Паращенко Владимир Михайлович

Паращенко Владимир Михайлович
	Паращенко Владимир Михайлович
Зат	ир-ат
Тыуған көнө	16 октябрь 1936
Тыуған урыны	Невель[d], Великолукский округ[d], Тверь өлкәһе, РСФСР, СССР
Вафат булған көнө	23 сентябрь 2021 (84 йәш)
Уҡыу йорто	Өфө дәүләт авиация техник университеты
Ғилми дәрәжә	техник фәндәр кандидаты[d]
Маҡтаулы исемдәре һәм башҡа бүләктәре

Паращенко Владимир Михайлович (16 октябрь 1936 йыл) — хужалыҡ эшмәкәре. 1986—1998 йылдарҙа «Өфө моторҙар эшләү производство берекмәһе» акционерҙар йәмғиәтенең генераль директоры. Башҡортостан Республикаһының атҡаҙанған машиналар төҙөүсеһе (1994). Рәсәй Федерацияһы Транспорт академияһының мөхбир ағзаһы (1993).

Биографияһы[үҙгәртергә | сығанаҡты үҙгәртеү]

Владимир Михайлович Паращенко1936 йылдың 16 октябрендә Невель ҡалаһында (хәҙерге Псков өлкәһе) тыуған.

1966 йылда Өфө авиация институтын тамамлай.

1951 йылдан 1956 йылға тиклем Советск ҡалаһында 18-се һанлы Мосэнерго дәүләт энергия станцияһында токарь уҡыусыһы, кочегар, ҡаҙан машинисы булып эшләй; 1960 йылдан Өфө нефть институтында лаборант; токарь, көйләүсе, мастер, начальник урынбаҫары, цех начальнигы, 1976 йылдан — ҡойоу производствоһы буйынса директор урынбаҫары, 1986—1998 йылдарҙа — генераль директор, 1998 йылда — иҡтисад мәсьәләләре буйынса консультант, 2005 йылдан — ОАО «УМПО» аҡһаҡалдар советы генераль кәңәшсе-рәйесе, 1990 йылдан — Өфө дәүләт авиация техник университетында бер үк ваҡытта «Машиналар һәм ҡойоу технологияһы производствоһы» кафедраһы профессоры.

10-ға яҡын фәнни эштең һәм ике уйлап табыуҙың авторы. Паращенконың фәнни өлкәлә ҡыҙыҡһыныуҙары — ҡойоп етештереү технологияһын үҫтереү. Уның ҡатнашлығында предприятиела АЛ—31СТ турбиналы двигателдәр, ҡаргиҙәрҙәр, «Урал» мотоблоктары һ.б. эшләп сығарыла.

Маҡтаулы исемдәре һәм бүләктәре[үҙгәртергә | сығанаҡты үҙгәртеү]

Башҡортостан Ресрубликаһының атҡаҙанған машиналар төҙөүсеһе
СССР министрҙар Советы премияһы (1991)
Н. Е. Жуковский исемендәге премия (1994)
Хеҙмәт Ҡыҙыл Байраҡ ордены (1975), «Почёт Билдәһе» ордены (1980), Дуҫлыҡ ордены (1995), миҙалдар.

Һылтанмалар[үҙгәртергә | сығанаҡты үҙгәртеү]

Паращенко Владимир Михайлович 2017 йыл 26 апрель архивланған.. Башҡорт энциклопедияһы. БР ГАУН «башҡорт энциклопедияһы» (2013). 2017 йылдың 4 апрелендә тикшерелде.
Паращенко Владимир Михайлович
Энциклопедия Урала 2019 йыл 3 февраль архивланған.