Барҡылдаҡ
| Барҡылдаҡ | ||||||||||||||
|---|---|---|---|---|---|---|---|---|---|---|---|---|---|---|
|
||||||||||||||
| Фәнни классификация | ||||||||||||||
|
||||||||||||||
| Латинса исеме | ||||||||||||||
| Turdus viscivorus (Linnaeus, 1758) |
||||||||||||||
|
Халыҡ - ара Ҡыҙыл китап IUCN 3.1 Least Concern : / 147266 |
Барҡылдаҡ ( урыҫ.деря́ба, лат. Turdus viscivorus) — турғай һымаҡтар отрядынан булған сыбар буҙ төҫтәге урманда йәшәүсе һайраусы ҡош.
Эстәлеге |
[үҙгәртергә] Ҡылыҡһырлама
Сыйырсыҡтан ҙурыраҡ. Яңғыҙ һәм күмәкләшеп йөрөйҙәр. Кешене күреп ҡалһа, тырҡылдап баш осонан оса башлай. Һырты көрәнһыу һоро. кәүҙәһенең аҫ яғы эре генә тамсы һымаҡ ҡара таптарп менән сыбарланған аҡ төҫтә. Йырсы барҡылдаҡтан ҙурыраҡ булыуы менән айырыла. Тауышы көслө "барррҡ- барррҡ! Төрлө тауыш менән һыҙғырып һайрай..
[үҙгәртергә] Йәшәү урыны
Барҡылдаҡ Үҙәк Европаның урмандарында, парк, скверҙарында осрай. Ҡоштарҙың күпселеге ҡышҡа көньяҡ-көнбатын Европаға күсенә. Парлашып аялайҙар. Оя эсен сөрөкләнгән ағас менән һылап сығалар. Ҡайһы саҡта ҡыҙыл балсыҡ менән һылайҙар. Урмандарҙа йәшәй. Күсмә ҡош. Киң таралған. Ағас ботаҡтарына оялай.
[үҙгәртергә] Туҡланыуы
Еләк, ағас һәм үлән орлоҡтары меән туҡлана. Яҙғыһын һәм йәйгеһен төрлө бөжәктәр аулай.
[үҙгәртергә] Үрсеүе
Инә ҡош ҡара таплы 4-6 бөртөк алһыу йомортҡа һала һәм ике аҙнаға яҡын баҫа. 12-15 көндән ҡауырһындары сыға, шулай ҙа ата- әсәләре тағы ла бер нисә көн ем менән туйындыра.
[үҙгәртергә] Иҫкәртмәләр
[үҙгәртергә] Диалекттарҙа әйтелеше
Сыбар барҡылдаҡ, муйыл барҡылдағы, дәүғош, дәүсыпсыҡ
[үҙгәртергә] Төрҙәштәре
- Сыбар барҡылдаҡ(диал. ҡоролдаҡ)
- Мышар барҡылдағы (диал. мышар турғайы, миләш сыпсығы,шоморт сыпсығы)
- Йырсы барҡылдаҡ (диал. һайраусы барҡылдаҡ)
- Ҡыҙылбауыр барҡылдаҡ (диал. юҡ)
- Ҡара барҡылдаҡ (диал. ҡара турғай)
[үҙгәртергә] Һылтанмалар
- http://www.ecosystema.ru/08nature/birds/139.php Рәсәй ҡоштары
[үҙгәртергә] Әҙәбиәт
- Э.Ф. Ишбирҙин. Башҡортостан ҡоштары. 1986 йыл Өфө. 98- се бит
