Азаматов кантон (йыр)
| Азаматов кантон | |
| Сәнғәт формаһы | Йыр |
|---|---|
| Жанр | халыҡ йыры |
| Автор | Халыҡ |
| Әҫәрҙең теле | башҡортса |
«Азаматов кантон», «Мирхәй кантон» — башҡорт халыҡ йыры, оҙон көй.
Тарихы[үҙгәртергә | сығанаҡты үҙгәртеү]
Легендаһын һәм поэтик тексын тәүге тапҡыр ХХ быуаттың 20-се йылдарында С.Сәлимов яҙып ала һәм «Башҡорт аймағы» йыйынтығында (1929, 7-се һан) баҫтыра. «Азаматов кантон» көй структураһы үҫешкән ике музыкаль төҙөлөштән тора. Юғары регистрҙа көсөргәнешле яңғыраусы тәүге фраза көйгә айырыуса сағыулыҡ һәм драматизм өҫтәй. Йыр лирик-эпик йүнәлешле.
Легендаһы[үҙгәртергә | сығанаҡты үҙгәртеү]
Легенда буйынса, йыр кантон начальнигы Мирхәйҙәр Азаматовтың (ҡара: Азаматовтар) үлер алдынан әйткән васыяты буйынса сығарыла. Мирхәйҙәр Азаматов 1810 йылда тыуған, зауряд-сотник (1853). 1836—1842 йылдарҙа — кантон начальнигы ярҙамсыһы, 1847 йылдан — 3-сө, 1851 йылдан — 6-сы башҡорт кантондары начальнигы[1].
Башҡарыусылар араһында халыҡ йырсылары С. М. Ильясов, Ғ.Н.Нәбиуллин, М.Ә.Шаимова.
Йырҙың һүҙҙәре[үҙгәртергә | сығанаҡты үҙгәртеү]
Нотаһы[үҙгәртергә | сығанаҡты үҙгәртеү]
![[1]](http://fb.bashenc.ru/NOTY/AZAMAT_kanton.jpg){kind=link}
Иҫкәрмәләр[үҙгәртергә | сығанаҡты үҙгәртеү]
- ↑ Военная история башкир. Уфа, Башкирская энциклопедия, 2013. 22 бит
Әҙәбиәт[үҙгәртергә | сығанаҡты үҙгәртеү]
- Башҡорт халҡ ижады. 1-се том. Өфө, 1954;
- Башҡорт халыҡ ижады. Йырҙар. 1-се кит. Өфө, 1974.
Һылтанмалар[үҙгәртергә | сығанаҡты үҙгәртеү]
- Азаматов кантон // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- НИЗАМЕТДИНОВ Раис Жавдатович