Ситдиҡов Баян Ғариф улы

Википедия — ирекле энциклопедия мәғлүмәте
Ситдиҡов Баян Ғариф улы
Зат ир-ат
Гражданлыҡ  Рәсәй империяһы
 Совет Рәсәйе
 СССР
Тыуған көнө 27 ғинуар 1916({{padleft:1916|4|0}}-{{padleft:1|2|0}}-{{padleft:27|2|0}})[1]
Тыуған урыны Ҡандры, Туймазы районы
Вафат булған көнө 11 сентябрь 1979({{padleft:1979|4|0}}-{{padleft:9|2|0}}-{{padleft:11|2|0}})[1] (63 йәш)
Вафат булған урыны Силәбе, РСФСР, СССР[1]
Һөнәр төрө ғалим
Википедияла Ситдиҡов фамилиялы башҡа кешеләр тураһында мәҡәләләр бар.

Ситдиҡов Баян Ғариф улы (рус. Ситдиков Баян Гарифович; 14 ғинуар (27 ғинуар) 1916 йыл) — 11 сентябрь 1979 йыл) — ғалим-фармаколог. Бөйөк Ватан һуғышында ҡатнашыусы[2], медицина хеҙмәте полковнигы. Медицина фәндәре докторы (1969), профессор (1971). Ҡыҙыл Йондоҙ ордены кавалеры.

Биографияһы[үҙгәртергә | сығанаҡты үҙгәртеү]

Баян Ғариф улы Ситдиҡов 1916 йылдың 14 (27) ғинуарында хәҙерге Башҡортостан Республикаһы Туймазы районының Ҡандра станцияһы ҡасабаһында тыуған.

1939 йылда Башҡорт дәүләт медицина институтын тамамлай. 1939 йылдан 1946 йылға тиклем Алыҫ Көнсығышта регуляр хәрби частарҙа медицина взводы командиры, медицина хеҙмәте батальоны начальнигы булып хеҙмәт итә.

1946—1969 йылдарҙа Силәбе дәүләт медицина институтының хәрби кафедраһында өлкән уҡытыусыһы, 1970 йылдан профессор, 1973—1979 йылдарҙа фармакология кафедраһы мөдире.

Ситдиҡов Б. Ғ. «Эксперименталь терапия һәм үпкәнең дисфоген шешеүе патогенезы мәсьәләләре» тигән темаға докторлыҡ диссертацияһы яҡлай. Докторлыҡ диссертацияһы һәм артабанғы ғилми тикшеренеүҙәр темаһы — үпкә токсин тәьҫирендә шешкән осраҡтарҙа ҡулланылған терапия ысулдарын эҙләү. Баян Ғариф улы 140 ғилми эш авторы. Уның етәкселегендә фармакология кафедраһы белгестәре токсикология, шул иҫәптән хәрби токсикология проблемаларын хәл итеү юлдарын өйрәнеү менән шөғөлләнә.

Ғалим 1979 йылдың 11 сентябрендә Силәбелә вафат була, ҡала зыяратында ерләнгән[3].

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

  • Ҡыҙыл Йондоҙ ордены;
  • «1941-1945 йылдарҙағы Бөйөк Ватан һуғышында Германияны еңгән өсөн» миҙалы;
  • «Японияны еңгән өсөн» миҙалы;
  • «Яуҙа күрһәткән батырлыҡтары өсөн» миҙалы[4].

Иҫкәрмәләр[үҙгәртергә | сығанаҡты үҙгәртеү]

  1. ↑ 1,0 1,1 1,2 https://web.archive.org/web/20210821043935/http://www.chelsma.ru/nodes/16318/
  2. ↑ http://chel-portal.ru/enc/Sitdikov_Bayan_Garifovich
  3. ↑ http://www.chelsma.ru/nodes/16318/ 2021 йыл 21 август архивланған.
  4. ↑ http://www.chelsma.ru/nodes/16318/ 2021 йыл 21 август архивланған.

Һылтанмалар[үҙгәртергә | сығанаҡты үҙгәртеү]

«https://ba.wikipedia.org/w/index.php?title=Ситдиҡов_Баян_Ғариф_улы&oldid=1244299» битенән алынған