Жеребцов йорто
| Иҫтәлекле урын | |
Жеребцов йорто
| |
| |
| Адрес | Ростов өлкәһе, Таганрог ҡалаһы, Фрунзе урамы, 70 |
| Төҙөлгән ваҡыты | XIX быуат аҙағы |
 Жеребцов йорто Викимилектә
| |
 Тышҡы рәсемдәр
| |
|---|---|
|
Дом Жеребцова |
Жеребцов йорто — Ростов өлкәһенең Таганрог ҡалаһында Михаил Ильич Жеребцовтың ике ҡатлы айырым йорто. Регион әһәмиәтендәге мәҙәни мираҫ объекты, 1992 йылдың 18 ноябрендәге 301-се һанлы ҡарар.
Адресы: Таганрог ҡалаһы, Фрунзе урамы, 70.
Тарихы[үҙгәртергә | сығанаҡты үҙгәртеү]
Ике ҡатлы айырым йорт, Жеребцовтың өйө, XIX быуаттың икенсе яртыһында төҙөлгән. 1860-сы йылдарҙа был йорттоң хужаһы Ольденбург һәм француз агенты Александр Федорович Гемерле була, ул 1870-се йылдарҙа Төньяҡ Германия союзы консулы булып хеҙмәт итә. 1872 йылда, ҡалала городовойҙар идаралығы индерелгәс, Гемерле уның составына индерелә. 1880-се йылдар аҙағында йорт ер биләүсе, 1-се гильдия сауҙагәре, ҡаланың почетлы гражданы М. И. Жеребцовҡа күсә. Был йылдарҙа хаҡ ике тапҡыр, 3,5 меңдән 7 меңгә тиклем арта, моғайын йорт яңы хужаһы тарафынан үҙгәртеп төҙөлгән.
1880-се йылдар аҙағында был ике ҡатлы, эклектика стилендә төҙөлгән йорт була. Уның ҡыйығында бөтә яҡтан периметры буйлап егерме тирәһе амфора ҡуйылған. Фасадындағы биҙәкле һыҙатында матур сығынтылар, улар аҫтында арыҫландар, ҡатын-ҡыҙҙар һәм балалар башы барельефтары, ә улар араһында гирляндалар менән вазалар. Парад ишеге башында ике өлөштән торған тәҙрә ҡуйылған.
Жеребцов фамилияһы, Кобылин фамилияһы кеүек үк, Антон Павлович Чеховҡа «Ат фамилияһы» исемле хикәйә яҙыуға этәргес булған тигән фараз бар. Йорт 1992 йылда регион әһәмиәтендәге мәҙәни мираҫ объекты исемлегенә индерелә.
1917—1918 йыл ҡышында был йорттоң ихатаһында Амур аръяғы запас полктың ҡорал склады була. 1918 йылдағы ғинуар ихтилалы ваҡытында эшселәр ҡоралды баҫып алырға маташалар, ләкин уларҙы эләктереп алалар һәм атып үлтерәләр. 1918 йылдың ғинуар-апрелендә бында А. К. Глушко етәкселегендә РКП(б) ҡала комитеты урынлаша.
1941 йылда Таганрогты немецтар оккупациялаған ваҡытта ҡалала немец һалдаттары өсөн зина йорто була, икенсеһе — офицерҙар өсөн. Зина йорттарына ҡушып тире ауырыуҙары диспансеры була. Диспансерҙы немецтар Жеребцов йортонда асалар. Бында шулай уҡ венерик ауырыуҙар йоҡторғандарҙы дауалау өсөн стационар була. Стационарҙа 30 кеше дауалана ала, 21 карауат һәм 9 кушетка була.
1925 йылдан хәҙерге көнгә тиклем был торлаҡ йорт, уның беренсе ҡатында тире-венерик ауырыуҙар диспансеры урынлашҡан.
Әҙәбиәт[үҙгәртергә | сығанаҡты үҙгәртеү]
Энциклопедия Таганрога. — Ростов-н/Д: Ростиздат, 2003. — 512 с. — ISBN 5-7509-0662-0
Һылтанмалар[үҙгәртергә | сығанаҡты үҙгәртеү]
- Таганрог, ул. Фрунце, д. 70. 2017 йыл 28 февраль архивланған.
- Дом купца Жеребцова 2017 йыл 28 февраль архивланған.