Бәзәкә

Ауыл
Бәзәкә татар. Бәзәкә
Ил	РәсәйРәсәй
Федерация субъекты	Татарстан
Муниципаль район	Менделеевск
Ауыл биләмәһе	Бәзәкә
Координаталар	55°55′43″ с. ш. 52°27′00″ в. д.
Халҡы	725 кеше (2000)
Милли состав	татарҙар
Конфессиональ составы	мосолмандар
Сәғәт бүлкәте	UTC+4
Телефон коды	+7 +7 85549
Почта индексы	423650
Һанлы танытмалар
Автомобиль коды	-
Код ОКАТО	92 239 000 004
Код ОКТМО	92 639 410 101
Номер в ГКГН	0158856
Бәзәкә

Бәзәкә — Рәсәй Федерацияһы Татарстан Республикаһы Менделеевск районы ауылы. Бәзәкә ауыл биләмәһе составына керә һәм уның үҙәге булып тора.

География

Ауыл Түбәнге Кама һыуһаҡлағысы буйында, Менделеевск ҡалаһынан көнсығыштараҡ 12 км алыҫлыҡта урынлашҡан.

Тарих

Бәзәкә — байлар ырыуы башҡорттарының ауылы. Вятка губернаһы Алабуға өйәҙе Байлар улусының Бәзәкә түбәһенә ҡарай. 11-се башҡорт кантоны составында була. 1866 йылда ырыу улустары бөтөрөлгәс, ауыл Салағош улусы составына керә.

ХХ быуат башында ауылда 2 мәсет (1860 һәм 1875 йылдарҙа төҙөлгән) теркәлгән.

1920 йылдан Вотяк автономиялы өлкәһе (хәҙерге Удмуртия), 1921 йылдан — Татар АССР-ының Алабуға кантоны, 1928 йылдан — Татар АССР-ының Саллы кантоны составында була. 1930 йылдан — Алабуға районы, 1935 йылдан — Бөндөж районы, 1963 йылдан — Алабуға районы, 1985 йылдан — Менделевск районы составында була.

Халҡы

1795 йылда ауылда ир енесле 334 йән башҡорт һәм типтәр; 1816 йылда — 316 йән башҡорт; 1834 йылда — 434 йән башҡорт йәшәй.

Йылдар буйынса халыҡ иҫәбе
(Сығанаҡ: )

1859	1892	1920	1926	1938	1949	1958	1970	1979	1989	2000
1552	1877	2708	2179	2248	1611	1533	1656	1222	781	725

Инфраструктура

Игенселек, малсылыҡ үҫешкән. Ауылда урта мәктәп, мәҙәниәт йорто, китапхана, мәсет бар.

Билдәле шәхестәре

• Шәмсетдин Усманов — 6-сы башҡорт полкы составында 1812 йылғы Ватан һуғышында ҡатнаша. «1812 йыл» көмөш миҙалы менән бүләкләнгән.
• Зәки Ғимранов — Ҡазан коммуналь-төҙөлөш институты директоры (1930—1933).