Портал:Ағымдағы ваҡиғалар/Беҙҙең берләшмә ваҡиғалары

Ағымдағы ваҡиғалар порталына рәхим итегеҙ!

Ағымдағы ваҡиғалар

Киң мәғлүмәт саралары беҙҙең турала/ СМИ о нас/ Media about us

Матди ярҙам /кошелёк/ purse

ru:Текущие события

en:Current events

Фекер алышыу архивы: 2002 — 2013 2014 — 2015 2016

2019

8 июнь

49000-се мәҡәлә яҙылды — Кесе Тирмәнкүл, башлап яҙыусы Guram52.

17 апрель

17 апрелдә Иҫке Собханғол базаһында Бөрйән районы башҡорттары ҡоролтайы үтте. Көндөң тәүге яртыһында Бөтә донъя башҡорттары ҡоролтайы Башҡарма комитеты ағзаһы, БашВики хакимы Рөстәм Ғатауллин һәм Мәскәүҙән килгән ҡунаҡ, «Викимедиа РУ» коммерцияға ҡарамаған партнерлығы директоры Владимир Медейко Бөрйәндең Бөрйән вики-клубы ирекмәндәре менән берлектә бер төркөм район уҡытыусылары өсөн викидәрес үткәрҙе. Унда башҡорт теле, тарих һәм география уҡытыусылар ҡатнашты.

Викидәрес Бөрйән ағинәйҙәре етәксеһе Ғизәтулина Рәшиҙә Хәй ҡыҙының сәләмләү һүҙе һәм килгән ҡунаҡтар менән таныштырыуҙан башланып китте. Артабан эшлекле осрашыу ҡоролтай йыйылышы сиктәрендәге секцияларҙа дауам итте. " Йәмәғәт ойошмаларының милли үҙаңды формалаштырыуҙағы роле" (модераторы М. Ғүмәров) секцияһында Бөрйән ағинәйҙәр ҡороның етәксеһе Ғизәтуллина Рәшиҙә Хәй ҡыҙы бай йөкмәткеле доклад менән сығыш яһаны.

Өфө ҡунағы, Башҡортостан Википедияһы етәксеһе Рөстәм Ғатауллин, Бөтә Рәсәй Википедияһынан Владимир Медейконың сығыштары,бигерәк тә уларҙың Бөрйән википедистары Көнһылыу Зәки ҡыҙы, Рәшиҙә Хәй ҡыҙының фиҙакәр хеҙмәтен баһалап әйткән һүҙҙәре йөрәккә май булып яғылды.(Бөрйән районы, "Таң" газетаһындағы мәҡәләнән алынды)

17 апрель

Бөрйән районы башҡорттары ҡоролтайы сиктәрендә Иҫке Собханғол ауылында Бөтә донъя башҡорттары ҡоролтайы Башҡарма комитеты ағзаһы, Башҡорт Википедияһы хакимы Рөстәм Нурыев бөрйәндәр өсөн махсус семинар үткәрә. Был сараға Мәскәүҙән «Викимедиа РУ» коммерцияға ҡарамаған партнерлығы директоры Владимир Медейко ла килде.

15 апрель

Бөрйән районы Әбделмәмбәт урта мәктәбендә Башҡорт википедияһының уҡыусылар араһында тәүге булып ойошторолған «Шаңдау» клубы үҙенең эшмәкәрлеген башланы.

Клуб етәксеһе, Башҡорт википедияһының әүҙем ҡатнашыусыһы, 10 класс уҡыусыһы Ҡәҙриә Ҡасимова 5-10 — сы кластарҙан йыйылған уҡыусыларға википедияның нимә булыуы, уның ҡулланыусыларға нимә биреүен аңлатып үтте, ҡатнашыусы булараҡ теркәлеп, артабан нисек эшләп китергә өйрәтте.

Уҡыусылар теркәлеү үтеп, тәүге эште башҡарҙылар, йәғни, тексты руссанан башҡортсаға тәржемә итеп википедияға индерергә өйрәнделәр.

Клуб уҡыусыларҙы википедия эшенә ылыҡтырыу юҫығында планлы рәүештә эш башланы, артабан эш дауамында нимәләргә өйрәнеү мөмкинселеге барлығын аңғартып, Башҡорт википедияһының яңы ҡатнашыусылары күңеленә ойотҡо һалып ҡайтарырға ла онотманы.

14 апрель

48000-се Араканцев бюсы (Семикаракорск) мәҡәләһе яҙылды. Беренсе авторы Ҡатнашыусы:Юлдашева Луиза.

12 апрель

Бөрйән Вики-клубы ирекмәндәре Рәшиҙә Ғизәтуллина (Ғизәтуллина Рәшиҙә Хәй ҡыҙы), Һәҙиә (Ҡотлобаева Көнһылыу Зәки ҡыҙы), Юлдашева Луиза (Юлдашева Луиза Әбуталип ҡыҙы) Бөрйән районы Әбделмәмбәт урта мәктәбе уҡыусылары өсөн викидәрес үткәрҙе.

Сараны ойоштороуҙа башланғыс кластар уҡытыусыһы Миңнур Мөхәмәтйән ҡыҙы Ҡасимова, директорҙың тәрбиә эштәр буйынса урынбаҫары Мәүлиҙә Зәйнулла ҡыҙы Ғәликәева ярҙам итте.

Викидәрестә уҡытыусылар Шәфҡәт Ғәликәев, Азалия Сынбулатова, ветеран-уҡытыусы Муллағолова Зәкиә Мөҙәрис ҡыҙы, 6-сы, 9-сы, 10-сы класс уҡыусылары ҡатнашты.

Википедияла эшләргә теләүсе уҡыусыларҙан вики-клуб төҙөргә ҡарар ителде. Араларынан клубты етәкләүсе итеп Ҡәҙриә (Ҡәҙриә Ҡасимова), мәктәптә эште ойоштороусы итеп Рәсилә Мәсәғүтова, интернат буйынса — Гөлиә Исҡужина билдәләнде.

Әбделмәмбәт урта мәктәбе, уның етәкселәре, уҡытыусылары, уҡыусылары маҡсатлы, ынтылышлы, юғары рухлы, алдынғы ҡарашлы булыуҙары менән күптән инде бөтә республикала билдәлелек һәм ихтирам яулаған. Башҡорт Википедияһын үҫтереүҙә лә алдынғылар рәтендә, алға әйҙәүсе маяк булыр тигән ышаныс бар.

11-12 апрель

Башҡорт теле һәм әҙәбиәте уҡытыусыларының Беренсе Бөтә Рәсәй съезында Башҡорт Википедияһы ирекмәндәре Зәйтүнә Ниғәмәтйәнова, Сәриә Ҡаһарманова, Рөстәм Нурыев, Минһылыу Абдуллина ҡатнашты.

11 апрель

Мостай Кәрим исемендәге 158-се Башҡорт гимназияһында викиирекмән, Белорет районының Яныбай Хамматов исемендәге Башҡорт гимназияһының башҡорт теле һәм әҙәбиәте уҡытыусыһы, «Башҡорт теле һәм әҙәбиәте йыл уҡытыусыһы — 2019» төбәк-ара конкурсы лауреаты, Белорет районынан һайланған съезд делегаты Сәриә Ҡаһарманова глобаль энциклопедияны дәрестә ҡулланыу буйынса оҫталыҡ дәресе үткәрҙе.

12 апрель

Башҡорт Википедияһы үҙ эшмәкәрлеге менән таныштырған күргәҙмә ҡуйҙы. Күргәҙмәне Республика Башлығы вазифаһын ваҡытлыса башҡарыусы Радий Хәбиров та ҡараны. Минһылыу Абдуллина көн оҙоно съезд делегаттарына һәм ҡунаҡтарына Википедия тураһында һөйләне. Бик күп делегат менән бәйләнеш урынлаштырҙы, Википедияға ҡушылырға өндәне.

Рөстәм Нурыев 6-сы секция ултырышында Башҡорт Википедияһының мәғарифтағы роле тураһында сығыш яһаны, Википедияны мәғарифта файҙаланыуҙы йәнләндереү саралары тураһында әйтте. Мәғәриф министры урынбаҫары Филүс Хмитйән улы Миназов хеҙмәтәшлек итергә тәҡдим итте.

Зәйтүнә Ниғәмәтйәнова, журналист булараҡ, фото төшөрҙө һәм мәғлүмәт тупланы.

Съезд барышында Рөстәм Нурыев Башҡорт дәүләт университеты ректоры Николай Данилович Морозкин менән әңгәмәләште, яҡын киләсәктә БДУ базаһында Викимедиа конференцияһын үткәрергә фатиха алды.

• 
• 
• 
• 
• 
• 
• 
• 
• 
• 
• 

28 март

10 — 12 апрель көндәрендә Өфөлә үтәсәк I Бөтә Рәсәй башҡорт теле һәм әҙәбиәте уҡытыусылары съезына делегаттар һайлау һәм съезд программаһына тәҡдимдәр индереү маҡсатында 28 март көнө Иҫке Собханғол мәктәбенең тамаша залында «Федераль дәүләт белем биреү шарттарында башҡорт теле һәм әҙәбиәтен уҡытыу сифатын күтәреүҙең мөһим мәсьәләләре» темаһына башҡорт теле һәм әҙәбиәте уҡытыусыларының район конференцияһы үтте.

