«Казактар» скульптура төркөмө (Волга-Дон каналы)

Википедия — ирекле энциклопедия мәғлүмәте
Унда күсергә: төп йүнәлештәр, эҙләү

«Казактар» скульптура төркөмө  — Волгодонсктың төньяҡ-көнбайышындағы монументаль композиция. Волго-Дон суднолар йөрөү каналының 15-се шлюзын биҙәй. 1953 йылда архитектор Леонид Михайлович Поляков һәм скульптор Георгий Иванович Мотовилов проекты буйынса төҙөлә. РСФСР Министрҙар советының 1960 йылдың 30 авгусындағы 1327-се ҡарары менән монумент дәүләт әһәмиәтендәге һәйкәлдәр рәтенә индерелә. «Казактар» скульптура төркөмө Волгодонскта һәм Волгодонск районында федераль әһәмиәттәге берҙән-бер мәҙәни мираҫ объекты[1]. Казактарҙың скульптураһы Бөйөк Ватан һуғышы йылдарында Кубань казак кавалерия корпусы гвардеецтарының ҡаһарманлығын һәм, ғөмүмән, Дон казактарының хәрби данын символлаштыра[2].

Һүрәтләнеше[үҙгәртергә | вики-тексты үҙгәртергә]

Скульптура композицияһы Волга-Дон суднолар йөрөгән каналдың һуңғы (15-се) шлюзының ике яғына урынлашҡан ике башня-колоннаға урынлаштырылған һыбайлылыар статуяһынан тора. Уларҙың пьедесталы иртә классицизм рухында башҡарылған. Нигеҙ киңлеге 4,5 м. Мемориаль таҡтаташҡа:

« Бында 1942 йылдың авгусында Кубань казак корпусы гвардеецтары, донъяны үҙҙәренең ныҡлығы һәм рух бөйөклөгө менән таң ҡалдырып, Кавказ ҡапҡаларын һаҡлап, һуңғы һулышынаса тора. »

Мундир кейгән казактар үрәпсегән ататрҙа һынландырылған. Уларҙың береһе шашка һелтәй, икенсеһе уны баш осона күтәргән. «Казактар» федераль әһәмиәттәге мәҙәни мираҫ объекты булып торғанлыҡтан, эргә-тирәләге территорияла хужалыҡ йәки башҡа эштәр алып барыу , бынан тыш, мәғлүмәти йәки реклама стендары ҡуйыу, үҫемлектәрҙе ҡырҡыу тыйылған[3].

Иҫкәрмәләр[үҙгәртергә | вики-тексты үҙгәртергә]

  1. Рәсәйҙең мәҙәниәт министрлығы. № 6110042000 // Сайт «Объекты культурного наследия (памятники истории и культуры) народов Российской Федерации».
  2. Памятник «Донские казаки»  (рус.). Донской туризм. Ростовская область. 16 ғинуар 2017 тикшерелгән.
  3. «Казаки» на судоходном канале в Волгодонске попали в особо охраняемую зону  (рус.). Блокнот. 16 ғинуар 2017 тикшерелгән.(урыҫ.). Блокнот. 16 ғинуар 2017 тикшерелгән.