Л. Н. Толстой исемедәге китапхана (Минск)

Л. Н. Толстой исемедәге китапхана

Л. Н. Толстой исемендәге 1-се китапхана филиалы— Үҙәкләштерелгән китапхана системаһының беренсе филиалы (Минск, Беларусь)

Минск халҡын һәм сит ҡаланан булған китап уҡыусыларҙы хеҙмәтләндерә (уҡыу залы).

Тарихы

Уның барлыҡҡа килеү тарихы Минск интеллигенцияһы менән бәйле, улар Л. Н. Толстой тураһында иҫтәлектәрҙе мәңгеләштерергә ҡарар итә һәм бының өсөн ҡала думаһына ғариза менән мөрәжәғәт итәләр. 1911 йыл аҙағына тиклем дума ғаризаны ҡарай һәм, ниһәйәт, Толстой исемедәге китапхана асыу тураһында ҡарар ҡабул ителә.

Китапхана асыу уңайынан тантанаға Софья Андреевна (Толстойҙың ҡатыны) килә. Ул үҙе менән 40 китап алып килә (һуғыш йылдарында юғала). Бөтәһе китапхананың китап фондында 630 китап иҫәпләнгән. Бынан тыш ваҡытлы матбуғат баҫмалары фонды була — гәзиттәр һәм журналдар, урыҫ, белорус, литва, поляк, украин, иврит һәм иҙиш телдәрендә баҫмалар килә.

Китапхана Ново-Московская (хәҙер — Московская) урамында вокзалдан алыҫ түгел өс бүлмәле фатирҙа барлыҡҡа килә. Уның төп уҡыусылары йәш кешеләр була, улар китап уҡырға ғына килмәйҙәр, ә бында аралашалар. 1912 йылда, һаҡланған документтарға ярашлы, китапханаға хужабикәләр йөрөй башлай.

Китапхана ул ваҡытта түләүле нигеҙҙә эшләй (инеү бер тин тора), ә китапхана киске сәғәт етегә тиклем эшләй.

1915 йылда китапхана Мәскәү урамы буйынса Вержбовская йортонда урынлаша.

1930-сы йылдарға тиклемге осорҙа — (мәғлүмәт юҡ тиерлек) күпмелер ваҡыт китапхана иҫке сиркәү бинаһында урынлашҡан.

1946 йыл — (Минск ҡала башҡарма комитеты ҡарары буйынса) «публичка» яңыртыла.

Артабанғы ваҡиғалар хронологияһы:

• Китапхана Обувная урамындағы бинала асыла (3-сө ҡатты биләй).
• Молочный тыҡрығына күсә (балалар баҡсаһы бинаһы).
• 1-се урта мәктәп вестибюленә күсерелә.

1956 йыл — хәҙерге адресын ала (Московская, 18).

Хакимиәте

Китапхана мөдире: Матковская Татьяна Владимировна.

Һылтанмалар

• Минск старый и новый 2017 йыл 24 июль архивланған.
• Библиотека-филиал № 1 им. Л. Н. Толстого