Был эшлекле сарала мәғариф ветерандары, Башҡортостандың атҡаҙанған уҡытыусылары: Зәйтүнә Мазһар ҡыҙы Фәтхетдинова, Эльмира Фәхретдин ҡыҙы Әминева, бөгөнгө көндә лә Байназар мәктәбендә уңышлы эшләүсе Фәйрүзә Хәмзә ҡыҙы Ҡарағолова, Фәнүзә Фәсхетдин ҡыҙы Баймырҙина, Рәсәй Федерацияһы мәғариф алдынғыһы Рәхимә Фәтхетдин ҡыҙы Муллағолова, Башҡортостан Республикаһының мәғариф алдынғылары Рәйлә Ғәзизйән ҡыҙы Баязитова һәм Таңһылыу Әғзәм ҡыҙы Кинйәбаева, мәктәп етәкселәре, балалар баҡсаһы мөдирҙәре, башҡорт теле һәм әҙәбиәте уҡытыусылары, Википедия эше буйынса ҙур эштәр башҡарыусы ихтирамлы әүҙем райондаш ағинәйҙәребеҙ — район ағинәйҙәр ҡоро рәйесе Рәшиҙә Хәй ҡыҙы Ғизәтуллина (Рәшиҙә Ғизәтуллина), Луиза Әбүталип ҡыҙы Юлдашева (Юлдашева Луиза), Нәсимә Әхмәҙиә ҡыҙы Науразбаева (Вәлимә), Көнһылыу Зәки ҡыҙы Ҡотлобаевалар (Һәҙиә) ҡатнашты.

Конференцияла «Бөрйән районы белем биреү ойошмаларында башҡорт теле һәм әҙәбиәтен уҡытыу торошо. 2019—2020 уҡыу йылына ҡуйылған маҡсаттар» темаһына методист Гөлназ Дамир ҡыҙы Мөхәмәдйәрова, «Башҡорт теле һәм әҙәбиәте уҡытыусылары район методик берекмәһенең эшмәкәрлеге» тураһында берекмә етәксеһе Резеда Ғәйзулла ҡыҙы Сәғитова, «Балалар баҡсаһында туған телдә белем биреүҙең өҫтөнлөктәре» темаһына тәрбиәсе Айгөл Ураз ҡыҙы Вәлиева сығыш яһаны. Артабан 10-12 апрель көндәрендә Өфөлә үтәсәк I Бөтә Рәсәй башҡорт теле һәм әҙәбиәте уҡытыусылары съезында Бөрйән районынан ҡатнашасаҡ делегаттар һайланды, резолюция ҡабул ителде.

Резолюцияла мәктәп директорҙанына Башҡорт википедияһы менән эшмәкәрлек итеүҙе ойоштороу буйынса ҡарар ҡабул ителде.

23 март

«Викимедиа РУ» сайтында 2018 йылға йомғаҡ яһалған һәм Вики—премия 2019 еңеүселәре иғлан ителгән. Башҡорт Википедияһында иң күп өлөштө Айсар индергән һәм еңеүсе тип танылған. Ҡотлайбыҙ!!!

6 март

Башҡорт Википедияһының 47000-се мәҡәләһе яҙылды. Ҡайһы мәҡәләгә тура килеүен бер тәүлектән һуң билдәләү сәбәпле «түңәрәк» һанлы мәҡәләне теүәл әйтеп булманы. Исемлектә күрһәтеләгән мәҡәләләрҙең береһе 47000-се мәҡәләгә тура килә:

Ваҡыты	Исеме	Беренсе авторы
06:44, 6 март 2019 ‎	Ғабдулла Туҡай һәйкәле (Мәскәү)	‎Юлдашева Луиза
05:55, 6 март 2019	Ҡабан (Уйылға ҡушылдығы)	‎Guram52
05:53, 6 март 2019 ‎	Ҡабырсаҡ	‎Guram52
05:53, 6 март 2019 ‎	Халыҡ-ара балалар китабы көнө	‎Guram52
05:52, 6 март 2019	Мәҙәниәт хеҙмәткәре көнө	‎Guram52
05:52, 6 март 2019 ‎	Һан (мәғәнәләр)	‎Guram52

2 март

100px

«Бөтә донъя башҡорттары ҡоролтайы» йортонда башҡорт википедияһы ирекмәндәре осрашыуы үтте. Ошо уҡ ваҡытта Бөрйән районы Иҫке Собханғол ауылында «Бөрйән вики-клубы» ирекмәндәре йыйылды. Осрашыуға килеүселәр араһында видео-бәйләнеш булдырылды. Видео-конференцияла ҡатнашыусылар бер-береһен сәләмләне, булған мәсьәләләрҙе бергәләп хәл итергә килешелде. Вики-марафондарҙа әүҙем ҡатнашыусы Банат Валеева-Яубасароваға вики-бүләктәре тапшырылды. Осрашыуға килгән «Аҡбуҙат» журналының баш мөхәррире Юлдашева Тамара Ишбулды ҡыҙы википедистар эше менән ҡыҙыҡһынды.

4 ғинуар

Сиде — Башҡорт Википедияһының 46 меңенсе мәҡәләһе яҙылды. Өфө ваҡыты менән 14:31, беренсе мөхәррире Хаят Йосопова1 .

3 ғинуар

Башҡортостан 100 супер вики-марафонына йомғаҡ яһалды.

• Гугл-дискта дөйөм иҫәп таблицаһы
• 92 мөхәррир ҡатнашты, 5478 мәҡәлә яҙылды һәм тулыландырылды, шул иҫәптән башҡорт телендә 3861, башҡа телдәрҙә 1618 мәҡәлә, 427 фото тейәлгән.
• Еңеүселәр (мәҡәлә/мәрәй/фото/мәрәй):

1. Тутыйғош (546 /682,6 /22 /22,0),
2. Таңһылыу (962/610,9)
3. Юлдашева Луиза (535/397,8),
4. Qolcomaq (896/394,3),
5. Аҡҡашҡа (181/245,7),
6. Хаят Йосопова1 (344/237,3),
7. Cekli829 (10/29,2) (54,192,00),
8. Alfiya55 (164/202,1),
9. Visem (210/141,8/36,0/36,0),
10. Ryanag (152/129,5/2/2,0) (10/22,50),
11. Банат Валеева-Яубасарова (150/126,9),
12. Aidar254 (10 /10,0 /132 /132,0),
13. Һәҙиә (98/101,2/19/19,0),
14. ZUFAr (32/17,5/56/56,0) (16/10,3),
15. З. ӘЙЛЕ (99/93,5/3/3,0),
16. Erzianj jurnalist (77/73,8),
17. Сәриә62 (58/61,9),
18. Шәһәрбаныу (50/55,3),
19. Guram52 (100/52,5),
20. Магира 62 (28/49,1),
21. Раушания Рамазанова (52/42,6),
22. jaba1977 (60/39,2),
23. Oyuncu Aykhan (51/36,50),
24. Айсар (50/32,3)
25. Cercvadze2001 (57/28,9)

2018

9 декабрь

Башҡортостан 100 супер вики-марафон тамамланды. Йомғаҡ һуңыраҡ яһаласаҡ.

22 ноябрь

Әүҙем википедиясы Сәриә Мөхәмәтйән ҡыҙы Ҡаһарманова (Сәриә62) тураһында уның уҡыусылары Айгүзәл, Розанна һәм Гөлгөнә видеояҙма әҙерләгән һәм Башҡорт теле көнө уңайынан ойошторолған «Иң яҡшы уҡытыусы» интернет-конкурсына биргән.

17 ноябрь

Бөгөн Өфө районы Жуков ауылында башҡорт википедиясыларының сираттағы осрашыуы булды. Сараға яңы ирекмәндәр килде. Уларҙы википедия етәкселәре Рөстәм бей һәм Зөфәр бей сабырлык менән өйрәтте. Улар википедияға нисек инеүҙән алып, текстар яҙыу, фотолар тейәү һәм башҡа википедия серҙәрен аңлаттылар. Яңы килгән ағзалар киләсәктә әүҙем яҙышырға килеште.

31 октябрь, 45 меңенсе мәҡәлә

1987 йылда йыһанға осороуҙар исемлеге, 45 меңенсе мәҡәлә, нәшер ителеү ваҡыты — 21:34, 31 октябрь 2018‎, Soul Train башлап яҙҙы.

18 октябрь

13-15 октябрҙә Wikimedia CEE Meeting 2018 — Үҙәк һәм Көнсығыш Европа илдәре викимедиасыларының быйылғы конференцияһы Украинаның Львов ҡалаһында үтте. Был конференцияла ҡатнашыу мөмкинлеге миңә, Сәриә62-гә һәм З. ӘЙЛЕ-гә бирелде. Сарала төрлө илдәрҙән йыйылған 70-тән ашыу кеше ҡатнашты. Рәсәйҙән Мәскәү, Дондағы Ростов тарафтарынан рус википедияһы эшмәкәрҙәре лә, эрзя, татар википедияһы вәкилдәре лә булды. Шулай уҡ Польшанан Вячеслав Чернев та килде. Конференция иртәнге 10-сы яртынан башланып, киске 7-ләргә тиклем дауам итте. Һәр тарафтан килгән коллегеаларҙың сығыштарын тыңлау (Фәрхәдтең синхрон тәржемәһе аша) ҡыҙыҡлы һәм фәһемле булһа, Зәйтүнә Ниғмәтйәнованың башҡорт википедияһы эше менән таныштырған башҡорт телендәге сығышы ҙур ҡыҙыҡһыныу тыуҙырҙы.

