Этбай (Силәбе өлкәһе)

Был терминдың башҡа мәғәнәләре лә бар, ҡарағыҙ: Этбай.

Этбай (рус. Этбаево, Итбаево) — Силәбе өлкәһенең Арғаяш районында юҡҡа сыҡҡан ауыл.

Географияһы[үҙгәртергә | сығанаҡты үҙгәртеү]

Үҙъйылға йылғаһының һул яҡ яры буйында урынлашҡан булған.

Этбай — ҡатай башҡорттарының ауылы^[1]. Бала ҡатай ырыуы башҡорттары тарафынан нигеҙләнгән.

Башҡортостанда идара итеүҙең кантон системаһы осоронда 2-се башҡорт кантонының 2-се йортона керә. 1811 йылғы ревизияла 82 йәшлек Этбай Әсәнов (Асаинов) тураһында мәғлүмәт бар^[1].

1834 йылда ауылда 82 кеше, ә 1859 йылда 63 кеше (27 ир-егет һәм 36 ҡатын-ҡыҙ) иҫәпкә алынған.

Революциянан һуң Башҡортостан автономияһының (1919 йылдан һуң Башҡортостан АССР-ының) Арғаяш кантоны составына керә. 1930 йылдан — Башҡортостан АССР-ы Арғаяш районы, 1934 йылда Урал өлкәһе Арғаяш милли округы составына бирелә, шул уҡ йылдың көҙөнән — Силәбе өлкәһе Арғаяш районы составында.

1925 йылғы мәғлүмәттәр буйынса ауыл Башҡорт АССР-ының Арғаяш кантоны Арғаяш улусы составында була һәм 26 хужалыҡтан торған^[2].

1904 йылда 104 башҡорт иҫәпкә алына.

1920 йылда ауылда 27 йортта 121 кеше (58 ир-егет һәм 63 ҡатын-ҡыҙ) йәшәгән, төп халҡы — башҡорттар^[2].

Бикбулатов Наил Вәли улы (1931—1996) — башҡорт ғалимы, этнограф, тарих фәндәре кандидаты (1965).
Вәлиев Дамир Жәүәт улы (1940—2002) — башҡорт ғалим-философы, юғары мәктәп уҡытыусыһы һәм йәмәғәт эшмәкәре. Башҡортостан Республикаһы Фәндәр академияһының мөхбир ағзаһы (1991), философия фәндәре докторы (1984), профессор (1987). Башҡорт АССР-ының атҡаҙанған фән эшмәкәре (1990).

↑ ^1,0 ^1,1 История башкирских родов. Катай. Том 24. Ч. 2 / С. И. Хамидуллин, Б. А. Азнабаев, И. Р. Саитбатталов, И. З. Султанмуратов, Р. Р. Шайхеев, Р. Р. Асылгужин, В. Г. Волков, А. А. Каримов, А. М. Зайнуллин. — Уфа: Китап, 2017. — С. 215. — 576 с.
↑ ^2,0 ^2,1 Список населённых пунктов Башреспублики (рус.) / сост. Башк. центр. стат. упр.. — Уфа: Издание Башкниги, 1926.