Платон

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Платон
Head Platon Glyptothek Munich 548.jpg
Тыуған ваҡыты:

427 йыл б. э. т.(-427)

Тыуған урыны:

Афины

Үлгән ваҡыты:

348 йыл б. э. т.(-348)

Вафат урыны:

Афины

Гражданлығы:

Афина

Төп мәнфәғәте:

Метафизика, эпистемология, этика, эстетика, политика, образование, философия математики

Йоғонто яһаған шәхестәр:

Сократ, Архит, Демокрит, Парменид, Пифагор, Гераклит

Дауам итеүсе шехестер:

Аристотель, барлыҡ Европа һәм Яҡын Көнсығыш философтары

Платон (грек. Πλάτων) — Боронғо Греция фәлсәфәсеһе. Идеализм йүнәлеше вәкиле.борынгы грек философы, Европа идеализмына нигеҙ һалыусы.

Нимәһе менән ул бөтә донъя философияһы өсөн олуғ һәм әһәмиәтле һуң? Платон, үҙ заманындаһы башҡа философтар кеүек үк, бөтә хеҙмәте менән кешеләрҙе объектив рәүештә белемгә, донъяның диалектик закондарын танып белүгә, өҙлөкһөҙ эҙләнүҙәргә саҡырған. Философия фәнендә ул, нигеҙе менән хаталы булыуына ҡарамаҫтан, билдәле бер системаға һалынгғн ижад мираҫы ҡалдырған. Уның хеҙмәттәре философия тарихында тулы бер осоор тәшкил итә һәм ул һис шикһеҙ кешелек мәҙәниятенең (бигерәк тә уның философияһының) үсеше, яңа фекерҙәргә байытыу өсөн ҙур, этәргес роль уйнаған.

Биографияһы[үҙгәртергә]

Ул Афинала боронғо грек аристократияһы вәкиле ғаиләһендә тыуа. Платон уҡыған мәктәп Афина йәмғиәтенең юғары ҡатлау кешеләренең балалары өсөн асылған була. Унда грамматика, музыка, риторика, һынлы сәнғәт, гимнастика һәм башҡа шундай фәндәр буйынса дәрестәр бирелә торған була. Платон гөмөрөнөң мөһим ваҡиғаһы булып уның Сократ менән осрашуы һанала. Ул саҡта Платонға 20 йәш кенә тулган була әле, һәм ул үҙенең оло йәштәге уҡытыусыһының һәр әйткән һүзен, һөйләмен үҙләштерергә тырыша. Ул ошо бурысты ул юғары дәрәжәлә үтәп сыға ла. Сократ үлгәс, күп йылдар дауамында ул Афинанан китеп тора, төрлө илдәрҙә була, уларҙың ғалимдаре, ғилми тәғлимәттәре менән таныша. Афинаға ҡайткас, Платон мәктәп ойоштора һәм уға (ошо ерҙә йәшәгән Академ исемле геройға бәйләп) академия атамаһын бирә. Ошо мәктәптә Платон үҙенең фәлсәфи хеҙмәттәрен ижад итә, шәкерттәрен тәрбиәләй. Уҡытыу эшенә Платон 40 йыллап гөмөрөн бирә. Ул 80 йәштә, һис көтмәгәндә, бер мәжлестә ултырғанда вафат була. Сәбәп әлеге мәжлестә булмаған, әлбәттә. Платондың ашау-эсеү мәсьәләһендә ғәйәт тәртипле, тыйнаҡ, аскетса йәшәү рәүеше алып барғанлығы мәғлүм.

Ижади мираҫы хронологияһы[үҙгәртергә]

Платон үҙенең мәсләге, донъяға ҡарашы буйынса объектив идеалист була. Уның һәм уның тураһындағы ҡайһы бер хеҙмәттәр (бигерәк тә биографик материалдар) юғалған булһалар ҙа, ижади мираҫының шаҡтай өлөшө беҙҙең осорға ла һаҡланып ҡалған. Платондың ижад юлын бер нисә осорға бүлеп ҡарарға мөмкин.

