Монтаһиров Александр Әбүбәкир улы
| Монтаһиров Александр Әбүбәкир улы | |
| Зат | ир-ат |
|---|---|
| Тыуған көнө | 21 май 1955 (68 йәш) |
| Тыуған урыны | Первоуральск, Свердловск өлкәһе, РСФСР, СССР |
| Һөнәр төрө | уҡытыусы |
| Уҡыу йорто | Силәбе дәүләт мәҙәниәт институты |
Монтаһиров Александр Әбүбәкир улы (21 май 1955 йыл) — СССР һәм Рәсәй балет артисы, педагог-балетмейстер. РСФСР-ҙың халыҡ артисы (1989).
Биографияһы[үҙгәртергә | сығанаҡты үҙгәртеү]
Монтаһиров Александр Әбүбәкир улы 1955 йылдың 21 майында Свердловск өлкәһе Первоуральск ҡалаһында тыуған. 8 йәшендә цирк студияһына яҙыла, әммә бер йыл үткәс балет студияһына күсә, бында уның бейеүгә һәләте асыла[1].
1973 йылда Пермь хореография училищеһын (уҡытыусыһы И. И. Плахт) тамамлай һәм Силәбе опера һәм балет театры труппаһына ҡабул ителә. Уның тәүге башҡарылған партиялары: Рыбник («Тиль Уленшпигель», 1976, балетмейстер В. Н. Бутримович), Адам («Сотворение мира»/«Донъяның яралыуы», 1978, В. Н. Бутримович), Остап Бендер («Двенадцать стульев»/«Ун ике ултырғыс», 1986, балетмейстер А. Б. Петров). Башҡа партиялары: Альберт; Зигфрид һәм Ротбарт; Базиль; Касым («Материнское поле»/«Әсә яланы»), Ржевский («Гусарская баллада»/«Гусар балладаһы»); Ромео һәм Меркуцио; Модест Петрович һәм Артынов («Анюта»), Альфред («Дама с камелиями»/«Ханым камелиялар менән»). Монтаһиров 1995 йылға тиклем балеттың солисы булып ҡала. «Русский балет» энциклопедияһында раҫланыуынса, «тәбиғи булмышының йомартлығы Монтаһировҡа романтик пландағы, шулай уҡ гротеск-комедия партияларҙы ла бейергә мөмкинлек бирә»[2].
1988—1991 йылдарҙа Монтаһиров Силәбе опера һәм балет ҡарамағындағы балет студияһы менән етәкселек итә[2], 1995—2002 йылдарҙа Силәбе театры балет труппаһының художестволы етәксеһе була[1]. 2002 йылда Мәскәү дәүләт мәҙәниәт һәм сәнғәт университетының Ханты-Мансийск филиалында хореография кафедраһын етәкләй башлай[3].
Ғаиләһе[үҙгәртергә | сығанаҡты үҙгәртеү]
Ҡатыны — балет артисы. Улы — Вадим Монтаһиров (инг.)баш. (1990 й.) — Англия Милли балетының төп бейеүселеренең береһе. Ҡыҙы — Силәбе опера һәм балет театры солисы[3].
Иҫкәрмәләр[үҙгәртергә | сығанаҡты үҙгәртеү]
- ↑ 1,0 1,1 21 мая 2021 йыл 6 ноябрь архивланған. // balet24.ru
- ↑ 2,0 2,1 Мунтагиров, Александр Абубакирович // Русский балет. Энциклопедия. БРЭ, «Согласие», 1997
- ↑ 3,0 3,1 Александр Мунтагиров - репортаж телекомпании Югра