Джакомо Пуччини

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Джакомо Пуччини
Giacomo Puccini
GiacomoPuccini.jpg
Төп мәғлүмәттәр
Тулы исеме

Джакомо Антонио Доменико Микеле Секондо Мариа Пуччини

Тыуыу датаһы

22 декабрь 1858(1858-12-22)

Тыуыу урыны

Лукка, Тоскана Бөйөк Кенәзлеге

Вафат булыу датаһы

29 ноябрь 1924(1924-11-29)

Вафат булыу урыны

Брюссель, Бельгия

Ил

Королевство Италия (1861—1946) Италия короллеге

Һөнәрҙәре

композитор

Жанрҙары

опера

Commons-logo.svg Аудио, фото, видео на Commons-та

Джа́комо Анто́нио Доме́нико Мике́ле Секо́ндо Мари́а Пуччи́ни (итал. Giacomo Antonio Domenico Michele Secondo Maria Puccini; 22 декабрь, 1858, Лукка — 29 ноябрь 1924, Брюссель) — итальян опера композиторы,музыкала «веризм» йүнәлешенең сағыу вәкилдәренең береһе. Вердиҙан ҡала икенсе урында торған опера композиторы. Дж. Пуччини үлгәненән һуң Италия операһы беренселекте юғалта.

Биографияһы[үҙгәртергә]

Пуччини Лукка ҡалаһында музыканттар ғаиләһендә тыуған. Атаһы үлгәндән һуң 5 йәшлек Пуччиниҙы Фортунато Маджи тигән туғанына уҡырға ебәрәләр. Ағаһы баланы тәртипһеҙ, һәләтһеҙ тип һанай һәм һәр яңылыш нота өсөн балтырына тибә торған була. Ғүмере буйына композиторҙың яңылыш нота ишеткәндә балтыры ауырта торған була[1].

"Аида" операһын ишеткәндән һуң опера композиторы булырға ҡарар итә.

Пуччини Миланской консерваторияһында 4 йыл уҡый. 1882 йылда бер актлы операһын нәширәт йорто башлығы, партитутаралар баҫтырыусы Джулио Рикорди ишетеп ҡала һәм яңы операға заказ бирә.Шул рәүешле «Эдгар» яҙыла.

«Манон Леско» тигән өсөнсө операһы (1893) ҙур уңыш ҡаҙана.

«Богема» операһы Пуччиниға донъяға таныта.

«Тоска» операһында төп героиняны уйнаған Ла Скаала йырсыһы Дарклэ талабы буйынса уға тип ария яҙа, хәҙер уны бар донъя «Висси d'Arte» тип белә һәм яратып тыңлай.

1904 йылдың 17 февралендә Милан театры «Ла Скала»ла Джакомо Пуччини «Мадам Баттерфляй» (Чио-чио-сан) («Мадам Баттерфляй», Давид Беласко пьесаһы буйынса) тигән яңы әҫәрен ҡуя.Спектакль халыҡҡа оҡшамай. Яңыртып эшләгәндән һуң триумфҡа өлгәшә. Публика актёрҙарҙы һәм композиторҙы ете тапҡыр сәхнәгә саҡырып сығара.

1903 йылда автомобиль аварияһына эләгә. 1909 йылда ҡатыны хеҙмәтсе ҡатындан көнләшеп, тегеһе үҙенә ҡул һала. Туғандары тарафынан Пуччини хөкөмгә тарттырылып, ҙур штраф түләй.

1910 йылда Пуччини «Көнбайыш ҡыҙы» операһын тамамлай һәм үҙенең иң көслө әҫәре тип һанай.

1918 йылда «Триптих» операһын ҡуя. Өсөнсө өлөшө - «Джанни Скикки» фарсы танылыу яулай.

Пуччини 1924 йылда вафат була. Һуңғы операһының («Турандот») һуңғы акты тамамланмай ҡала.

Опералары[2][үҙгәртергә]

Иҫкәрмәләр[үҙгәртергә]

  1. Julian Budden. Puccini: His Life and Works — Oxford University Press US, 2002. — P. 5. (инг.)
  2. Carner, Mosco: Puccini: A Critical Biography (2nd ed.) Duckworth, 1974.