  • Башланғыс осор (б.э.т. IV быуаттың 90-сы йылдарына тиклем). Был осорҙа Платон, күберәк Сократ йоғонтоһона бирелеп, әхләки проблемалар йүнәлешендә шөғөлләнә. Ҡайһы бер мөһим төшөнсәләргә анализ яһай.
  • Күсеү осорына (80-се йылдар) субстанциаль ысынбарлыҡ дәрәжәһендә бирелгән идея концепцияһын дәлилләү хас. Был осорҙа Платон ҡайһы бер башҡа фәлсәфи тәғлимәттәрҙе лә тәнҡитләй. Мәҫәлән, софисттар фәлсәфәһен, Гераклит һәм Пифагор тәғлимәттәрен, ә социаль философия ҡалыбында ул тарҡалыу процессын кисерә башлаған демократия принциптарын тәнҡит итә, аристократия принциптарын иһә күккә сөйә.
  • Етлегеү осоры (70—60 -сы йылар) өсөн характерлы күренеш — ул да булһа мөстәҡилкыйль һәм субстанциаль ысынбарлыҡ юғарылығында бәйәләнгән идеялар тураһындағы тәғлимәтте дәлилләргә ымтылыу. Платонса, был идеялар материаль ысынбарлыҡты ла билдәләй. Үҙенең ошо йүнәлештәге фекерҙәрен иҫбатлауҙа Платон сикләнгән эмпиризмдың кәмселектәренә таянып эш итергә тырыша. Шуның өҫтөнә берни ҡәҙәр абстракт (адресһыҙ) тәнҡитләү менән дә мауығып китә. Был осор өсөн бөйөк ғалимдең мифология сиренә, урыны-урыны менән мистикаға бирелеп китеүе лә хас.
  • Һуңғы осор (50-се йылдар) Платондың дәүләт философияһанә мөрәжәғәт итеүе менән характерлана.

Платон антологияһы[үҙгәртергә]

Ҡыҫҡаһы, Платон философияһында ҙур урынды өс онтологик субстанция («бер бөтөн», «аҡыл» һәм «йән») тураһында тәғлимәт ала. Был тәғлимәт русса «учение о триаде» тип атала. Платонса, булыулыҡтың нигеҙен «бер бөтөн» тәшкил итә. «Бер бөтөн» өлөштәргә бүленмәй, уның сиктләре лә юҡ. Уны «берни түгел» тдип тә әйтеп булмай, сөнки «берни» тигән һүҙҙе ҡулланыу ул үҙе үк «бер бөтөн» тураһында «нимәлер» әйтеү булыр ине... Ләкин шулай ҙа, Платонса, «бер бөтөн» ул — булыулыҡтың нигеҙе. «Аҡыл» — өс субстанцияның икенсеһе, тип ҡарала. Ул — «бер бөтөн»дөң сағылышы. Аҡыл материаль ысынбарлыҡтан ирекле, азат, уға бәйләнмәгән. «Аҡыл», Платонса, әйберҙәрҙең аҫылы. Ләкин ул — «саф», әйберҙәр менән бәйләнештә түгел. Ул — барлыҡ әйберҙәрҙең ғөмөмиләштерелгән аҫылы. Аҡыл ул — йәшәү, ләкин уның (йәшәүҙең) ғөмөмиләштерелгән шәкеле. Аҡылдың иң ғөмөмиләштерелгән йыйылмаһы ғаләм (космос) рәүешендә сағыла. Күренә, Платон «аҡыл»ды (ә ул, беҙҙең ҡарашта, кешегә хас булған иң ҙур һәм мөһим үҙенсәлек) кешенән айырып ҡарай. Ул — абстракция һәм уның ана шул элегерәк ҡаралған абстракт «бер бөтөн»дән әллә ни айырмаһы юҡ.

