Түбәнге Саксония
Түбәнге Саксония (нем. Niedersachsen — Германия федераль штаты. Административ үҙәге — Һанновер ҡалаһы. Был штат Төньяҡ дингеҙ менән йыуыла.
Йөкмәткеһе |
Тарихы [үҙгәртергә]
- Саксония (герцоглыҡ) (VII—XIV б.)
- Брауншвейг-Люнебург (1235—1807)
- Наполеон Францииһына бойһонған Вестфалия Короллеге (1807—1813), башҡалаһы Гессен ерендәгә Кассель ҡалаһы.
- Һанновер Короллеге (1814—1866)
- Пруссияның Һанновер провинцияһы (1866—1945)
Штат 1946 йылда Пруссияның Һанновер провинцияһына, Ольденбург, Брауншвейг, Шаумбург-Липпе кеүек, немец ерҙәре ҡушылғас барлыҡҡа килә.
География [үҙгәртергә]
Түбәнге Саксония ҙурлығы буйынса Бавариянан ҡалышып Германияла икенсе урында тора. Төньяғы Төньяҡ диңгеҙе менән сиктәш, көньяҡ-көнсығышы Гарц тауҙары менән сикләнгән. Түбәнге Саксонияның ҙур өлөшө тигеҙлектә урынлашҡан. Түбәнге Саксонияның Люнебург далаһы (урыҫ. Люнебургская пустошь нем. Lüneburger Heide) тигән билдәле өлөшө Һарц тауҙары һәм Төньяҡ диңгеҙе араһында урынлашҡан.
Ауыл хужалығы [үҙгәртергә]
Балсыҡлы-ҡомло ер булғанлыҡтан ауыл хужалығы яҡшы үҫешкән. Бөртөклө культураларҙан башҡа рапс (әүернә сәскәһе), шәкәр сөгөлдөрө, салат, кәбеҫтә, кишер, спаржа (себен ҡыуағы үләне) һәм йәшел кәбеҫтәҫтә үҫтерелә. Түбәнге Саксонияның төньяғында, игенселек һәммалсылыҡтан башҡа емеш үҫтереү ҙур роль уйнай.
Сәйәсәт [үҙгәртергә]
1946 йылдан башлап Түбәнге Саксонияның премьер-министрҙары:
- 1946—1955: Гинрих Вильгельм Копф, СДПГ
- 1955—1959: Генрих Гелльвеге, Немецкая Партия
- 1959—1961: Гинрих Вильгельм Копф, СДПГ
- 1961—1970: Георг Дидерихс, СДПГ
- 1970—1976: Альфред Кубель, СДПГ
- 1976—1990: Эрнст Альбрехт, ХДС
- 1990—1998: Герхард Шрёдер,СДПГ
- 1998—1999: Герхард Глоговский, СДПГ
- 1999—2003: Зигмар Габриэль, СДПГ, — экология министры
- 2003 — бөгөнгө көнгә тиклем: Кристиан Вульфф, ХДС
Иҡдисат [үҙгәртергә]
Түбәнге Саксонияның иҡдисады ауыл хужалығына бәйле, шулайҙа автомобильдәр төҙөү үҫешкән, мәҫәлән Фольксваген (VW) Вольфсбург ҡалаһында.
Фән [үҙгәртергә]
Түбәнге Саксонияның иң әһәмиәтле фән учереждениелары Гёттинген ҡалаһында Георг-Август университеты, Брауншвейг техник университеты (de:Technische Universität Braunschweig), (de:Medizinische Hochschule Hannover), Һанновер ветеринария институты (de:Tierärztliche Hochschule Hannover) һ.б.
Ирекле дәүләт Бавария • Баден-Вюртемберг • Берлин • Бранденбург • Бремен ере • Ирекле һәм Ганза ҡалаһы Гамбург •
Гессен • Мекленбург-Алғы Померания • Түбәнге Саксония • Рейнланд-Пфальц • Саар • Ирекле дәүләт Саксония •
Саксония-Анхальт • Төньяҡ Рейн-Вестфалия • Ирекле дәүләт Тюрингия • Шлезвиг-Гольштейн
