Суперинфекция

Суперинфекция (ингл. superinfection) — вирусологияла башта бер вирус менән зарарланған күҙәнәктең ошо вирустың икенсе штамы, йәки бер аҙ ваҡыттан һуң икенсе бер вирус менән зарарланыу (en:coinfection) процесы^[1]. Вируслы суперинфекциялар вирустарҙың резистент штамдарын барлыҡҡа килтерә ала, уларҙан дауалау өсөн икенсе препараттар кәрәк буласаҡ. Мәҫәлән, кешенең ВИЧ-тың ике төрлө конифекцияһы менән зарарланыуы антиретровирус терапияһына бирешмәүсе (резистент) штамды тыуҙырыуы бар. Шулай уҡ, бер нисә инфекция (комбинированная) организмдың иммун яуабының дөйөм эффектлығын кәметеү билдәле^[2]..

Медицинала суперинфекция тип бер инфекция артынан башланған икенсе инфекцияны атайҙар, был хәл бигерәк тә бығаса ҡулланылған препараттарға бирешмәүсе микроорганизмдар менән зарарланған осраҡта була. Дорлендтың медицина һүҙлеге буйынса, суперинфекция — тәүге булған бактерияларҙан айырмалы икенсе типтағы бактерияларҙың бик тиҙ үрсеүе.

Белгестәр фекеренсә, хәҙерге заманда антибиотиктар һәм башҡа препаратттарҙы кешеләрҙең күпләп ҡулланыуы суперинфекция тыуҙырыусы факторҙарҙың берһе булып тора.