Йән тураһында тәғлимәт[үҙгәртергә]

Платон фекере буйынса, субстанцияның өсөнсөһө — йән. Уның «вазифаһы» — юғарыла ҡаралған «аҡыл» менән тәндең үҙенә күрә бер синтезы, йыйылмаһы. Йән һәр әйберҙә бар, хатта ғаләмдә лә. Һәм ошо йәндең сағылышы, Платон фекеренсә, әлбиттә, һәр индивидта. Тән ул йән менән бергә. Үлеү — тәндең башҡа төрлө торошҡа ғына күсеүе. Ләкин тәндең «башҡа торошо» шулай уҡ үлеүгә дусар. Ә бына йән — үлемһеҙ (бында логик ҡаршылыҡ: Платон йән менән тәнде айырылғыһыҙ тип ҡарай, шулай булғас, тән дә, йән кеуек үк, үлемһеҙ тип ҡаралырға тейеш ине. Йә булмаһа, киреһенсә. Йән да тән дә - һәр икеһе — үлемле, мәңге түгел).

Идея һәм материя[үҙгәртергә]

Платон тәғлимәттәренең үҙәген һәм төп фекерен идея менән материя араһындағы мөнәсәбәт тәшкил итә. Уныңса, идея — беренсел, ә материя — икенсел. Йәғни материя идеянең тоноҡ күренеше генә. Платонса, материяның һис ниндәй шәкеле (формаһы) дә юҡ. Булған тәҡдирдә лә ул идеянан бер нимә лә ала алмаҫ ине («алды иһә ул идеянан килгән шәкелде боҙор ғына ине»). Идеяның беренсел һәм хәл иткес рольдә алыныуы Платондың гносеологияһында (танып белеү теорияһындә) ла сағыла. Уныңса, һәр әйберҙең нигеҙен идея тәшкил итә. Әгәр ҙә кешеләр нимәнелер танып белеүгә ирешәләр икән, улар ана ошо идеяны танып белеүгә ирешкән булалар. Ғөмөмән, Платондың «идея» тураһындағы фекерҙәре (улар менән килешеп булмаһа ла) иғтибарға лайыҡ. Платон — фәнгә «идея» һәм «идеаль» терминдарын керетеүе менән үк ҙур ихтирам ҡаҙанған ғалим. Дөрөҫ, Платонса, идеялар донъяла иң беренсел, иң башланғыс рольды үтәүсе ҡимммәт булып сыға. Шул уҡ вакытта реаль предметтар һәм күренештәр бер ниндәй ҙә иғтибарға эйә түгел. Был яҡтан ҡарағанда, Платондың материя менән идея араһындағы мөнәсәбәтте сағыштырыу тураһындағы фекерҙәре ҡыҙыҡлы.

Платон диалектикаһы[үҙгәртергә]

Платон

Платон үҙенең тәғлимәттәрендә диалектикаға ла (биләле, уны әлеге идея концепцияһына яраштырып) урын бирә. Шулай ҙа Платондың танып белеү, диалектика, онтология теориялары, бер-береһе менән бәйләнешле булһа ла, һаман да бер яҫылыҡта — үзе тарафынан уйлап сығарылған һәм уны сикләнмәгән көскә әүерелдергән идеяға ғына ҡайтып кала. Платондың идеалистик фекерҙәре үҙе хеҙмәт ҡуйған барлыҡ гуманитар фәндәр өлкәһендә лә урын таба. Этикала ул өс төрлө игелекте атай: аҡыллылыҡ, батырлыҡ һәм айыҡ ярһыусанлыҡ. Улар барыһы бергә ғәҙеллек тип аталған игелекте тәшкил итәләр

Сәйәси хоҡуҡ өлкәһендә эшмәкәрлеге[үҙгәртергә]

Платон дәүләттең килеп сығуы тураһында ла иғтибарға лайык фекер күтәрә. Дәүләттең ойошоу сәбәбе — ихтыяж, ти ул. Был, әлбәттә, материализм уҡ түгел, шулай ҙа идеализмдың да иң сик варианты түгел. Платон дәүләт менән идара итеүҙә өс форманы атай: монархия, аристократия һәм демократия. Ошо өс форманың һәр ҡайһының эсендә ул икешәр вариантты — барлығы алты вариантты күрә. Мәҫәлән, монархия ул — бер кешенең хакимлеге. Ошо форманың бер варианты — законлы монархия (батша), икенсе варианты — көсләү ысуллы монархия (тиран). Аристократия иһә — бер нисә (бер төркем) кешенең хакимлеге. Уның варианттары: яҡшы кешеләрҙең һәм насар кешеләрҙең (олигархия) хакимлеге. Демократия — күптәрҙең хакимлеге.

