Иблис ҡалаһы

«Иблис ҡалаһы» (сер. Ђавоља варош, рус. Город Дьявола) — Сербияның Куршумлия ҡалаһынан көньяҡ-көнсығышҡа ҡарай 27 км алыҫлыҡтағы Радан тауында урынлашҡан тәбиғәт ҡомартҡыһы^[1].

Бейеклеге 2 метрҙан алып 15 метрға тиклем булған, диаметры уртаса 1 метр тәшкил иткән 202 таш бағаналарҙан торған был тау ҡатламдарының остарында ауырлығы 100 килограмға еткән таш блоктар ята.

Бағаналар тәбиғи шарттарҙа елгә ашалыу һөҙөмтәһендә барлыҡҡа килгән. Районда минераллашыуы юғары (15г/л етә) булған ике һыу сығанағы бар: Иблис һыуы^[2] һәм Иблис ҡоҙоғо^[2].Шул сәбәпле яҡын тирәләге ерҙәр үҫентеләргә бик ярлы, ә был үҙ сиратында тау ҡатламдарының елдән ашалыуына^[1]^[3] килтергән.

Ғәҙәти булмаған тау ҡатламдары урындағы халыҡ араһында төрлө ҡурҡыныс легендалар барлыҡҡа килтергән, һәм улар «Иблис ҡалаһы» тигән атама менән йөрөтөлә башлайҙар. Урындағы шарттар тирә-яҡтан туристарҙы йәлеп итеү өсөн бик уңай. Экскурсияларҙың күбеһе төндә^[3] уткәрелә.

1959 йылда «Иблис ҡалаһы» территорияһы һаҡлау статусын ала, 1995 йылда Сербия хөкүмәте уға тәбиғәт ҡомартҡыһы^[1] статусын бирә. 2002 йылда ЮНЕСКО «Иблис ҡалаһын» Бөтә донъя мираҫы^[2] объекттарының баштағы исемлегенә индергән.

Иҫкәрмәләр

↑ ^1,0 ^1,1 ^1,2 About Devil`S Town (ингл.). Дата обращения: 16 май 2015.
↑ ^2,0 ^2,1 ^2,2 The Djavolja Varos (Devil's Town) Natural Landmark (ингл.). UNESCO World Heritage Centre. Дата обращения: 16 май 2015.
↑ ^3,0 ^3,1 Андрушкевич, Юрий Петрович. Тайна горы Радан // 100 самых необычных мест планеты. — М., 2014.

Һылтанмалар

Виртуальный тур по «Городу Дьявола»

[official-1] 1,0 ^1,1 ^1,2 About Devil`S Town (ингл.). Дата обращения: 16 май 2015.

[WH-2] 2,0 ^2,1 ^2,2 The Djavolja Varos (Devil's Town) Natural Landmark (ингл.). UNESCO World Heritage Centre. Дата обращения: 16 май 2015.

[top100-3] 3,0 ^3,1 Андрушкевич, Юрий Петрович. Тайна горы Радан // 100 самых необычных мест планеты. — М., 2014.

[1]

[2]

[3]