Көбө
Көбө (диал. көбөсәк, гөбө, батман) — бөтәүләй аталғы, өңгөс ярҙамында ағастан уртаһы соҡоп эшләнгән ҡоршауһыҙ бейек һауыт. Ҡапҡасын уртанан тишеп, бешкес ҡуйып яһайҙар. Башлыса йүкәнән, йомшаҡ ағастан төп һалып эшләнә[1].
Тәғәйенләнеше[үҙгәртергә | сығанаҡты үҙгәртеү]
Көбөнө көнкүрештә ғәҙәттә аҡ май, күбек майы, айран, ҡатыҡ, ҡымыҙ бешеү өсөн файҙаланғандар. Көбөсәк — бәләкәй көбө, ғәҙәттә айран өсөн тотонолған. Ҡымыҙҙы хуш еҫлерәк итеү өсөн көбө эсен ыҫлағандар. Бигерәк тә күбек майы бешеү өсөн көбө уңайлы булған.
Көбө төрҙәре[үҙгәртергә | сығанаҡты үҙгәртеү]
- Айран көбөһө
- Көбөсәк
- Ҡымыҙ көбөһө
- Май көбөһө
Әҙәбиәттә һәм фольклорҙа[үҙгәртергә | сығанаҡты үҙгәртеү]
- Көбө төбөндә ҡурғаш ҡына ҡала, эйе бит. — З. Биишева. Дуҫ булайыҡ. -Өфө, 1978
- Тар көбөлә әсе ҡатыҡ бешеп торған Өмөгөлсөм, шишмә һыуы ҡушҡас, тағы бер-ике гөбөрләтеп алды ла, ҙур ағас туҫтаҡты мөлдөрәмә тултырып айран алып килде. — З. Биишева[1].
- Фәйзулла (элекке Шүрәле) ауылында беҙҙең олатайҙар ағастан бик матур һауыт-һаба (туҫтаҡ, табаҡ, алдыр, ҡалаҡ, ҡашыҡ, ижау, көбө, күнәк) эшләгән[2].
Сығанаҡтар[үҙгәртергә | сығанаҡты үҙгәртеү]
- Башҡорт теленең аңлатмалы һүҙлеге. 2-се т.- Мәскәү, 1993, 434 б
- http://www.ye02.ru/ob/7880-klmstr-laaptar-m-bashynan-tkn-yy-hldr.html