Бынын тыш, Украина уҡытыусылары эшләгән секцияла ҡатнашып, википедия эшенә уҡыусыларҙы йәлеп итеү, дәрестәрҙә викиматериалдарҙы ҡулланыу буйынса эш тәжрибәләре тураһында байтаҡ мәғлүмәт алынды. Әйтергә кәрәк, украин коллегелары был тәңгәлдә ярайһы уҡ алда бара: уларҙың балалар менән эшләү буйынса эш программалары ла, һәр төрлө методик ҡулланмалары ла бар. Уларҙың ҡайһыларына патент алынған, ҡайһыларылыр китап итеп баҫтырылыуға тапшырылған. Һәм улар уҡыусылар менән эш итеү мәсьәләһен үҙҙәренең мәғариф министерлыҡтары кимәлендә хәл итергә уйлайҙар.

Wikimedia CEE Meeting 2018 халыҡ-ара вики-конференцияһында Башҡортостан вәкилдәре

24 сентябрь

Бөрйән викиклубы волонтерлыҡ эшен йәйелдереү буйынса эҙмә-эҙлекле эш алып бара.23 июндә район мәҙәниәт йортонда үткән төбәк ағинәйҙәр ҡоронда 300 кешелек аудитория алдында Көнһылыу Ҡотлобаева Башҡорт википедияһының эшмәкәрлеге тураһында презентация менән сығыыш яһаны.20 июлдә шулай уҡ район үҙәге Иҫке Собханғолдоң Әбделмән мәсетендә мөслимәләр өсөн викидәрес үткәрелде.Унда дини темаларға мәҡәләләр яҙыу мәсьәләһе күтәрелде.13 августа район ағинәйҙәре Башҡорт дәүләт ҡурсаулығы етәкселеге менән берлектә"Көмөш сылбыр" проектын башлап, уның беренсе семинарын үткәрҙе.Был сарала ҡатнашыусыларҙың бер өлөшө өсөн викидәрес үткәрелде. 24 сентябрҙә район мәктәптәренең уҡыу-уҡытыу эштәре буйынса директор урынбаҫарҙары һәм методистар өсөн кәңәшмә үтте.Унда быйылғы уҡыу йылында мәктәптәрҙә википедия эшмәкәрлеген ойоштороу эше күҙалланды. Көнһылыу Ҡотлобаева, Луиза Юлдашева, Рәшиҙә Ғизәтуллина сығыш яһаны.

17 сентябрь, 44 меңенсе мәҡәлә!

Нурмөхәмәтов Ниғмәтйән Мөхөтдин улы — 44 меңенсе мәҡәлә, Хаят Йосопова1 яҙҙы.

1 сентябрь

Башҡортостан 100 викимарафонының 5-се этабы башланды

24 август

«Иҙел» кафеһында башҡорт википедиясыларының сираттағы осрашыуы үтте. Осрашыуға әүҙем википедиясылар килде. Йыйын барышында 2018 йыл Вики-яҙ 2018, Әзербайжан айлығы, Башҡортостан 100, ВикиГап кеүек сараларға бай булыуы һәм ҡатнашыусыларҙың әүҙем булыуы телгә алынды. Ҡатнашыусыларға Вики-яҙ конкурсын ойоштороусыларҙан һәм шәхси эшҡыуырҙар әҙерләгән бүләктәр тапшырылды. Осрашыуға Рәсәй Президенты грантын алырға булышлыҡ иткән «Молодая Гвардия» төбәк ойошмаһының Башҡортостан бүлексәһе етәксеһе Люциә Юлтыева саҡырылғайны. Люциә Юлтыева ҡотлау һүҙе менән сығыш яһаны һәм бүләктәр тапшырҙы. фотолар

18-23 июль

Медиафайл уйнатырға.

Кейптаунда үткән Викимания-2018 конференцияһында ҡатнашыусыларҙы сәләмләү

Кейтаунда Викимания 2018 конференцияһы үтте.

• Рәсәй викимедистары Кейптаунда үткән Викимания-2018 конференцияһында ҡатнашыусыларҙы сәләмләне. Эрзән, лезгин, башҡорт, татар, саха телендә сәләмдәр урыҫса субтитрҙар менән бирелде.

11 июль

Сибай вики-клубының ағымдағы осрашыуы Йәштәр китапханаһының мәғлүмәт-хоҡуҡ үҙәгендә үтте. Ҡарағай Ҡыпсаҡбикә исемле яңы ҡатнашыусы теркәлһә, Римма Аҡманова быға тиклем алған белемен яңыртты. Дәресте Ләйсән алып барҙы.

8 июнь

Баш ҡаланың Мостай Кәрим исемендәге 158-се башҡорт гимназияһында волонтерлыҡ йүнәлеше киң йәйелдерелгән. Ошо ысулды башҡорт телен, әҙәбиәтен, тарихын, мәҙәниәтен һаҡлау, үҫтереү һәм донъя кимәлендә таратыу маҡсатында ҡулланыу ниәтенән мәктәп коллективы Википедия хәрәкәтенә лә ҡушылырға теләк белдерҙе һәм Башҡорт Википедияһы хакимы Рөстәм Нурыев менән З. ӘЙЛЕне осрашыуға саҡырҙы. Әңгәмә барышында берлектәге эшмәкәрлек йүнәлештәре ҡаралды.

2 июнь. Беҙҙә — 43 мең мәҡәлә!

• Тормош алға елә: 43 мең мәҡәлә кимәленә лә еттек! Ур-ра! Алға, туғандар, алға!!! Оло Тәгеш, башлап яҙыусыһы Ryanag

31 май

Башҡортостан 100 марафонының дүртенсе этабы тамаланды (21 февраль — 31 май 2018 йыл). 79 мөхәррир ҡатнашты, 1152 мәҡәлә яҙылды һәм тулыландырылды, 15 фоторәсем тейәлде.

19 — 23 апрель

«Викимедиа Дойчланд» энциклопедик белемде таратыуға булышлыҡ итеүсе маҡсаты менән сираттағы конференцияһын үткәрҙе. Конференцияла донъяның 50-гә яҡын иленән делегаттар ҡатнашты. Башҡорт вики-йәмғиәте был сараға Ришат Сәйфетдинов менән Зөфәр Сәлиховты ебәрҙе. Конференция ҡуйылған бурыстарҙы һәм булған мәсьәләләр хәл итеү, төрлө илдәрҙә эшләп килгән вики-йәмғиәт ойошмаларының эшен көйләү һәм үҙ-ара тәжрибә уртаҡлашыу майҙаны булды. Форумда яҡын киләсәктә әүҙем ҡатнашыусыларҙы йәлеп итеү һәм вики-проекттарҙың артабанғы үҫешенә стратегик йүнәлеш билдәләнде.

20 апрель

«АртКлуб» ижади оҫтахана майҙанында һәр аҙнала үткәрелгән «Мәҙәни йома» осрашыуында Рөстәм Нурыев Башҡорт Википедияһы менән таныштырҙы.

• беренсе өлөшө
• икенсе өлөшө
• өсөнсө өлөшө

14 апрель

14 апрелдә башҡорт википедиясылары сираттағы вики-осрашыуға йыйылды. Осрашыуға килеүселәр категориялар ҡуйыу, викидатаға мәғлүмәт өҫтәү кеүек алымдарҙы камиллаштырҙы. Рөстәм Нурыев менән З. ӘЙЛЕ эшләү тәжрибәләре менән уртаҡлашты һәм һорауҙарға яуап бирҙе. Яңы ҡатнашыусылар (Хаят Йосопова1,Юлдашева Луиза) википедияға нисек килеп ҡушылғандарын, нидәй ҡыйынлыҡтар булыуы тураһында һөйләне, үҙ остаздарына рәхмәттәр әйтте. Ҡатнашыусылар үҙҙәре менән күстәнәстәр алып килгән ине, Dina1965 сәй әҙерләне.

27 март

Башҡорт Википедияһының 42000-се мәҡәләһе яҙылды — Туҡай урамы (Өфө), беренсе авторы Юлдашева Луиза.

8 март

Википедия:WikiGap 2018 -Bashkortostan марафоны башланды. 8 апрелдә тамамлана.

21 февраль

Башҡортостан 100 башланды, 31 майҙа тамамлана.

11 февраль

Проект:Олимпия викимарафоны тамамланды.

8 ғинуар

Энгельс (ҡала) — 41000-енсе мәҡәлә яҙылды.

1 ғинуар

• Олимпия викимарафоны — 2018 йылдың 1 ғинуарынан 11 февраленә тиклем дауам итеүсе викимарафон башланды. Ҡатнашыусылар Олимпия уйындарына ҡағылышлы яңы мәҡәләләр яҙа йәки булғандарын тулыландыра.

• БашВикиның «Меңлеләр» вики-клубы төҙөлдө һәм беренсе саҡырылыш ағзалары иғлан ителде.

