Белгород дәүләт сәнғәт һәм мәҙәниәт институты
| Белгород дәүләт сәнғәт һәм мәҙәниәт институты | |
| Нигеҙләү датаһы | 27 май 1960 һәм 1960[1] |
|---|---|
 | |
| Дәүләт |
 Рәсәй[1] |
| Административ-территориаль берәмек | Белгород |
| Рәсми сайт |
bgiki.ru en.bgiik.ru[1] |
| Ойошма хеҙмәткәрҙәре категорияһы | Категория:Преподаватели Белгородского государственного института искусств и культуры[d] |
 | |
Белгород дәүләт сәнғәт һәм мәҙәниәт институты — юғары һөнәри белем биреүсе дәүләт белем биреү учреждениеһы, Белгородтың һәм өлкәнең мәҙәниәте өлкәһендә йылдам үҫешкән алдынғы белем биреү комплексы.
Белгород дәүләт сәнғәт һәм мәҙәниәт институты 5 факультетты, 18 кафедраны, аспирантураны, балалар музыкаль-эстетик үҙәген, мәҙәни-эстетик үҙәген, С. А. Дегтярев исемендәге музыка колледжын, төбәк өҫтәмә профессиональ белем биреү үҙәген, сәнғәт белеме биреү буйынса төбәк уҡыу-методика үҙәген үҙ эсенә ала. Институтта 22 профессор, 116 фән кандидаты һәм доцент эшләй[2]. 2011 йылдан алып педагогия фәндәре докторы, профессор Ирина Борисовна Игнатова институттың ректоры булып тора[3][4]. 2017 йылда ректор вазифаһын Сергей Иванович Курганский биләй.
Тарихы[үҙгәртергә | сығанаҡты үҙгәртеү]
Белгород дәүләт сәнғәт һәм мәҙәниәт институты тарихы Белгород ҡалаһында 1960 йылдың 27 майында асылған мәҙәни-ағартыу училищеһынан башлана. Ул ваҡытта был училище Белгород өлкәһендәге берҙән-бер йәш һөнәри уҡыу йорто була, төбәктең мәҙәниәт һәм сәнғәт өлкәһендә эшләгән профессиональ кадрҙарға ихтыяжын тәьмин итеү бурысын атҡара.
1960 йылда Белгород мәҙәни-ағартыу училищеһының беренсе директоры итеп ике Ҡыҙыл Йондоҙ ордены, Октябрь Революцияһы ордены һәм II дәрәжә Ватан һуғышы ордены менән бүләкләнгән Бөйөк Ватан һуғышы ветераны Михаил Афанасьевич Ивашечкин тәғәйенләнә.
1961 йылдан башлап белем биреү хеҙмәте өлкәһе һиҙелерлек киңәйә, ситтән тороп уҡыу бүлеге асыла, сәнғәт бүлеге, шулай уҡ йәмәғәтселек һөнәрҙәре факультеты асыла, сит ил, нигеҙҙә Болгария Халыҡ Республикаһының уҡыусыларын уҡытыу алып барыла.
1995 йылда училище «Белгород дәүләт мәҙәниәт һәм сәнғәт колледжы» дәүләт мәҙәниәт белем биреү учреждениеһы итеп үҙгәртелә.
2000 йылда колледж яңы статус ала — юғары һөнәри белем биреү дәүләт белем биреү учреждениеһы Белгород дәүләт мәҙәниәт һәм сәнғәт институты.
2002 йылда мәҙәниәт институтын социология фәндәре кандидаты Сергей Иванович Курганский етәкләй, әлеге ваҡытта ул педагогия фәндәре докторы, профессор, Белгород өлкәһенең мәҙәниәт идаралығы начальнигы.
2008—2010 йылдарҙа юғары уҡыу йортон социология фәндәре кандидаты, доцент Евгений Викторович Шварев етәкләй[4].
2009 йылда С. А. Дегтярев исемендәге Белгород дәүләт музыка колледжы айырымланған структур бүлексә сифатында Белгород дәүләт сәнғәт һәм мәҙәниәт институтына ҡушыла.
2010 йылда Белгород дәүләт сәнғәт һәм мәҙәниәт институты нигеҙ һалынған көндән алып илле йыллыҡ юбилейын, һәм юғары уҡыу йорто статусы бирелгән көндән алып ун йыллыҡ юбилейын билдәләй.
2015 йылда Губкин музыка колледжы филиал сифатында институт структураһына инә.
