Кастеевтың йорт-музейы
| Кастеевтың йорт-музейы | |
| Нигеҙләү датаһы | 2014 |
|---|---|
 | |
Абылхан Кастеевтың йорт-музейы —Алматы ҡалаһында Абылхан Кастеевтың мемориаль музейы (Ҡаҙағстан). Музей рәссам 1950-се −1970-се йылдарҙа йәшәгән йортта урынлашҡан.
Тарихы
[үҙгәртергә | сығанаҡты үҙгәртеү]Йорт Алматы ҡалаһының көнсығышында Городская (хәҙер Бекхожин урамы) урамында Кесе Алматинка йылғаһы аръяғында 1955 йылда Кастеев ғаиләһе өсөн төҙөлә, аҙаҡ 1966 йылда ул яңынан төҙөлә. Ә Кастеев был йортта 1958 йылдан 1973 йылға тиклем йәшәй һәм эшләй[1].
2004 йылда ғаилә рәссамдың йортон дәүләткә мемориаль музей төҙөү өсөн тапшыра[1].
2014 йылда рәссамдың тыуыуының 110 йыллығын байрам иткәндә мемориаль йорт-музей асыла. Музей асыу тантанаһында рәссамдың ғаиләһе, дуҫтары, А. Кастеев исемендәге Дәүләт сәнғәт музейы хеҙмәткәрҙәре, Медеуск районы башлығы Солтанбәк Макежан ҡатнаша.[2]
Музей бинаһы
[үҙгәртергә | сығанаҡты үҙгәртеү]Бина ХХ быуат уртаһында Ҡаҙаҡ ССР-ы Министрҙар Советы Рәйесе Д. А. Кунаевтың бойороғо буйынса 1955 йылда А. Кастеевтың ҙур ғаиләһе өсөн махсус төҙөлгән бер ҡатлы йорттан ғибәрәт. 1958 йылда рәссам ғаиләһе менән бергә был йортҡа күсә. 1966 йылда элекке төҙөлгән йорт тулыһынса һүтелә һәм уның урынында икенсе йорт төҙөлә (ҡамыш-каркаслы йорт урынына кирбестән), ә 1968 йылда уға оҫтахана төкәтеп төҙөлә. Йорттоң төҙөлөшө Алматының баш архитекторы Н. Оразымбетов проекты буйынса алып барыла. Йорт тәүге күренешендә һаҡланған: ҡунаҡ бүлмәһе, 3 йоҡо бүлмәһе, оҫтахана, аш-һыу бүлмәһе, ванна бүлмәһе, веранда; йортҡа баҡса терәлеп тора[1].
Экспозиция
[үҙгәртергә | сығанаҡты үҙгәртеү]Музей экспозицияһы килеүселәрҙе А. Кастеев ижад иткән иң билдәле график һәм һынлы сәнғәт әҫәрҙәре менән таныштыра. Музейҙа рәссамдың картиналарының күсермәләре ҡуйылған. Билдәле «Сарбазы Амангельды», «Турксиб», «Капчагай ГЭС-ы», «Кенен Азербаев» картиналарын күрергә мөмкин. Коллекция шулай уҡ бай тарихи-биографик материалдарҙы — фотолар, документтар, кинохроника һәм рәссамдың шәхси әйберҙәрен үҙ эсенә ала. Оҫта күп йылдар дауамында эшләгән, ысын экспонаттар ярҙамында тергеҙелгән Кастеевтың студия-оҫтаханаһы айырым ҡыҙыҡһыныу уята.[3]
Иҫкәрмәләр
[үҙгәртергә | сығанаҡты үҙгәртеү]Һылтанмалар
[үҙгәртергә | сығанаҡты үҙгәртеү]- Культурная прогулка: Дом-музей А. Кастеева 2019 йыл 6 апрель архивланған.
- Дом-музей Кастеева в Алматы