Аркадия (санаторий)

Википедия — ирекле энциклопедия мәғлүмәте
Перейти к навигации Перейти к поиску
Аркадия
Рәсем
Нигеҙләү датаһы 1946
Дәүләт Украина
Административ-территориаль берәмек Одесса
Commons-logo.svg Аркадия Викимилектә

«Аркадия» дауалау-һауыҡтырыу комплексы — Одессалағы (Украина) һауыҡтырыу, дауалау-профилактика комплексы.

Тарихы[үҙгәртергә | вики-тексты үҙгәртергә]

Шифаханаға 1946 йылда нигеҙ һалынған. Был ваҡытта торлаҡ корпустары һәм хужалыҡ блогы төҙөлә башлай[1]. Шифахана «Аркадия» тарихи курорт районы биләмәһендә булдырылған. Мәҫәлән, уның биләмәһендә Украинаның бер нисә мәҙәни мираҫ объекты урынлашҡан: XIX быуат аҙағы — XX быуат башында төҙөлгән биш дача комплексы (шул иҫәптән Маврокордато дачаһы, Параскиев дачаһы, һуҡырҙар мәктәбе, һыу менән дауалаусы дауахана, ашхана, ҡала шифаханаһы корпустары), 1891 йылғы тышҡы ҡоймалар (архитекторы П. У. Клейн). Үҙ сиратында шифахананың бөтә биләмәһе баҡса-парк сәнғәте парк-һәйкәле булып тора[2].

2008 йылда шифахана Украинаның дәүләт сик буйы хеҙмәтенең ял һәм һауыҡтырыу үҙәге булып китә[3].

Ҡырым территорияһындағы 2014 йыл ваҡиғаларынан һуң, шифахана Ҡырымдан Украинаның ҡитға өлөшөнә күскән 73 хәрби хеҙмәткәрҙең ғаиләһен ваҡытлыса һыйындыра[4]. Артабан уларҙы илдең башҡа ҡораллы частәре буйынса тараталар.

2015 йылда шифахана биләмәһендә янғын сыға, һөҙөмтәлә хеҙмәткәрҙәр өсөн бер ҡатлы бина шаҡтай зыян күрә[5].

Комплекс биләмәһендә бер нисә тапҡыр дәүләт тарафынан һаҡланған территорияла законһыҙ төҙөлөш булыуы асыҡлана[6].

Комплекс составы[үҙгәртергә | вики-тексты үҙгәртергә]

Шифахананың дауалау профиле булып туберкулезды һәм үпкәнең үҙенә хас булмаған ауырыуҙарын, күреү органдары, урология һәм гинекология сирҙәрен дауалау тора. Комплекстың дөйөм һыйҙырышлығы 210 кеше тәшкил итә: урология — 80, гинекология — 80, офтальмология — 50.

Шифахана базаһының дөйөм майҙаны 9,6 гектар тәшкил итә һәм уңайлы шарттары булған, йәшелләндерелгән биләмәнән ғибәрәт, унда 7 торлаҡ корпусы, дауалау-диагностик корпус, клиник-диагностик лаборатория, административ корпус, аҙыҡ-түлек блогы, ҡаҙанлыҡ, китапхана һәм хужалыҡ бинаһы урынлашҡан[2]. Шулай уҡ шифахана комплексында 400-ҙән ашыу урынға иҫәпләнгән клуб, бильярд залы, йәйге кинотеатр, бейеү майҙансығы урынлашҡан урынлашҡан[3].

Иҫкәрмәләр[үҙгәртергә | вики-тексты үҙгәртергә]