БашВикиның «Меңлеләр» вики-клубы — үткән календарь йылда БашВикила әүҙем булған, теркәлгән көндән башлап БашВикила 500-ҙән күберәк үҙгәртеү эшләгән ҡатнашыусыларҙың виртуаль вики-клубы. 2018 йылдың 1 ғинуарында төҙөлдө. Ағзалыҡ йылына бер тапҡыр яңыртыла.

Вики-клуб ағзалары ағымдағы йылда «Башҡортостан викимедиасылары» ойошторған офлайн сараларҙа ҡатнашыу, үҙҙәре төрлө саралар ойоштороу, халыҡ-ара һәм башҡа тел бүлектәрендә үткәрелгән офлайн сараларҙа «Башҡортостан викимедиасылары» вәкиле вәкәләттәрен үтәү, шул сараларға тотонолған сығымдарҙы берләшмә ҡаҙнаһы иҫәбенә атҡарыу хоҡуҡтарына эйә. Вики-клуб ағзаһы булмаған бер ирекмәнгә ошондай уҡ хоҡуҡтар биреүҙе һорай ала.

2017

20 декабрь

20 декабрҙә Башҡорт ҡатын-ҡыҙҙары йәмғиәте Советы үҙенең беренсе ултырышын үткәрҙе һәм эшсе органдарҙы билдәләне, уставҡа үҙгәрештәр индерҙе һәм яңы ағзалар һайланы, киләсәккә эш планын ҡабул итте. Совет ағзаһы, Башҡорт Википедияһы ирекмәне З. ӘЙЛЕ йәмәғәтселек менән эшләү йүнәлешенең Башҡорт Википедияһын үҫтереү секторы өсөн яуаплы итеп тәғәйенләнде.

4 декабрь

Баш ҡалала Башҡорт ҡатын-ҡыҙҙары йәмғиәтенең дүртенсе сираттан тыш съезы үтте. Мәжит Ғафури исемендәге Башҡорт дәүләт академия драма театры бинаһында уҙған сарала республиканың район-ҡалаларынан, башҡорттар күпләп йәшәгән күрше төбәктәрҙән делегаттар ҡатнашты. Съезда Башҡорт Википедияһы ирекмәне З. ӘЙЛЕ "Интернет селтәре киңлектәрендә – вики-өләсәйҙәр" тигән тема буйынса сығыш яһаны.

3 декабрь

Башҡалабыҙ Өфөлә Башстаттың ултырыштар залында (Цюрупа урамы, 17) «Башҡортостан викимедиасылары» төркөмө һәм «Викимедиа РУ» йәмғиәт ойошмаһы берлектә ойошторған сираттағы II "БашВикиКон 2017" конференцияһы үтте. Унда Мәскәүҙән "Викимедиа РУ"-ның директоры В. В. Медейко, шулай уҡ Д. Рожков һәм Р. Сәйфетдинов саҡырылғайны. Сараны асыу тантанаһында ҡатнашыусыларҙы Владимир Медейко, Башҡорт википедияһының иң өлкән ирекмәне Банат-Вәлиева-Яубаҫарова һәм иң йәш ирекмән Айҙар Сәлиховтар тәбрикләне. Конференцияның көн тәртибенә ярашлы сығыштар тыңланды, ғәмәли оҫталыҡ дәрестәре һәм тәжрибә уртаҡлашыу ойошторолдо. Ирекмәндәр киләсәккә эш йүнәлештәрен аныҡланы, халыҡ-ара вики-конкурстарҙа, Берлин конференцияһында, СЕЕ-форумында, ил кимәлендә буласаҡ һәм айырым тел бүлектәре үткәрәсәк вики-конференцияларҙа ҡатнашыу буйынса фекер алышты. Башҡорт википедияһында теркәлеү үтеп, яңы эшләй башлаусыларҙы ҡотлау менән бергә, төрлө конкурстарҙа уңыштар яулаған тәжрибәле ирекмәндәргә сертификаттар, дипломдар, бүләктәр тапшырылды. ...башҡа фотолар

2 декабрь

1-3 декабрҙә Өфөнөң Конгресс-холл бинаһында UfaForum 2017 йәштәр форумы үтте. Төп маҡсаты республиканы үҫтереүгә этәргес һәм киләсәктең иҡтисади терәге двигателе булырлыҡ көслө йәмғиәт формалаштырыу булған был сараға республиканан һәм күрше төбәктәрҙән 700 самаһы әүҙем, алдынғы ҡарашлы йәштәр йыйылды. «Йәмғиәт, Республика, тарих, тел, Өфө, берләшмәләр» платформаһының «Этнотел мәсьәләләре: алтын урталыҡты эҙләү» дискуссия майҙансығында Башҡорт Википедияһы ирекмәне З. ӘЙЛЕ спикер ролендә сығыш яһап, йыйылыусыларға башҡорт телен үҫтереү һәм һаҡлау юлында бер ысул булараҡ, Башҡорт Википедияһының әһәмиәте тураһында һөйләне. Шулай уҡ «Викимедиа РУ» коммерция булмаған партнерлыҡ директоры Владимир Медейко менән ВМРУ вәкиле Дмитрий Рожков «Асыҡ китапхана» проекты менән таныштырҙы, авторлыҡ хоҡуҡтары тураһында һөйләне. Сара һуңында википедистар: Владимир Медейко, Дмитрий Рожков, БашВики хакимдары Рөстәм Нурыев, Зөфәр Сәлихов башҡа эксперттар менән бер рәттән йәштәрҙең һорауҙарына яуаптар бирҙе, уларға аныҡ йүнәлештәр күрһәтте, һәр ваҡыт кәңәштәре менән ярҙам итергә әҙерлектәрен белдерҙе.…башҡа фотолар

29 ноябрь

Бөрйән районы Килдеғол ауылы ағинәйҙәре һәм ҡатын-ҡыҙҙары йыйылышында Рәшиҙә Ғиззәтуллина халыҡҡа Башҡорт википедияһы тураһында ентекле мәғлүмәт бирҙе. Ауылдың тарихы, ер-һыу атамалары, билдәле шәхестәре тураһында тупланған мәғлүмәттең электрон варианттарын әҙерләп, яҡын арала википедияның Бөрйән порталында урынлаштырыуҙың әһәмиәте аңлатылды. Ошо юлыҡта эшләргә өйрәнергә теләүселәр өсөн махсус дәрестәр биреү тураһында һөйәләшеү алып барылды.

27 ноябрь

Бөгөн Бөрйән районы үҙәге Иҫке Собханғолда Башҡорт википедияһы ирекмәндәре Көнһылыу Ҡотлобаева һәм Рәшиҙә Ғиззәтуллина «Таң» гәзите хәбәрселәре Дамир Байназаров менән Айнабат Аҡыеваны, китапханасы Әҡлимә Алтыншинаны Башҡорт википедияһына теркәне. Улар фотография тейәү һәм яңы мәҡәлә яҙыу, шулай уҡ тәржемә итеү буйынса тәүге һабаҡтар алды. 17 ноябрҙә теркәлеү үткән Айгөл Сафина беренсе эшен — райондың билдәле шәхесе, йырсы Ғилман Сәфәрғәлин тураһында мәҡәләһен яҙҙырып ҡуйҙы.

18 ноябрь

Бөрйән районы Иҫке Собханғол ауылында район администрацияһы бинаһында Бөрйән викиөләсәйҙәре Банат Вәлиева-Яубаҫарова һәм Лилиә Мусина ҡатнашлығында викисеминарға йыйылды.Улар үҙ-ара тәжрибә менән уртаҡлашты.Бөрйән порталын мәғлүмәт менән тултырыу һәм яңы теркәлгән ирекмәндәрҙе википедияла нығытыу йәһәтенән киләсәккә эш төрҙәре күҙалланды.

17 ноябрь

Бөрйән районы Иҫке Собханғол ауылында балалар китапханаһы һәм Үҙәк район китапханаһы хеҙмәткәрҙәре өсөн викидәрестәр үткәрелде. Был сараға Ҡырмыҫҡалы районынан тәжрибәле ирекмәндәр Банат Вәлиева-Яубаҫарова һәм Лилиә Мусина саҡырылды. Улар ярҙамында 6 кеше Башҡорт википедияһына теркәлде.

Бөрйән район китапханаһында викидәрес

4-6 ноябрь

Йошкар-Ола ҡалаһында беренсе «Волга буйы вики-семинары» булып үтте. Форумда википедиясыларҙан тыш Марий-Эл Республикаһының Мәҙәниәт министрлығының милләт һәм конфеция-ара мөнәсәбәттәр бүлеге начальнигы Игорь Садовин, Мари дәүләт университеты уҡытыусыһы Марина Ласточкина, тәржемәселәр, мари теле уҡытыусылары ҡатнашты. Семинарға килеүселәр «Марий Эл» дәүләт бейеү ансамбле концертын ҡараны. Козьмодемьянск ҡалаһындағы мәҙәни-тарихи музей коплексына вики-экспедиция ойошторолдо. Башҡорт Википедияһы вәкиле Зөфәр Сәлихов семинарҙа ҡатнашыусыларҙы универсаль карточка ҡулланыу тәжрибәһе менән таныштырҙы.

