Рәхимов Хәлил Хәләф улы
| Рәхимов Хәлил Хәләф улы | |
| Зат | ир-ат |
|---|---|
| Тыуған көнө | 2 май 1961 (62 йәш) |
| Тыуған урыны | Стәрлебаш районы, Башҡорт АССР-ы, РСФСР, СССР |
| Уҡыу йорто | ӨДНТУ |
| Ғилми дәрәжә | техник фәндәр кандидаты[d] |
Рәхимов Хәлил Хәләф улы (2 май 1961 йыл) — ғалим-инженер, муниципаль һәм дәүләт органдары хеҙмәткәре. 2007—2008 йылдарҙа Башҡортостан Республикаһының сәнәғәт, инвестиция һәм инновация сәйәсәте министры урынбаҫары, 2008—2009 йылдарҙа Салауат ҡала хакимиәте башлығы.
Биографияһы[үҙгәртергә | сығанаҡты үҙгәртеү]
Хәлил Хәләф улы Рәхимов 1961 йылдың 2 майында Башҡорт АССР-ының Стәрлебаш районы Түбәнге Ибрай ауылында тыуған.
1983 йылда Өфө нефть институтын «инженер-химик-технолог» һөнәре буйынса тамамлай. Техник фәндәр кандидаты (2005)[1].
1983—2001 — ААЙ "Салауатнефтеоргсинтез"дың нефть эшкәртеү заводында технологик ҡоролмалар операторы, АВТ-2 ҡулайламаһы начальнигы, 14-се цех начальнигы урынбаҫары, 11-се цех начальнигы, баш технологы, баш инженеры;
2001—2007 — ААЙ "Салауатнефтеоргсинтез"да генераль директорҙың беренсе урынбаҫары — баш инженеры, техник директоры-баш инженеры, баш инженеры;
2007—2008 — Башҡортостан Республикаһының сәнәғәт, инвестиция һәм инновация сәйәсәте министры урынбаҫары;
2008—2009 — Башҡортостан Республикаһының Салауат ҡалаһы ҡала округы хакимиәте башлығы;
Рәхимов Х. Х. хакимиәт башлығы вазифаһынан ваҡытынан алда — үҙ теләге менән отставкаға китә[2]. Отставканың сәбәбе — илдә финанс кризис эҙемтәһе.
2009 йылдан — ААЙ "Салауатнефтемаш"тың (Газпром Нефтехим Салауат) генераль директоры.
2010 йылдан әлеге ваҡытҡа тиклем — Башҡортостан Республикаһы сәнәғәт һәм инновация сәйәсәте министрының беренсе урынбаҫары.
Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]
- Рәсәй Федерацияһы Яғыулыҡ һәм энергетика министрлығының «Почётлы нефтсе»һе.
- Башҡортостан Республикаһы Ғәҙәттән тыш хәлдәр министрлығының Почёт грамотаһы
- Этилбензол-стирол етештереүҙе башлау хөрмәтенә ҡала округы хакимиәтенең Почёт грамотаһы,
- «Хеҙмәт ҡаһарманлығы өсөн» Бөйөк Петр миҙалы
- I дәрәжә «Химия индустрияһы алдында хеҙмәттәре өсөн» ордены.
Баҫылып сыҡҡан хеҙмәттәре[үҙгәртергә | сығанаҡты үҙгәртеү]
- 28 уйлап табыуға патент һәм 50-нән ашыу фәнни-техник баҫма авторы.
Иҫкәрмәләр[үҙгәртергә | сығанаҡты үҙгәртеү]
- ↑ Рахимов Халил Халяфович
- ↑ Мэр Салавата ушел по собственному желанию, не сумев стать эффективным менеджером МедиаКорСеть (недоступная ссылка — история). Проверено 22 февраля 2011. Архивировано 18 июня 2009 года.
Һылтанмалар[үҙгәртергә | сығанаҡты үҙгәртеү]
- БУХАРМЕТОВ Радик Мазгарович 2017 йыл 10 декабрь архивланған.