваҡыты: 18 июнь 2020 13:34:07

Ошо тәҡдимдәр өсөн тауыш биреүегеҙҙе һорайым. —ZUFAr (әңгәмә) 09:48, 8 июнь 2020 (UTC)  Риза —ZUFAr (әңгәмә) 09:48, 8 июнь 2020 (UTC)

•  Риза--Alfiya55 (әңгәмә) 09:53, 8 июнь 2020 (UTC)
•  Риза Бер үк ваҡытта ике конкурс үткәрелмәһен ине--Тутыйғош (әңгәмә) 09:59, 8 июнь 2020 (UTC)
•  Риза Мин дә бер үк ваҡытта ике конкурс үткәрелмәһен тигән тәҡдим индерәм. Akkashka (әңгәмә) 10:02, 8 июнь 2020 (UTC)
•  Риза Мөһим конкурстар йәйгә ҡуйылмаһындыр, ауылда йәшәүселәр өсөн ваҡыт тығыҙ мәл--Таңһылыу (әңгәмә) 15:35, 8 июнь 2020 (UTC)
•  Риза --Guram52 (әңгәмә) 10:45, 8 июнь 2020 (UTC)
•  Риза — Өймәкләшеп килгән конкурстар ризаһыҙлыҡ тыуҙыра. Башҡортостанға файҙа булһын тип индек Викиға яҙышырға, файҙаһы булмаған конкурстар нимәгә, кемгә кәрәк? --Лилиә (әңгәмә) 12:41, 8 июнь 2020 (UTC)
•  Риза--Һәҙиә (әңгәмә) 13:04, 8 июнь 2020 (UTC)
•  Риза--Sherbn (әңгәмә) 14:27, 8 июнь 2020 (UTC)