Толокнов Борис Андреевич

Толокнов Борис Андреевич
	Толокнов Борис Андреевич
Зат	ир-ат
Гражданлыҡ	СССР
Хеҙмәт итеүе	СССР
Тыуған көнө	8 июнь 1922
Тыуған урыны	Бәләбәй районы
Вафат булған көнө	2 февраль 1945 (22 йәш)
Вафат булған урыны	Германия
Ерләнгән урыны	Германия
Сәйәси фирҡә ағзаһы	Советтар Союзы Коммунистар партияһы
Һуғыш/алыш	Бөйөк Ватан һуғышы
Маҡтаулы исемдәре һәм башҡа бүләктәре
Юғалтыуҙың хәрби классификацияһы	яуҙа һәләк була[d]

Толокнов Борис Андреевич (8 июнь 1922 йыл — 2 февраль 1945 йыл) — Бөйөк Ватан һуғышында батырҙарса һәләк булған совет хәрби хеҙмәткәре, уҡсылар полкының пулемёт ротаһы командиры, капитан, Советтар Союзы Геройы (1945).

Биографияһы

Борис Андреевич Толокнов 1922 йылдың 8 июнендә Өфө губернаһының Бәләбәй өйәҙе (хәҙерге Башҡортостандың Бәләбәй районы) 1-се Михайловка ауылында крәҫтиән ғаиләһендә тыуған. Урыҫ. 1943 йылдан ВКП(б) ағзаһы. Мәктәптең 10 класын тамамлаған.

1940 йылда Башҡорт АССР-ының Бәләбәй район хәрби комиссариаты тарафынан Ҡыҙыл Армия сафына саҡырыла. 1941 йылда Төмән хәрби пехота училищеһын тамамлай.

1941 йылдың сентябренән алып Бөйөк Ватан һуғышында ҡатнаша. Көньяҡ-Көнбайыш, Көньяҡ, 3-сө һәм 4-се Украина, 1-се Белорус фронттарында һуғыша. 899-сы уҡсылар полкының пулемёт ротаһы командиры (1-се Белоруссия фронты, 5-се һөжүм итеүсе армия, 248-се уҡсылар дивизияһы) капитан Борис Толокнов Грос-Нойендорф (Германия) районында Одер йылғаһын һуғышып аша сыҡҡанда батырлыҡ күрһәтә.

1945 йылдың 2 февралендә һуғышта һәләк була. Гроссман-Нойендорф (Германия) ауылында ерләнгән.

Батырлығы

«Толокнов Борис Андреевич ротаһы көнбайыш ярҙа плацдармды яулап ала, дошман тылына үтеп, ут нөктәһен баҫтыра, полктың башҡа подразделениеларына кисеүҙе тәьмин итә.

Ҡамауға эләгеүенә ҡарамаҫтан, ҡыйыу офицер плацдармды тотоуын дауам итә. Алыштың киҫкен мәлендә, һуғыш припастары бөткәс, капитан Толокнов үҙебеҙҙең артиллерия утын үҙенә йүнәлттерә. 1945 йылдың 2 февралендә һуғышта һәләк була»^[1].

1945 йылдың 31 майында СССР Юғары Советы Президиумы Указы менән командованиеның хәрби заданиеларын теүәл үтәгәне һәм шул уҡ ваҡытта күрһәткән батырлығы һәм ҡаһарманлығы өсөн капитан Толокнов Борис Андреевичҡа үлгәндән һуң Советтар Союзы Геройы исеме бирелә^[2].

Наградалары

Ленин ордены, Ҡыҙыл Байраҡ (15.01.1944), 2-се дәрәжә Ватан һуғышы ордендары менән бүләкләнә (07.05.1944).

Иҫкәрмәләр

↑ Бүләкләү ҡағыҙы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 793756, д. 48, л. 9, 10).
↑ Указ Президиума Верховного Совета СССР «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686046, д. 170, л. 61)ф. 33, оп. 686046, д. 170, л. 61).

Әҙәбиәт

Башҡорт энциклопедияһы — Толокнов Борис Андреевич 2016 йыл 21 апрель архивланған. (Тикшерелеү көнө: 11 июнь 2018)

Һылтанмалар

Толокнов Борис Андреевич (билдәһеҙ). «Герои страны» сайты. Сайт «Герои страны».

[нлГСС-1] Бүләкләү ҡағыҙы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 793756, д. 48, л. 9, 10).

[ГСС-2] Указ Президиума Верховного Совета СССР «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686046, д. 170, л. 61)ф. 33, оп. 686046, д. 170, л. 61).

[1]

[2]