2 ноябрь

«Аҡ тирмә» тарафынан башҡорт йәштәре өсөн ойошторолған ҡыҙыҡлы осрашыуҙар форматында Башҡорт Википедияһы хакимы Рөстәм Нурыев менән танышыу. БашВики тураһында әңгәмә һәм ғәмәли тәжрибәләр. Гүзәл Вильданова, Ынйы Иргалина, Розалия1977‎, ТагирКузбеков‎ теркәлде.

Башҡорт йәштәре менән осрашыу

30 октябрь

Башҡорт Википедияһы ирекмәне ‎Аҡҡашҡа Өфө ҡалаһының 123-сө лицейенда үтәсәк фәнни-ғәмәли конференцияға уҡыусыһын Башҡорт Википедияһы тураһында һөйләргә әҙерләне. Ул шулай уҡ Дим районы конференцияһында ла ҡатнашасаҡ. Урыҫ телендәге «Башкирская Википедия: успехи и перспективы развития» тигән темаға сығыш тыңлаусыларҙа ҡыҙыҡһыныу уятты.

14—15 октябрь

Башҡорт Википедияһы ирекмәндәре Мәскәүҙә «Викимедиа РУ» коммерцияға ҡарамаған партнерлығы уҙғарған XI халыҡ-ара вики-конференцияла ҡатнашты. Конференцияла рус, бүрәт, лезгин, яҡут, тыва, татар, чечен, әрмән, украин, поляк Википедияларынан вәкилдәр ҡатнашты, иң ҙур делегация Башҡорт Википедяһынан булды. Сарала Рәсәй һәм күрше илдәр телдәрендә Википедияны үҫтереү тураһында сығыштар булды. Башҡорт Википедияһы хакимы Рөстәм Нурыев «Рәсәй телдәрендәге Википедиялар» тигән түңәрәк өҫтәлде һәм секцияны алып барҙы.

10 октябрь 2017 йыл

Бөрйән районы Байназар ауылында викиоләсәйҙәр бәләкәй кәңәшмәгә йыйылды. Унда 14-15 октябрҙә Мәскәүҙә үтәсәк вики-конференцияға әҙерлек торошо ҡаралды. Башҡарылған эштәр барланды, алдағы яҡын арала эшләнәсәк эштәр күҙалланды.

10 октябрь 2017 йыл

Башҡорт дәүләт университетының Башҡорт филологияһы һәм журналистика факультеты башҡорт-инглиз бүлегенең 4-се курс студенттары менән осрашып, З. ӘЙЛЕ Башҡорт Википедияһы эшмәкәрлеге менән таныштырҙы, башҡорт телен һаҡлау һәм артабан үҫтереүҙә ирекле интернет-энциклопедияның әһәмиәте тураһында һөйләне. Практик өлөштә студенттар нисек итеп Башҡорт Википедияһында теркәлеү, хаталар төҙәтеү, мәҡәлә тәржемә итеү буйынса беренсе аҙымдарын яһаны. Lyaysan Sayfullina,Gulsimush‎, Миңлегөл, Земфира96, Lyalyakalim‎, Alina Galeeva теркәлде. Осрашыуҙы ойошторған һәм артабан да хеҙмәттәшлек итергә теләк белдергән, факультеттың башҡорт-шәрҡиәт кафедраһы уҡытыусыһы Гөлназ Абдулхаҡ ҡыҙы Иҫәнғоловаға ҙур рәхмәтебеҙҙе еткерәбеҙ!

Башҡорт дәүләт университеты студенттары менән осрашыу

6 октябрь 2017 йыл

Башҡорт Википедияһында 40 меңенсе мәҡәлә — Байконур яҙылды..

4 октябрь 2017 йыл

Стәрлетамаҡ ҡалаһындағы Жәлил Кейекбаев исемендәге 3-сө гимназияла вики-осрашыу

Башҡортостан Республикаһы Стәрлетамаҡ ҡалаһы ҡала округының «Жәлил Кейекбаев исемендәге 3-сө гимназия» муниципаль автономиялы дөйөм белем биреү учреждениеһында (Стәрлетамаҡ ҡалаһы, Хоҙайбирҙин урамы, 194) Башҡорт википедияһы ирекмәне Рәшиҙә Ғизәтуллина менән осрашыу үтте. Унда гимназияның директоры Шаһисолтанова А. Б., уҡыу һәм тәрбиә эштәре буйынса директор урынбаҫарҙары Баязғолова З. Т., Сафарова Р. Х.,уҡытыусылар Бикбаева З.Ғ., Равилова Г. Т., Хафизова Н. Ф.,Стәрлетамаҡ ҡала мәғариф бүлеге методисы Хафизова З. Р., Стәрлетамаөҡ ҡалаһының "Ашҡаҙар"ижтимағи-сәйәси гәзите хәбәрсеһе Ҡобағошова Р. М. һ.б. ҡатнашты. Ҡала шарттарында урыҫлашҡан башҡорт балаларында туған телгә ҡыҙыҡһыныу, ихтирам уятыуҙа, уҡытыу һәм тәрбиә эшендә башҡорт википедияһының әһәмиәте тураһында ентекле һөйләшеү береһен дә битараф ҡалдырманы. Яҡын киләсәктә википедияла эшләргә өйрәнеү буйынса махсус һабаҡтар алыу өсөн, Өфөнән ирекмәндәр саҡырырға тигән ҡарар ҡабул ителде. "Ашҡаҙар"гәзите хәбәрсеһе Ҡобағошова Р. М. ошо турала мәҡәлә әҙерләй.

6 сентябрь 2017 йыл

Өфө ҡалаһының «Иҙел» кафеһында (Өфө ҡалаһы, Цюрупа урамы, 17-се йорт) викиосрашыу үтте. Сарала Рөстәм Нурыев, Ләйсән, ZUFAr, Лилиә Ҡәйепова, З. ӘЙЛЕ, Лилиә, Минһылыу Абдуллина ҡатнашты. Осрашыуға шулай уҡ Рәсәй Федерацияһы Дәүләт Думаһы депутаты Рәмзил Ишһарин һәм уның ярҙамсыһы Руслан Кәримов килде. Яңы уҡыу йылы һәм «Башҡортостан 100» марафонының өсөнсө этабы башланыу айҡанлы, башҡортса Викидәреслек проектының ҡабаттан тергеҙелеүе тураһында йәнле аралышыу булды. 14-15 октябрҙә Мәскәүҙә үтәсәк Вики-конференцияға барыу мәсьәләһе ҡаралды һәм Башҡорт Википедияһы вәкилдәре исемлеге раҫланды. Рәмзил Рафаил улы Башҡортостан делегецияһының конференцияла ҡатнашыуын ойоштороуҙа ярҙам итәсәген белдерҙе. Ул шулай уҡ Дәүләт Думаһы тарафынан ирекмәнлек тураһында федераль закон проекты тураһында һөйләне һәм әҙерләнгән ҡанун буйынса фекер алышырға саҡырҙы.

1—3 сентябрь 2017

Дағстан ҡалаһы Дербентта Дағстан телдәрендәге википедиялар проблемаларына арналған семинар булып үтте. Семинарҙы үткәреүгә коммерцияға ҡарамаған «Викимедиа РУ» партнёрлығы һәм «Дербент фонды», Лезгин халыҡтарының милли-мәҙәни ойошмаһы, «РИАДербент» мәғлүмәт агентлығы булышлыҡ итте. Семинарҙа Викимедиа РУ партнёрлығы директоры В. В. Медейко, рус википедияһынан Дмитрий Жуков, эрзя википедияһынан Андрей Петров, лезгин һәм башҡорт википедияһы администраторы Олег Абарников, башҡорт википедияһынан Зөфәр Сәлихов һәм Ришат Сәйфутдинов ҡатнашты. Семинар барышында башҡорт вики-өләсәйҙәренең видеосәләме тапшырылды. Осрашыуға филологтар, лингвистар, уҡытыусылар, йәмәғәт эшмәкәрҙәре саҡырылды. Дағстан телдәрендәге лезгин, авар, лак, чечен википедиялырына һәм инкубаторҙа булған бер нисә проектҡа булышлыҡ итеү һәм яңы ҡатнашыусылар мәсьәләләре тураһында һөйләшеү булды.

• Wiki-seminar in Derbent 2017: тематик медиа-файлдар

22 август 2017

Бөрйән районы администрацияһы бинаһында викиағинәйҙәр Рәшиҙә Ғиҙәтуллина, Көнһылыу Ҡотлобаева, Нәсимә Науразбаева, Резеда Сәғитова, Сәлиә Ишбулдина һәм Фәниә Ибатуллина ҡатнашлығында мәғлүмәт-аналитик эш һәм кадрҙар буйынса бүлек начальнигы Ғүмәров М. В. кәңәшмә уҙғарҙы. Унда Бөрйән порталында эште нисек киң йәйелдереү, халыҡты йәлеп итеү тураһында эшлекле һөйләшеү алып барылды.

