Мөхәмәтйәнов Шәкирйән Юныс улы

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Мөхәмәтйәнов Шәкирйән
Юныс улы
Shakiryen.jpg
Мөхәмәтйәнов Шәкирйән
Тыуған ваҡыты

5 февраль 1924(1924-02-05)

Үлгән ваҡыты

27 февраль 1943(1943-02-27) (19 йәш)

Хеҙмәт иткән урыны

Советтар Союзы СССР

Хәҙмәт итеү йылдары

1942—1943

Хәрби звание
Рядовой
Хәрби алыш/һуғыш

Бөйөк Ватан һуғышы

Наградалар һәм премиялар
Советтар Союзы Геройы
Ленин ордены

Мөхәмәтйәнов Шәкирйән Юныс улы (Шакирьян Мухамедьянов, Александр Матросов, Матросов Александр Матвеевич) (5 февраль 1924 йыл — 27 февраль 1943 йыл) — Советтар Союзы Геройы (19.06.1943), ҡыҙылармеец, ВЛКСМ ағзаһы. Милләте башҡорт. Башҡорт АССР-ы Тамъян-Ҡатай кантоны Ҡунаҡбай ауылында тыуған (хәҙерге ваҡытта Башҡортостандың Учалы районына ҡарай). Рәсми сығанаҡтарҙа Екатеринослав (Днепропетровск) ҡалаһында тыуған тип иҫәпләнә.

Бәләкәйҙән үк әсәйһеҙ ҡала. Ульяновск өлкәһе Иваново балалар йортонда, 1940-42 йылдарҙа Өфөләге НКВД ҡарамағында булған хеҙмәт колонияһында тәрбиәләнә. Балалар йортонда Александр Матросов тигән яңы исем һәм фамилия ала. 1942 йылдың сентябрендә Ҡыҙыл Армияға саҡырыла һәм Ырымбур янындағы Краснохолмск хәрби-пехота училищеһына уҡырға алына. 1943 йылдың ғинуарында Калинин фронтына 91-се айырым уҡсылар бригадаһына хеҙмәткә ебәрелә. 1943 йылдың 23 февралендә Псков өлкәһе Чернушки ауылы өсөн ҡаты һуғышта кәүҙәһе менән дошман амбразураһын ҡаплай һәм үҙенең батальонының уңышлы һөжүмен тәьмин итә. Был батырлығы өсөн гвардия рядовойына Советтар Союзы Геройы исеме бирелә. Батырҙы башта Чернушки ауылы янында ерләйҙәр, һуңынан Великие Луки ҡалаһына күсерәләр. 1943 йылдың 8 сентябрендә герой хеҙмәт иткән 254-се гвардия уҡсылар полкына Александр Матросов исеме бирелә.

Хәтер[үҙгәртергә]

Өфөлә Александр Матросовҡа һәйкәл ҡуйылған.

2015 йылда Учалы районының Ҡунаҡбай ауылында Александр Матросовтың ҡаһарманлығына арналған тәүге хәрби-тарихи реконструкция үтә.


Әҙәбиәт[үҙгәртергә]

  • Рауф Хаевич Насыров. Откуда ты родом, Матросов? [Лит. запись Я. Бурангулова] — Уфа: Китап, 1994. — 170,[2] с. ил.

Һылтанмалар[үҙгәртергә]