Институт бөгөн[үҙгәртергә | сығанаҡты үҙгәртеү]
2011 йылдан Белгород дәүләт сәнғәт һәм мәҙәниәт институтын педагогия фәндәре докторы, профессор, Белгород ҡалаһының ҡала советы депутаты (дүртенсе саҡырылыш) Игнатова Ирина Борисовна етәкләй[3]. Бөгөн институтта иң яҡшы музыканттар, рәссамдар, архитекторҙар, артистар уҡыта, улар араһында Рәсәйҙең халыҡ артистары Николай Черныш, Виталий Стариков, Марина Русакова, Виктор Ганженко; атҡаҙанған артистар Вячеслав Семейченко, Никита Глаголин-Гусев, Ирина Драпкина бар[2].
Институттың үҙенең аспирантураһы бар, ғилми-тикшеренеү эштәре түбәндәге йүнәлештәр буйынса алып барыла: «профессиональ белем биреү теорияһы һәм методикаһы», «китапханасылыҡ белеме, китап фәне һәм библиография фәне».
Институтта Рәсәйҙә икенсе һайлауҙар ойоштороусылар әҙерләү йәмәғәт факультеты эшләй, Белгород өлкәһенең һайлау комиссияларында эшләү өсөн квалификациялы кадрҙар әҙерләү — йәмәғәт факультетының маҡсаты булып тора[5].
Факультеттары[үҙгәртергә | сығанаҡты үҙгәртеү]
- Социаль-мәҙәни һәм мәғлүмәт-китапхана эшмәкәрлеге факультеты
- Режиссура, актерҙар сәнғәте һәм хореография факультеты
- Технология һәм дизайн факультеты
- Музыкаль ижад факультеты
- Сәнғәт белеме һәм мәҙәниәт-ара коммуникациялар факультеты[6]
- Башҡарыу сәнғәте факультеты (С. А. Дегтярев исемендәге музыка колледжы)
Ижади коллективтар[үҙгәртергә | сығанаҡты үҙгәртеү]
«Халыҡ» исеме алған коллективтар:
- «Везелица» йыр һәм бейеү ансамбле
- «Велес» халыҡ инструменттары оркестры
- Эстрада-джаз оркестры «Биляр-бэнд»[7]
- Студент эстрада миниатюралары театры «„Биляр-бэнд“»
- Театр-студия «Новая сцена»
«Өлгөлө» исеме алған :
- Вокал ансамбль «Поющие эльфы»
- Хореография ансамбле «Элегия»
- Йыр һәм бейеү ансамбле «Везелинка»
Белгород дәүләт сәнғәт һәм мәҙәниәт институтында шулай уҡ башҡа проекттар йылдам үҫешә:
- бейеү проекты «креАтив»
- барабансылар ансамбле «Драммания»
- «Культурное поколение» КВН командаһы
- мода театры «Акцент»
- скрипкасылар ансамбле «TUTTI»
- барабансылар һәм мажореткалар ансамбле «Дефиле»
- эстрада вокалы студияһы «Фортуна»
- ирекле пластика хореография театры «Высота».
Шулай уҡ ҡарағыҙ[үҙгәртергә | сығанаҡты үҙгәртеү]
- Белгородский центр народного творчества
Иҫкәрмәләр[үҙгәртергә | сығанаҡты үҙгәртеү]
- ↑ 1,0 1,1 1,2 (unspecified title) — 2017-07-12 — 2017. — doi:10.6084/M9.FIGSHARE.5203408.V1
- ↑ 2,0 2,1 «Белгородские известия» — Пусть осенят нас вдохновение и знанья!(недоступная ссылка)
- ↑ 3,0 3,1 ИА «Бел.ru» — Исполняющим обязанности ректора БГИИК назначена Ирина Игнатова 2016 йыл 4 март архивланған.
- ↑ 4,0 4,1 ИА «Бел.ru» — Новым ректором Белгородского института культуры и искусств избрана Ирина Игнатова(недоступная ссылка)
- ↑ ИА «Бел.ru» — Второй в России факультет подготовки организаторов выборов открылся в Белгороде(недоступная ссылка)
- ↑ Структура Белгородского государственного института искусств и культуры. БГИИК. Дата обращения: 5 октябрь 2012. Архивировано 25 октябрь 2012 года. 2012 йыл 25 октябрь архивланған.
- ↑ «А-фишка» — Белгородский «Биляр бэнд»: Дорога длиною в 20 лет
Һылтанмалар[үҙгәртергә | сығанаҡты үҙгәртеү]
- Официальный сайт БГИИК 2011 йыл 9 май архивланған.