16 август 2017

16 августа Бөрйән районының үҙәк китапханаһында урындағы ағинәйҙәр ҡоро (етәксеһе — Рәшиҙә Ғизәтуллина) менән «Баҙал» ижадсылар берекмәһе ағзалары һәм «Таң» гәзите хәбәрселәре берлектә "түңәрәк өҫтәл"гә йыйылды. Сарала хаҡлы ялдағы һәм эшләп йөрөүсе уҡытыусылар, дин әһелдәре, мәҙәниәт һәм китапхана эшмәкәрҙәре, тыуған яҡты өйрәнеүселәр, ғөмүмән, яҙырға һәләте булған телһөйәр һәм илһөйәрҙәр ҡатнашты. Район хакимиәтенең мәғлүмәт-аналитик эш һәм кадрҙар буйынса бүлек начальнигы Ғүмәров Марсель Вәли улы һәм Байназар ауыл мәсетенең имам-хатибы Данияр хәҙрәттең ҡатнашыуы сараның бәҫен күтәрҙе. Башҡорт Википедияһының яңы асылған Бөрйән порталында хеҙмәттәшлек итергә һәм заман менән ҡатар атларға теләүселәрҙе бер ҡорға туплау йәһәтенән ундағы эшлекле һөйләшеү бик урынлы булды. Унда ил-көн, тел мәсьәләләре менән бергә википедияның Бөрйән порталына районыбыҙҙың ер-һыу атамалары тарихы (фотолары менән), бай фольклор мираҫы өлгөләре, милли кейемебеҙ, шәхестәребеҙ, тарихи үткәнебеҙ, беҙҙе уратып алған тәбиғәтебеҙ (йылға-күл, тауҙар, ҡоштар, хайуандар донъяһы һ.б.) — барыһы-барыһы хаҡында ла аргументланған «ташҡа баҫырлыҡ» мәғлүмәт туплауҙың әһәмиәте тураһында ентекле аңлатыу алып барылды. Һөҙөмтәлә был эшкә олоһон да, кесеһен дә йәлеп итеү; вики-клуб өсөн бина юллап алып йыһазландырыу; уның етәксеһен һайлау һәм ижади төркөм туплау һ.б. аныҡ ҡарарҙар ҡабул ителде. Күмәк көс менән йырып сыҡҡанда, был эш үҙенә күрә еребеҙҙең хәтер китабын яҙыу, паспортлаштырыу, патентлау буласаҡ.

23 июль 2017

Архангел районының Абҙан шарлауығы янында Табын ырыуҙары берләшмәһе һәм Архангель муниципаль районы администрацияһы ойошторған «Табын-фест» йәштәр фестивале үтте. Фестивалгә Башҡортостандың Архангель, Ҡырмыҫҡалы, Ауырғазы, Ғафури, Ҡариҙел, Тәтешле райондарынан һәм Ырымбур өлкәһенән вәкилдәр килде. Фестивалдә халыҡ көнкүреше, кәсепселек, шәжәрә күргәҙмәләре ойошторолдо. Йәштәргә белем биреү маҡсатында экология, иҡтисад һәм башҡа йүнәлештә биш майҙансыҡ эшләне. Һанлы технологиялар майҙансығында Википедия тураһында Зөфәр Сәлихов һөйләне. Тыңлаусыларҙың барыһы ла Википедияның нимә икәнен, башҡорт бүлеге бар икәнен дә белә. Артабан спорт ярыштары үткәрелде. Фестиваль концерт менән тамамланды.

• Табын-фест 2017: тематик медиа-файлдар

23 июнь 2017

• «Сәләм» тапшырыуы «Башҡортостан 100» конкурсының икенсе этабы тураһында

20-21 июнь 2017

Башҡорт Википедияһына rita-akbulat етәкселегендә Башҡорт дәүләт педагогия университетында уҡыусы бер төркөм вики-сибәрҙәр килеп ҡушылды. Daniyar12, Агзамова, Иҡсанова Фәниә , Хәйбуллина Фәнүзә, Юлиә Рәфил ҡыҙы, Хамматова Рәхилә, Красавица1993, Рәғинә ханым, Нурсилә Данияр ҡыҙы, Әҡлимә12 менән З. ӘЙЛЕ һәм Рөстәм Нурыев осрашып, Википедия менән таныштырып үтте.

Башҡорт дәүләт педагогия университеты талиптары, викисибәрҙәр менән осрашыу

7 июнь 2017 йыл, Өфө

Көтөлмәгән викиосрашыу! Ләйсәндең Өфөгә эш сәфәре менән килеүе һәм мәшәҡәттәренең йәһәт тамамланыуы уңайынан «Иҙел» кафеһында алдан планлаштырылмаған викиосрашыу булды. Унда Рөстәм Нурыев, ZUFAr, З. ӘЙЛЕ, Ләйсән ҡатнашты. Эшлекле һөйләшеү барышында Башҡорт Википедияһының ағымдағы торошона күҙәтеү яһалды, киләсәккә маҡсаттар билдәләнде.

21 май 2017

Башҡорт Википедияһында 39 000-се — Халиҡова Рәйсә Хәлил ҡыҙы мәҡәләһе Таңһылыу Ҡыуандыҡова тарафынан яҙылды.

15 май 2017

«Рәсәйҙе бел. Дондан башла» конкурсына йомғаҡ яһалды. Башҡорт Википедияһы вәкилдәре төрлө кимәлдәге сараларҙа ҡатнашырға лайыҡлы икәндәрен тағы бер тапҡыр иҫбатланы. Сит телдәрҙәге мәҡәләләр номинацияһындағы ете урындың өсәүһен Башҡорт Википедияһы ирекмәндәре яуланы! Икенсе урында Банат Валеева-Яубасарова, дүртенсе урында Таңһылыу һәм алтынсы урында З. ӘЙЛЕ. Еңеүселәрҙе ысын күңелдән ҡотлайбыҙ! Артабан да көслө һәм эшһөйәр төркөм булып үҫербеҙ тип ышанабыҙ.

12-13 май 2017

Өфө районының Жуково ауылы википедистары

Өфө районының Жуково ауылында Аҡҡашҡа ойошторған вики-осрашыуҙа З. ӘЙЛЕ вики-клуб ағзалары өсөн практик вики-дәрес үткәрҙе. Алдан теркәлеүселәр: Аҡҡашҡа, Зөләйха белемдәрен камиллаштырһа, теркәлеп тә, эш башларға йөръәт итмәүсе rita-akbulat, Таналыҡ, шулай уҡ яңы теркәлеүселәр Нурһылыу, Рита Усманова тәүге аҙымдарын яһаны, мәҡәләләр тәржемә итеп ҡараны. Сарала ҡатнашыусылар белдереүенсә, Википедия менән хеҙмәттәшлек — ҡыҙыҡлы ғына түгел, файҙалы шөғөл, уны тулыландырыу менән бер рәттән, белемеңде лә арттырырға мөмкин. Шулай уҡ википедистар онлайн дәрестәргә ҡарағанда, күҙмә-күҙ ҡарап белем алыуҙың күпкә һөҙөмтәлерәк икәнлеген билдәләне.

4-7 май 2017

[1] Эстон Википедияһы һәм МАФУН ултырышы. Башҡорт Википедияһы тураһында 28:30 минутта.

24 апрель 2017

2017 йылдың 24 апрелендә Менәүерә Бохарбаева менән Ләйсән Хәйбулла районы Маҡан ауылында үткән башҡорт теле уҡытыусылары йыйылышында ҡатнашты. Башҡорт телен уҡытыуҙа яңы алымдар ҡулланғанда, Википедияның да ярҙамы тураһында Ләйсән һөйләне. Башҡорт Википедияһында эшләү, мәҡәләләр яҙыу һәм мөхәррирләү күрһәтелде.

23 апрель 2017

2017 йылдың 23 апрелендә тантаналы рәүештә сираттағы «Ирекле белем» һәм «Вики-премия 2017» тапшырылды. Уңышлы эшләгән ҡатнашыусыларға премия етенсе тапҡыр тапшырыла. Премия тапшырыу тантанаһы «Экстрополис» Яндекс конференц-үҙәгендә үтте. Коммерцияға ҡарамаған Викимедиа партнёрлығы директоры Владимир Медейко инеш һүҙ менән сығыш яһаны. Кисәне радиожурналист Александр Плющев алып барҙы. Викимедианың төрлө проекттары буйынса премиялар тапшырылды. Рәсәй телдәре номинацияһында Башҡорт Википедияһынан Ryanag лайыҡ булды. Ул 2016 йылда 7196 төҙәтеү эшләгән. Ҡатнашыусы килә алмау сәбәпле, премия Зөфәр Сәлиховҡа тапшырылды. Форсаттан файҙаланып «Башҡортостан 100» беренсе этабында еңгән һәм Башҡорт Википедияһына ярҙам иткән DonSimon, Soul Train, Erzianj jurnalist, JukoFF приздар тапшырылды.

