Сауҙагәр Филиппов йорто

Сауҙагәр Филиппов йорто
Дәүләт	Ҡаҙағстан
Административ-территориаль берәмек	Алматы
Урын	Улица Макатаева[d]
Сауҙагәр Филиппов йорто Викимилектә

Сауҙагәр Филиппов йорто — Алматылағы бина, Верный ҡалаһы сауҙагәре Н.И.Филиппов заказы буйынса төҙөлгән.

Тарихы

Бина сауҙагәр Филиппов өсөн 1901 йылда архитектор С К. Тропаревский тарафынан төҙөлгән.

Революциянан һуң бина национализациялана.

1919 йылдың майында йортта Жамбыл Жабаев һәм башҡа билдәле башҡарыусы-йырсылар ҡатнашлығында Семиречье аҡындарының Беренсе слеты үтә. Был ваҡиға тураһында бинала иҫтәлекле мемориаль таҡтаташ ҡуйылған.

Совет осоронда бинала милләт эштәре буйынса өлкә бүлеге урынлаша.

Бойондороҡһоҙлоҡ алғандан һуң бинала Төркиә илселегенең мәҙәни-белем биреү үҙәге урынлаштырыла.

Әлеге ваҡытта бинала «Казреставрация» ғилми-тикшеренеү проекты филиалы урынлашҡан

Архитектураһы

Сауҙагәр Филиппов йорто бейек кирбес нигеҙҙә төҙөлгән тура мөйөшлө ике ҡатлы ағас бина. Бинаға инеү урынында фигуралы тимер терәктәрҙә ике яҡлы япма менән ҙур гранит күтәрмәләр күҙгә ташлана. Фасадтар декорында ҡатмарлы кәрнизде тамамлаусы ҡат араһы бүлкәттәре ҡулланылған. Фасадтың ихата яғында асыҡ веранда урынлашҡан.

Бинаның эске бүлмәләре күп тапҡыр үҙгәртелә, шуға күрә йорттоң баштағы коридоры һаҡланмаған

Һәйкәл статусы

2010 йылдың 10 ноябрендә Алматы ҡалаһының урындағы әһәмиәткә эйә булған тарих һәм мәҙәниәт ҡомартҡыларының Дәүләт исемлеге раҫлана, бер үк ваҡытта ошо сәбәп менән алдағы ҡарарҙар көсөн юғалтҡан тип таныла. Был ҡарарҙа сауҙагәр Филиппов йортоноң урындағы әһәмиәткә эйә булған статусы һаҡланып ҡала. Һаҡлау зонаһы сиктәре 2014 йылда раҫлана.