Сәнғәт һәм гүзәллек тураһында[үҙгәртергә]

Платон гүзәллек тураһынданда ла үҙенсәлекле генә фекерҙәр ҡалдыра. Гүзәл предметтар, уныңса, гүзәл тигән әйбер түгел әле. Гүзәллек, Платонса, предметтарҙа, күренештәрҙә түгел, ә уларҙан айырым, мөстәҡил торошта йәшәй. Гүзәллек ул — ғөмөми категория. Ул үҙенә бөтә идеяләрҙы туплай. Платон гүзәллек тураһында ошошдай, беҙҙең ҡолаҡ һәм зиһен өсөн ятыраҡ булған фекерҙәр менән бергә, материалистик пландағы ҡараштарын да белдерә. Мәҫәлән, ул былай ти: булыулыҡтың һәм йәшәүҙең матурлығы ул сәнғәттәге матурлыҡтан өҫтөнөрәк... Таға ла өҫтәп: булыулыҡ һәм йәшәү — улар бары тик мәңгелек идеяларға эйәреү генә (был — идеализм); сәнғәт — булыулыҡ менән йәшәүгә эйәреү, йәғни уларҙы сағылдырыу (быныһы — материализм). Әгәр ҙә шулай икән, сәнғәт ул эйәреүгә эйәреү (йә иһә сағылышты сағылдырыу) булып сыға. Күренә, Платонса, сәнғәт, «ҡуян һурпаһының һурпаһы» кеүегерәк, икенсе сортҡа эйә булған бер нәмә генә булып кала... һәм бы «саф» теориялә ғына түгел.

Платон сәнғәткә, уның күп төрлөлөклө үҙенсәлегенә бер төрлө ҡалыптар ҡуйырға ымтылыуы менән айырылып тора. Мәҫәлән, ул «идеаль дәүләт» интерестарына «туры килмәгән» әҫәрҙәрҙе ситкә этәрә. Ундыйҙар рәтенә ул Гомер әҫәрҙәрен, гөмөмән мифтарҙы, шулай ук халыҡ ижадын керетә. Ә музыкала, уныңса, кайғылы моңдар, шулай уҡ «еңел» төрҙәр ҙә булырға тейеш түгел. Музыка ҡоралдарынан ук фәҡат лираны һәм цитраны (ҡыллы музыка ҡоралын) ғына таный. Ә флейтаны «әҫәрләндереүсе», кәрәкмәй торған ҡорал тип һанай. Платон грек мифологияһын гөмүмән инҡар итә. Дөрөҫ, Платон — үҙенең беренсе ижад осорында мифология сире менән дә ауырып алған шәхес. Ләкин мифологиянән ул уның аллаларын ғына ҡабул итә, ә кеше сифаттарына эйә булған геройҙарҙы танырға теләмәй, улар ҡылған гәмәлдәрҙең йәштәр өсөн тиҫкәре йоғонтоһо булырға мөмкин, тигән фекерҙә тора. Күренеүенсә, Платон ҡалдырған ижади мираҫ бай ҙа, ҡаршылыҡлы ла, урыны менән хатта килешмәҫлек тә.


Әҫәрҙәре[үҙгәртергә]

Сығанаҡтар[үҙгәртергә]

  • *Гиззәтов К.Т., Философия: 2 китап. 1 -се китап: Ҡыҫҡаса философия тарихы. Философияның нигеҙ проблемалары: Юғары уҡыу йорто өсөн дәреслек. (тат.)