22 апрель 2017

22 апрелдә Бөрйән районы муниципаль бюджет дөйөм белем биреү учреждениеһы Иҫке Собханғол урта дөйөм белем биреү мәктәбендә Башҡорт Википедияһының Бөрйән районы вики-клубы етәкселәре, әүҙем вики-өләсәйҙәр Һәҙиә, Рәшиҙә Ғизәтуллина иницативаһы менән осрашыу ойошторолдо. Унда Өфөнән З. ӘЙЛЕ ҡатнашты, БашВики хакимы Рөстәм Нурыев менән онлайн конференция үткәрелде. Уҡыусыларға Википедия эшмәкәрлеге тураһында мәғлүмәт бирелгәндән һәм Башҡорт Википедияһы эшмәкәрлегенә презентация үткәрелгәндән һуң, теләүселәр өсөн оҫталыҡ дәресе ойошторолдо. Яңы ҡатнашыусылар Zul8390 һәм Laluu33 теркәлде, техник сәбәптәр арҡаһында барлыҡ теләүселәр теркәлә алманы. Улар менән онлайн дәрестәр үткәрергә килешенде. Осрашыуҙа шулай уҡ бөрйәндәр вики-клуб эшен йәнләндереү, уның ағзалары һанын арттырыу, Википедияла Бөрйән районы порталын булдырыу тураһында ҡарар ителде. Республикала Башҡорт Википедияһына етди иғтибар һәм осрашыу үткәреү өсөн урын биргән уҡыу йорто директоры Гәрәй Миңлеғәле улы Йомағоловҡа, информатика уҡытыусыһы Рөстәм Рәхимйән улы Вәлиуллинға һәм, ғөмүмән, уҡытыусылар коллективына ҙур рәхмәтебеҙҙе белдерәбеҙ һәм артабанғы тығыҙ, емешле хеҙмәттәшлеккә өмөт итәбеҙ. Сараны мәңгеләштергән Айнур Маликовҡа айырым рәхмәт!!!

• P.S. Көндөң икенсе яртыһында әүҙем ирекмәндәр Таңһылыу менән Вәлимә, тәүге мәҡәлә яҙыусы Резеда29 шәхси консультациялар алды.

Бөрйән районында вики-осрашыу

7 апрель 2017

7-8 апрелдә «Екатеринбург-ЭКСПО» халыҡ-ара күргәҙмә залында «Ҙур Урал» V Халыҡ-ара туризм форумы үтте. Мәртәбәле оло форумға власть органдарынан, туризм-мәғлүмәт үҙәктәренән вәкилдәр, туризм буйынса Рәсәй һәм сит ил эксперттары, эске һәм тышҡы туризм буйынса туроператорҙар йыйылды. Пленар ултырышта төрлө төбәктәрҙән һәм сит илдәрҙән 3 меңдән ашыу делегат ҡатнашты. Форумға Рәсәй википедистары ла саҡырылғайны. Екатеринбуг, Ҡурған өлкәһе вәкилдәре менән берлектә Башҡорстостандан Зөфәр Сәлихов булды. Пленар ултырышта «Викимедиа РУ» йәмғиәт ойошмаһы ағзаһы Николай Литвинов Уралды популярлаштырыуҙа Википедияның әһәмиәте тураһында сығыш яһаны, «Вики Урал» халыҡ-ара конкурсының I этабы еңеүселәрен бүләкләне. Конкурстың Башҡорт Википедияһындағы өлөшө өсөн бүләктәр Зөфәр Сәлиховҡа тапшырылды.

Форум барышында ваҡиғалар менән бәйле, экологик, эшлекле туризм, һөнәри белем даирәһенә туристик ҡунаҡсыллыҡ системаһын индереү мәсьәләләре күтәрелде. Форум барышында «Ҙур Урал — „Турист сувениры“» фестиваль-конкурсына йомғаҡ яһалды. Финалға 10 сувенир етештереүсе һайлап алынған. Улар араһында башҡорт дебет шәлен етештереүселәр, Силәбе өлкәһе Ҡоншаҡ районында башҡорт милли кейемен кейҙереп, ҡурсаҡ эшләүселәр булды. Туроператорҙар залында ла Башҡортостан үҙ экспозицияһын ҡуйған ине. Байрамды Өфө сәнғәт училищеһынан килгән «Ләйсән» ансамбле башҡорт бейеүҙәре, йыр-моңдары менән биҙәне.

• Ҙур Урал: тематик медиа-файлдар

«Ҙур Урал» V Халыҡ-ара туризм форумында

30 март — 2 апрель

Башҡортостан ирекмәндәре тураһында мәғлүмәт конференцияла ҡатнашыусылар диуарында

Башҡортостан викимедиасыларының ике вәкиле — З. ӘЙЛЕ һәм Visem Берлин ҡалаһында Викимедиа конференцияһында ҡатнашты.

Берлин викиконференцияһы 2017

• Берлин конференцияһынан Виктор Семенюктың отчеты
• Берлин конференцияһынан Зәйтүнә Ниғәмәтйәновның отчеты

23 март 2017 йыл

Башҡорт Википедияһында 38 меңенсе мәҡәлә яҙылды. «Асмандар гармонияһы» исемле мәҡәләне Әлфиә Аҡбутина тәржемәләй башланы.

12-13 март 2017 йыл

Бөрйән районы вики-өләсәйҙәре менән Байназар ауылында Ләйсән вики-дәрес үткәрҙе. Әүҙем википедистар Һәҙиә, Таңһылыу, Рәшиҙә Ғизәтуллина, Вәлимә, Магира 62, Ғәзизә60 Башҡорт Википедияһында мәҡәләләр яҙҙы, Эстәлек тәржемәсене ҡулланды, ҡуйылған мәҡәләне мөхәррирләне, категориялар, һылтанмалар ҡуйып ҡараны, оҫталығын үҫтерҙе. Вики-дәреслектә лә эшләнеләр. Рәшиҙә Ғизәтуллина менән Магира 62 Милеккә фотоһүрәттәрен тейәп, уны мәҡәләгә өҫтәне. Рустам1987 исемле ҡатнашыусы теркәлде. Ғәҙәти сәйләү үткәрелде. Байназар ауылына бәйле мәҡәләгә ҡуйыр өсөн фото төшөрөлдө.

Бөрйәндә вики-дәрес

25 февраль 2017 йыл

Башҡорт халҡы составындағы иң ҙур һәм ҡеүәтле берләшмәне тәшкил иткән Табын ырыуҙары IV йыйынын үткәрҙе. Был берләшмәгә Ҡырмыҫҡалы, Ғафури, Архангел, Учалы, Балтас, Тәтешле, Ауырғазы, Благовар райондарының ҡайһы бер ауылдары ҡарай. Шулай уҡ Ырымбур, Свердловск, Ҡурған, Силәбе өлкәләрендә, Татарстан Рес­публикаһында ла табындар йәшәй. Эшлекле форумға һәм райондан, һәр төбәктән вәкилдәр саҡырылды.

Йыйын «Табын ырыуы вәкилдәре китап донъяһында», «Архив документтарында — Табын ырыуы» күргәҙмәһе менән асылды. Китап, кәсепселек әйберҙәре күргәҙмәһе һәм һатыу ойошторолдо. Шәжәрә байрамына һәр район иң яҡшы, иң төплө шәжәрәләрен алып килде. Йыйын барышында, ырыу тарихы, этносты һаҡлап ҡалыу буйынса төрлө сығыштар булды. Саҡырылған ҡунаҡтар, башҡа ырыуҙарҙың ҡорбаштары һүҙ алды. Википедия тураһында сығышты ла дәртләнеп тыңланылар, йылы ҡабул иттеләр. Һуңында резолюция ҡабул ителде. Йыйын тик табын ырыуҙары вәкилдәре әҙерләгән үҙенсәлекле концерт менән тамамланды.

22 февраль 2017 йыл

Аҡҡашҡа Дим районында Википедияны пропагандалау эшен ойошторҙо. Ағинәйҙәр ойошмаһының клуб ултырыштарында һәм башҡа төрлө сараларҙа Башҡорт Википедияһы менән таныштыра һәм яңы ҡатнашыусыларҙы саҡыра. Әлбиттә, әүҙем эшләп китерлек кешеләрҙе табыуы еңел түгел. 2016 йылдың декабренән бирле Өфө районы Яңы Жуково ауылында ла Вики-клуб башлап ебәрергә талпыналар. Яңы ҡатнашыусыларға эшләү серҙәрен өйрәтә. З.ӘЙЛЕ лә ярҙам итә, телефон аша консультациялар бирә. Википедия менән ир-аттар ҙа ҡыҙыҡһына.

Лилиә лә үҙенең туғандарын-яҡындарын Википедияға ҡоҙалап маташа. Яңы ҡатнашыусыларға айырым дәрес үткәрә, телефон аша ла ярҙам итә. Вики осрашыуҙан һуң ҡыҙҙар беренсе мәҡәләләрен ҡуйҙылар ҙа инде. Теркәлгән ҡатнашыусылар тырышып эшләй, осрашыуға ла килергә әҙерҙәр.

22 февраль 2017 йыл

Ҡатнашыусы:Һәҙиә 2017 йылдың ғинуар һәм февраль айҙарында Бөрйән википедистары төркөмөн ойоштороу юҫығында маҡсатлы эш алып барҙы. Яңы ҡатнашыусыларҙы Википедияла эшләргә өйрәтеү буйынса айырым (индивидуаль) дәрестәр үткәрҙе. Яңы ҡатнашыусылар теркәлде: Вәлимә, Лилиә98, Магира 62, Фәриҙә, Ғәзизә60.

