Википедия:Рәхим итегеҙ

Википедия — ирекле энциклопедия мәғлүмәте
Ҡыҫҡа эске йүнәлтеү һылтанмаһы ВП:РИ
Башҡорт телендә ирекмәндәр тарафынан төҙөлгән Википедияға рәхим итегеҙ!!!

Һәр кем Википедиялағы мәғлүмәтте сикләүһеҙ ҡуллана һәм тарата ала.
Теләге булған һәр кем булған мәғлүмәтте тулыландыра ала.
Теләге булған һәр кем яңы мәғлүмәт өҫтәй ала.
Уның өсөн кемдәндер рөхсәт һорарға кәрәкмәй.
Википедияла барыһы ла бер тигеҙ хоҡуҡлы.

«

Кәрәк түгел милләтем тип тамаҡ ярыу,
Кәрәк бары милләт өсөн юлдар ярыу,
Кәрәк бары көн-төн тимәй алға барыу,
Берләшегеҙ, бөтә донъя башҡорттары!

»

Рауил Бикбаев. Берләшегеҙ, бөтә донъя башҡорттары.

Википедияла нимә эшләп була?

Бында:

  • Мәҡәләләрҙе ҡарап сыға һәм ҡыҙыҡһынған темағыҙ буйынса мәҡәлә эҙләй алаһығыҙ.
  • Яңы мәҡәлә яҙа алаһығыҙ.
  • Булған мәҡәләләрҙе төҙәтә һәм тулыландыра алаһығыҙ.
  • Биттәрҙең күренешен яҡшырта алаһығыҙ.
  • Wikipedia’ның төҙөлөшөн яҡшырта алаһығыҙ.(Категориялар, ҡағиҙәләр, белешмә һәм ярҙам биттәре …)
  • Башҡорт телендәге Wikipedia Ҡоролтайында фекерҙәрегеҙ менән уртаҡлаша, һорауҙар бирә, бирелгән һорауҙарға яуап яҙа, тәҡдимдәр һәм тәнҡиттәр ҡалдыра алаһығыҙ.
Тулыландырыу өсөн өс аҙым
  • «Үҙгәртергә» йәки «Вики-тексты үҙгәртергә» төймәһенә баҫып мөхәррирләү урынын асығыҙ
  • Тексҡа мәғлүмәт өҫтәгеҙ йәки хатаһы булһа төҙәтегеҙ
  • Яҙҙырып ҡуйырға төймәһенә баҫып мәғлүмәтте һаҡлағыҙ
Бер мәҡәләне үҙгәртеү бик еңел

.

Ҡағиҙәләр

Википедияның барлыҡ тел бүлектәре өсөн дөйөм булған мотлаҡ төп биш ҡағиҙә бар. Уларҙы һәр ваҡыт иҫтә тотоғоҙ һәм тайпылышһыҙ үтәгеҙ:

  1. Мәҡәләләрҙе энциклопедия ҡанундарына таянып яҙығыҙ;
  2. Мәғлүмәткә ҡарата рыяһыҙ, объектив булығыҙ;
  3. Авторлыҡ хоҡуҡтарын боҙмағыҙ, мәғлүмәтте үҙ һүҙҙәрегеҙ менән яҙығыҙ;
  4. Бер-берегеҙҙе ихтирам итегеҙ, иғтибарлы булығыҙ;
  5. Был дүрт ҡағиҙәнән башҡалырын бергәләп үҙегеҙ яҙығыҙ.



Тартынмағыҙ

Әгәр көрсөккә килеп терәлһәгеҙ, аптырап ҡалмағыҙ. Белешмә биттәренә күҙ атығыҙ. Әгәр мәсьәләгеҙҙе хәл итә алмаһағыҙ, башҡа ҡатнашыусыларҙан ярҙам һорағыҙ. Улар ҡулдарынан килгәнсе ярҙам итәсәктәр. Битте боҙоп ҡуйырмын йәки хата эшләрмен тип ҡурҡмағыҙ. Ҡыйыу булығыҙ. Бөтәбеҙ ҙә бында тәү башта ят кеше, бер ниҙә белмәй инек. Борсолмағыҙ, хата эшләгән булһағыҙ, төҙәтеүсе кеше мотлаҡ буласаҡ. Үҙгәрештәр керетеүҙән тартынмағыҙ.

Тулыраҡ мәғлүмәттәр өсөн

Шәхси бите

Иҫкәрмәләр

  • Башҡорт бүлегенең БЕЛЕШМӘ бите яҙылып бөтмәгән әле. Был эштә лә ярҙамсы була алаһығыҙ. Ҡулланыу ҡағиҙәләрен Урыҫ Wikipedia'һында ҡарап була: Помощь начинающим.
  • Башҡорт бүлегендә Arial Unicode MS шрифты ҡулланыла. Башҡортса яҙыу өсөн ЮНИКОД клавиатураһы ҡатламын бынан күсереп алығыҙ. Компьютерығыҙҙа Windows XP/2000/NT операцион системаһы булырға тейеш.
  • Һеҙ Wikipedia’ла теркәлмәйенсә лә мәҡәләләрҙе үҙгәртә алаһығыҙ. Ләкин өҫтәмә мөмкинлектәргә эйә булыу өсөн һәм башҡа ҡатнашыусылар менән бәйләнеш тотоу өсөн теркәлеү хәйерле.

Йомғаҡ

  • Һеҙ ҙә был эште өйрәнеп, белемегеҙҙе һынау урынында тикшереп, был эштә ҡатнаша алаһығыҙ.
  • Шулай итеп һеҙҙе Wikipedia’ның башҡорт теле бүлегенең әүҙем ҡатнашыусыһы итеп күрербеҙ тип өмөтләнәбеҙ.