Әхмәтов Арыҫлан Фәрит улы

Әхмәтов Арыҫлан Фәрит улы
Зат	ир-ат
Гражданлыҡ	СССР  Рәсәй
Тыуған көнө	11 декабрь 1948({{padleft:1948|4|0}}-{{padleft:12|2|0}}-{{padleft:11|2|0}}) (75 йәш)
Тыуған урыны	Львов, Украина Совет Социалистик Республикаһы, СССР
Һөнәр төрө	ғалим
Эш урыны	ӨДНТУ
Уҡыу йорто	ӨДНТУ
Ғилми дәрәжә	техник фәндәр докторы[d]
Маҡтаулы исемдәре һәм башҡа бүләктәре

Әхмәтов Арыҫлан Фәрит улы (11 декабрь 1948 йыл) — совет инженер-технологы, Башҡортостан Республикаһы Фәндәр академияһының мөхбир ағзаһы (1998), Башҡортостан Республикаһы Фәндәр академияһы нефть һәм газ бүлексәһенең академик-секретары (1997), техник фәндәр докторы (1986), профессор (1989), Рәсәй Федерацияһының атҡаҙанған фән эшмәкәре (1998), Рәсәй Федерацияһы Хөкүмәтенең фән һәм техника өлкәһендәге премияһы лауреаты (2015)

Биографияһы

Арыҫлан Фәрит улы Әхмәтов 1948 йылдың 11 декабрендә Львов ҡалаһында тыуа. Атаһы Әхмәтов Фәрит Ғәли улы (1926 йылғы) — Өфө нефть эшкәртеү заводында («Өфөнефтехим» асыҡ акционерҙар йәмғиәте) инженер, һуңынан директор урынбаҫары, КПСС-тың Өфө ҡала комитетының сәнәғәт буйынса секретары була, Хеҙмәт Ҡыҙыл Байраҡ (1971), «Почёт Билдәһе» (1976) ордендары кавалеры. Әсәһе — Әхмәтова  Роза Сәмиғулла ҡыҙы.

1971 йылда Өфө нефть институтын тамамлай.

Эш урындары: 1971 йылдан — Өфө нефть институтында инженер, ассистент, уҡытыусы, доцент, каталитик процестар тармаҡ лабораторияһы мөдире. 1987—1991 йылдарҙа — технология факультеты деканы, 1991 йылдан — кафедра мөдире. Бер үк ваҡытта 1997—2001 йылдарҙа Башҡортостан Республикаһы Фәндәр академияһы нефть һәм газ бүлексәһенең академик-секретары.

Әхмәтовтың ғилми эшмәкәрлек даирәһе: яҡшыртылған экологик үҙенсәлектәргә эйә яғыулыҡ, махсус тәғәйенләнешле нефть продукттары етештереү; уның тарафынан нефть эшкәртеүсе заводтарҙың нефть шламдарын үтилләштереү; әҙ бензоллы (1 проценттан кәм), ароматик углеводородтарҙың дөйөм күләме кәметелгән автомобиль бензиндарын эшләү технологияһы, бер нисә төрлө антисептик һәм профилактикалау сараһы эшләнгән.

Әхмәтов Арыҫлан Фәрит улы 3 фән докторы һәм 30-ҙан ашыу фән кандидаты әҙерләгән.

Хеҙмәттәре

Әхмәтов Арыҫлан Фәрит улы — 350-нән ашыу ғилми хеҙмәт, шул иҫәптән 50-ләгән уйлап табыу авторы.

Топливно-химическая переработка бензиновых фракций. Тематический обзор. М.: ЦНИИТЭнефтехим, 1990 (авторҙаш).

Ароматизация углеводородов на пентасилсодержащих катализаторах. М.: Химия, 2000 (авторҙаш).

Судовые топлива. Уфа: Гилем, 2001 (авторҙаш).

Бүләктәре һәм маҡтаулы исемдәре

• Рәсәй Федерацияһының атҡаҙанған фән эшмәкәре (1998)
• Фән һәм техника өлкәһендә Башҡортостан Республикаһының дәүләт премияһы лауреаты (2013)
• Фән һәм техника өлкәһендә Рәсәй Федерацияһы Хөкүмәте премияһы лауреаты (2015).

Әҙәбиәт

• Әхмәтов Арыҫлан Фәрит улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 8 декабрь 2019)