21 февраль 2017 йыл

Белорет ҡалаһының 20-се мәктәбендә Халыҡ-ара туған телдәр кѳнѳнә ҡарата сара уҙҙы. Унда 70-ләп, атап әйткәндә, Белорет районының һәм Белорет ҡалаһының башҡорт теле һәм әҙәбиәте уҡытыусылары, ата-әсәләр, уҡыусылар ҡатнашты. Осрашыуға килеүселәргә башҡорт Википедияһы ирекмәне Эльза Мѳхәмәҙиева виртуаль энциклопедия тураһында дѳйѳм мәғлүмәт еткерҙе, ойошторолған конкурстар, марафондар, викиконференциялар тураһында һѳйләне. Ул башҡорт Википедияһына мәҡәләләр яҙған һәм үҙ тел бүлектәре аша Башҡортостан Республикаһының йәшәйеше, тарихы, йолалары, арҙаҡлы шәхестәре менән таныштырып, башҡорт милләтенең данын арттырған сит милләт ирекмәндәрен үрнәк итеп ҡуйҙы һәм барыһын да Википедияла эшләргә, Дәүләт Думаһы янындағы Йәштәр парламенты иғлан иткән «Бѳтә Рәсәй илһѳйәрҙәре» акцияһына ҡушылып, үҙебеҙҙең «Советтар Союзы Геройҙары», «Социалистик Хеҙмәт Геройҙары», «Рәсәй Федерацияһы Геройҙары», «Рәсәй Федерацияһы Хеҙмәт Геройҙары» тураһында яҙырға һәм шуның менән Википедияның башҡорт телендәге бүлеген артабан үҫтереүгә ниндәйҙер өлөш индерергә саҡырҙы.

20 февраль 2017 йыл

20 февраля 2017 года прошла встреча Гузаль Ситдыковой с учениками 131-й школы (Шакша). На встрече присутствовали учащиеся школы, изучающие башкирский язык (около 70 детей). Разговор шел о творческой деятельности, также было рассказано и о Башкирской Википедии, детей призвали участвовать в ее создании. Гүзәл Ситдиҡова (әңгәмә) 03:40, 22 февраль 2017 (UTC)

18 февраль 2017 йыл

1. Өфө ҡалаһында үткән сираттағы вики-осрашыуҙа барлығы 26 ирекмән ҡатнашты.
2. 2016 йылға йомғаҡ яһалды һәм 2017 йылға аныҡ маҡсаттар билдәләнде.
3. Википедия киңлектәрендә ойошторолған конкурс-марафондарҙың көҙгө-ҡышҡы миҙгел һөҙөмтәләре иғлан ителде.
4. «Кулинария марафоны» һәм «Ҡышҡы БУМ» вики-бәйгеләре еңеүселәре бүләкләнде.
5. Сибай ҡалаһы, Бөрйән һәм Өфө райондары вики-клубтарына ноутбуктар тапшырылды.
6. Вики-йәштәрҙе википедистар йәмғиәтенә ҡабул итеү тантанаһы ойошторолдо.
7. Танышырға килгән ирекмәндәргә Башҡорт Википедияһы ручкаһы һәм оло өмөт бүләк ителде.
8. Улар Википедияға теркәлде.
9. Сәй мәжлесе үткәрелде.
10. Төрлө темаларға фекер алышыу булды.
11. Бер төркөм википедистар Мәжит Ғафури исемендәге Башҡорт дәүләт академия драма театрының «Нәркәс» спектаклен ҡараны.

2017 йылдың 18 февралендә вики-осрашыу

Селтәрҙән күстәнәс һәм яңы көстәр

Кулинария китабын яҙыусылар һәм «эш ҡорлалы» алыусылар

• Вики-осрашыу 18.02.2017: тематик медиа-файлдар

13 февраль 2017 йыл

2000 йылдан алып 21 февраль билдәләнгән Халыҡ-ара туған тел көнөнә арналған сара Сибай ҡалаһының балалар модель китапханаһында ойошторолдо. «Йыр булырлыҡ һүҙҙәр биргән, туған телем рәхмәт һиңә» исемле әҙәби-музыкаль кисәлә 9-сы лицейҙың 7 А класы уҡыусылары (18 бала, класс етәксеһе — М. З. Исхакова) теләк менән ҡатнашты. Башҡорт Википедияһы ирекмәне Ләйсән Аралбаева сығыш яһаны һәм уҡыусыларҙы, төркөмгә ҡушылып, бергә эшләргә саҡырҙы.

12 февраль 2017 йыл

Рәми Ғариповтың тыуыуына 85 йыл тулыуға бағышлап «Юбилярға Википедия бүләге» проекты рәсми иғлан ителде.
Көн һайын Башҡорт Википедияһының баш битендә ошо даталғы юбилярҙар исемлеге яңыртыла. Шәхес тураһында мәҡәлә булған осраҡта уның фамилияһы — зәңгәр, мәҡәлә булмаған осраҡта ҡыҙыл төҫтә күренә. Әлеге ваҡытта Википедияла бик күп танылған шәхестәр тураһында мәҡәлә юҡ, шуға күрә исемлек башлыса ҡыҙыл төҫлө. Теләге һәм һәләте булған һәр кем үҙ аллы йәки әүҙем вики ирекмәндәр ярҙамында яңы мәҡәлә яҙа, элек яҙылған мәҡәләләргә мәғлүмәт өҫтәй ала.
Юбилей айында йәки бер ай алда яҙылған (тулыландырылған) мәҡәлә бүләк тип һанала. Бүләк иҫәбенә яңы мәҡәлә яҙғанда {{Юбилярға Википедия бүләге|Ҡатнашыусы исеме}} ҡалыбы, ә тулыландырғанда {{Юбилярға Википедия бүләге яҡшыртылған|Ҡатнашыусы исеме}} ҡалыбы мәҡәләнең фекерләшеү битенә ҡуйыла.

11 февраль 2017 йыл

Башҡорт википедияһы ирекмәне Эльза Мухамадеева «Иҙел башы» Белорет яҙыусылар ойошмаһы ағзалары менән вики-осрашыу уҙғарҙы. Унда Учалы, Белорет һәм Әбйәлил райондарынан 30-65 йәштәге 50-гә яҡын кеше ҡатнашты.

Ижад менән шөғөлләнеүселәргә википедия тураһында дөйөм мәғлүмәт бирелде, унда теркәлеү, эшләү нескәлектәре күрһәтелде. Әңгәмә барышында барыһының да тиерлек виртуаль энциклопедия тураһында әҙ мәғлүмәтле булыуы, уны Башҡорт википедияһы төркөмө менән бутауҙары, проектта ирекмәндәр түгел, ә ғалимдар, төрлө өлкә белгестәре генә эшләй тип яңылыш аңлауҙары асыҡланды.

21 февралдә, Бөтә донъя Халыҡ-ара туған телдәр көнөнә арналған район һәм ҡала кимәлендә үтәсәк сарала ла, википедия тураһында мәғлүмәт бирергә тип планлаштырылды.

Бынан тыш, Белорет ҡалаһы һәм районы мәктәптәре башҡорт теле һәм әҙәбиәте уҡытыусыларының методик берекмәһенең март айында уҙғарыласаҡ ултырышында ла википедияны файҙаланыу, уны дәрес менән бәйләү алымдары буйынса фекер алышыу өсөн тағы бер һөйләшеү ойоштороласаҡ.

1 февраль 2017 йыл

Белорет ҡалаһының Яныбай Хамматов исемендәге башҡорт гимназияһында район һәм ҡаланың абруйлы кешеләре, башҡорт теле һәм әҙәбиәте уҡытыусылары, мәктәп уҡыусылары менән викиосрашыу уҙҙы. Башҡорт Википедияһы ирекмәне Эльза Мухамадеева йыйылғандарға виртуаль энциклопедия тураһында ентекле мәғлүмәт бирҙе, унда теркәлеү, мәҡәләләр яҙыу, тәржемәләр эшләү нескәлектәре менән таныштырҙы. Уҡытыусылар дәрестәрҙе нисегерәк итеп википедия менән бәйләү, интегратив нигеҙҙә уҡытыу, проектлау, компьютер технологияларын ҡулланыу буйынса тәҡдим-кәңәштәр алды. Уларға Черкассы өлкәһе Шендеровка ауылының әҙәбиәт уҡытыусыһы Валентина Кодоланың уҡытыу процесында файҙаланған эш алымдары миҫал итеп килтерелде. Осрашыуҙа Инйәр 2-се башҡорт мәктәбе уҡытыусыһы Саматова Әлиә Марс ҡыҙы VIII, IX, X класс уҡыусылары менән класс сәғәте үткәрергә планлаштырҙы, Абҙаҡ урта мәктәбендә викиосрашыу уҙғарырға тип хәл ителде. Шулай уҡ, 17-се гимназия уҡытыусыһы Р. З. Әҡсәнова, башҡорт гимназияһы уҡытыусыһы С. М. Ҡаһарманова яҡын арала википедияға теркәлеп, үҙ дәрестәрен википедия менән бәйләп үткәрергә тип ҡарар итте.

28 ғинуар 2017 йыл

Бөрйән районының Иҫке Собханғол ауылында семинар һәм вики-осрашыу булды. Рөстәм Нурыев һәм З. ӘЙЛЕ лекция һөйләп, оҫталыҡ дәресе үткәрҙе. Урындағы йәмәғәтселек ҙур ҡыҙыҡһыныу менән семинарға килде. Барыһы 18 кеше ҡатнашты, шул иҫәптән яңы иҫәп яҙмаһын булдырҙылар: Серлебикә‎, Зөһрә Йәнбирҙина, Сәлиә58‎, ‎, Дамир Аллабирҙин‎, ДинарБадамшин‎, Роза79‎, Клара Ямгурсина, Рүзилә.

Бөрйәндә вики-семинар