Туғай сәпсеге
Туғай сәпсеге, туғай кәмәрсеге, һары сәпсек, һары кәмәрсек (урыҫ. желтоспинная трясогузка).
Ҡылыҡһырлама[үҙгәртергә | сығанаҡты үҙгәртеү]
Турғайҙан бәләкәйерәк. Оҙон ҡойроғон өҙлөкһөҙ бәүелтеп йөрөүсе төҙөк кәүҙәле матур ҡош. Башы, елкәһе һары, күҙҙәре өҫтөндә аҡ ҡаштары бар. Ҡанаттары, ҡойроғо аҡ һыҙыҡлы ҡара-көрән. Арҡаһы, кәүҙәһенең аҫ яғы һары. Башҡа сәпсектәрҙән һырты һары булыуы менән айырыла.
Тауышы[үҙгәртергә | сығанаҡты үҙгәртеү]
Тауышы яңғырауыҡлы: «тсит-ит».
Йәшәү рәүеше[үҙгәртергә | сығанаҡты үҙгәртеү]
Һыу буйындағы болонлоҡтарҙа, туғайҙарҙа, батҡыл урындарҙа йәшәй. Бөжәктәр менән туҡлана. Күсмә ҡош. Киң генә таралған. Ояһы ерҙә була. Ҡыҙғылт көрән таплы 3—5 бөртөк йәшкелт зәңгәр йомортҡа һала