«Футлярҙағы кеше» скульптура композицияһы

Һәйкәл
«Футлярҙағы кеше» скульптура композицияһы
Ил	Рәсәй
Ҡала	Таганрог,
Скульптор	Бегалов Давид Рубенович
Төҙөлгән ваҡыты	2010 йыл

2010

«Футлярҙағы кеше» скульптура композицияһы — А . П. Чеховтың ошо атамалағы хикәйәһе буйынса скульптор Давид Бегалов тарафынан эшләнеп, Тагангорта ҡуйылған скульптура композицияһы.

Скульптура композицияһы

Скульптура композицияһы яҙыусының ошо атамалы хикәйәһендә һүрәтләнгән меҫкен, ямғырҙан һәм елдән түгел, ә үҙенең ҡурҡыуҙарынан һәм ыҙаларынан йәшеренергә теләгән уҡытыусы Беликовты кәүҙәләндерә. Ул ҡасандыр Антон Чехов уҡыған һәм Белтковтың прообразы эшләгән Таганрог ирҙәр классик гимназияһының һул яҡтағы фасады алдына урынлаштырылған.

Беликовтың аныҡ прототибы билдәһеҙ. Ҡайһы бер замандаштары (шул иҫәптән, В. Г. Богораз менән М. П. Чехов) билдәләүенгсә, "футлярҙағы кеше"нең прототибы боронғо грек теле уҡытыусыһы һәм Таганрог гимназияһы инспекторы А. Ф. Дьяконов була. Икенселәр Дьяконовтың характерындағы икенсе һыҙаттарҙы миҫалға килтереп, уларҙың фекерен инҡар итә. Мәҫәлән, П. П. Филевский Дьяконовтың киң күңеллелеген билдәләп: «Мин „Футлярҙағы кеше“ менән А. Ф. Дьяконов араһында бер ниндәй ҙә уртаҡ һыҙаттар булмауын раҫлайым, һәм А. П. Чеховтың әҫәрендә бер ниндәй ҙә урындағы колорит табырға мөмкин түгел», — ти.

Муниципаль бюджеттың скульптураны әҙерләүгә һәм урынлаштырыуға киткән сығымдары 723802 һум тәшкил итә. Һәйкәл муниципаль милек булып иҫәпләнә.

Эшләнеү тарихы

Чеховтың юбилейы алдынан ҡала хакимиәте ошо скульптураның проектын әҙерләү буйынса конкурс иғлан итә һәм унда Давид Бегалов еңеп сыға. Һәйкәл 2010 йылдың 27 ғинуарында А. П. Чеховтың тыуыуына 150 йыл тулыуға арналған саралар барышында тантаналы асыла.

Шулай уҡ ҡарағыҙ

• Таганрог һәйкәлдәре