Филоненко Иван Емельянович

Филоненко Иван Емельянович
	Филоненко Иван Емельянович
Тыуған көнө:	1934
Тыуған урыны:	БАССР, Стәрлетамаҡ районы, Константиноградовка ауыл
Гражданлығы:	СССР →; Рәсәй Федерацияһы
Әҫәрҙәре яҙылған тел:	рус

Иван Емельянович Филоненко (1934 йыл) — рус яҙыусыһы, прозаик, публицист.

Биографияһы

1934 йылда Башҡорт АССР-ының Стәрлетамаҡ районындағы Константиноградовка исемле украин ауылында тыуған. Бала сағы Өршәк йылғаһы буйҙарында үтә.
Агромелиоратив техникумды тамамлай.
Тыуған яғында урмансы булып эшләй.
Совет Армияһы сафтарында хеҙмәт итә.
Мәскәү янындағы урман-тәжрибә хужалығында эшләй.
М. Горький исемендәге Әҙәбиәт институтын тамамлай.
Артабан журналист булып эшләй.

Ижады

Иван Емельянович Филоненко А. М. Горький исемендәге Әҙәбиәт институтын тамамлағандан һуң, журналист һөнәрен һайлай. Шул ерлектә ул яҙыусы-публицист булып таныла.

Тәүге повестары: «Болон өҫтөндәге болоттар» (1968), «Ағастар үҫкәнсе» (1973) автобиографик характерҙа. Артабанғы китаптары: «Ҡалҡыулыҡтарҙа, Рәсәй уртаһында» (1980) художество-документаль китабы, «Ҡыҙыл ҡарағай урманында» (1979), «Ер хаҡындағы хәстәрлектәребеҙ» (1983) китаптары хәҙерге заман урман һәм ауыл эшсәндәре тормошона ҡағылышлы проблемар өҫтөндә уйланыуҙарының һөҙөмтәһе булараҡ донъяға тыуҙы.

80-се йылдарҙа Курган өлкәһендә йәшәүсе һәүәҫкәр агроном, халыҡ академигы, Социалистик Хеҙмәт Геройы Терентий Семенович Мальцев тураһындағы «Игенсе» (1984)повесы уға киң танылыу килтерҙе.

Иван Филоненконың автобиографик әҫәрҙәрендә яҡташтарының — ауыл хужалығы эшсәндәренең тормошо асыҡ сағылыш таба. Күп кенә ауыл хужалығына бәйле публицистик әҫәрҙәрендә үткән быуттың икенсе яртыһындағы, Рәсәйҙең күп өлкәләре менән бер рәттән, Башҡортостан колхоз, совхоздарының да социаль-иҡтисади үҫеш мәсьәләләре ентекле анализлана.

Китаптары

Облака под лугом. М., 1968;
Пока вырастут деревья. М., 1973;
Сотвори красоту. М., 1977;
На холмах, посреди России. М., 1980;
В сосновом красном бору. М., 1979;
Земные наши заботы. М., 1983;
Хлебопащец. М., 1984.

Сығанаҡтар