Түшәк кейеме

Ваҡлап һатыу магазинында түшәк кәрәк-яраҡтары

Түшәк кейеме (түшәк кәрәк-яраҡтары) – йоҡо бүлмәһендә ҡулланыу өсөн тәғәйенләнгән текстиль изделиелары, уларға япма, яҫтыҡ (мендәр) тыштары һәм юрған тыштары инә. Бер стандарт комплект, ҡағиҙә булараҡ, бер юрған тышын, бер япманы һәм ике яҫтыҡ тышын үҙ эсенә ала. Бөтә түшәк кейеме матрас, яҫтыҡтар һәм юрғандың ҙурлығына ҡарап бер нисә категорияға бүленә һәм бер кешелек, ярым һәм ике кешелек була. Түшәк кейеме йоҡо һәм ял өсөн уңайлы мөхит булдырыуҙа мөһим роль уйнай, шулай уҡ интерьерҙың дөйөм стиленә тәьҫир итә.

Тарихы һәм үҫеше

Түшәк кейеменең тарихы боронғо замандарҙан башлана, ул саҡта кешеләр ябай туҡымаларҙы өҫтөнә ябыныу өсөн файҙаланған. Текстиль сәнәғәте үҫеше менән төрлө туҡымалар һәм дизайндар барлыҡҡа килә. Төрлө тарихи дәүерҙәрҙә түшәк кейеме киндерҙән, мамыҡтан, ебәктән һәм башҡа материалдарҙан етештерелгән, үҙ дәүеренең мәҙәни һәм иҡтисади шарттарын сағылдырған^[1].

Материалдар

Заманса түшәк кәрәк-яраҡтары төрлө туҡыманан тегелгән, уларҙың һәр береһенең үҙ өҫтөнлөктәре бар:

Мамыҡ: һауа үткәреүсәнлеге һәм дым һеңдереү һәләте менән билдәле. Был түшәк кейеме өсөн иң популяр материалдарҙың береһе.
Атлас: мамыҡтан йәки синтетик сүстәрҙән етештерелә, шыма өҫлөгө һәм ялтырауығы менән айырылып тора.
Ебәк: затлы тойоу тойғоларын тәьмин итә, әммә айырым хәстәрлек талап итә.
Тенсел: һәйбәт дым һеңдереү үҙенсәлектәренә эйә булған экологик яҡтан таҙа материал.
Бамбук сүсе: бактерияларға ҡаршы үҙенсәлектәргә һәм яҡшы һауа үткәреүсәнлегенә эйә.

Түшәк кәрәк-яраҡтарын ҡарау

Түшәк кәрәк-ярағын дөрөҫ ҡарау уның хеҙмәт итеү ваҡытын оҙайта:

Ҡыҫҡармаһын өсөн 60°С-тан артмаған температурала йыуырға.
Агрессив химик матдәләрһеҙ йомшаҡ йыуыу сараларын ҡулланырға.
Төҫө һүрелмәһен өсөн кейемде асыҡ һауала йәки күләгәлә киптерергә.

Түшәк кейеме үлсәмдәре

Түшәк кейеменең үлсәмдәре ҡулланыласаҡ карауат һәм матрастың ҙурлығына нигеҙләнеп эшләнә. Матрас үлсәмдәрен түбәндәгесә классификацияларға мөмкин:

Түшәк комплекты	Юрған тышы	Япма	Яҫтыҡ тышы
Бер кешелек комплект	150х210 см 150х215 см 160х220 см	160х210 см 150х215 см 180х260 см	70х70 см 60х60 см 50х70 см
Ике кешелек комплект	180х210 см 180х215 см 205х225 см	175х210 см 175х215 см 210х230 см 220х215 см 240х260 см	70х70 см 60х60 см 50х70 см
king-size комплект	220х240 см	280х290 см 280х300 см 290х300 см	70х70 см 50х70 см
Үҫмерҙәр өсөн комлект^[2]	122х178 см	100х180 см	40х40 см 35х45 см 40х60 см 60х60 см 50х70 см
Балалар өсөн комплет (Яңы тыуған балалар һәм 3 йәшкә тиклемге балалар өсөн комплекттар ГОСТ 31307-2005 буйынса^[2])	120х125 см 112х147 см 125х147 см	100х117 см 100х138 см 100х159 см	40х40 см 35х45 см 40х60 см 60х60 см 50х70 см

Материалдарҙы һәм дизайнды дөрөҫ һайлау яҡшы ял итеү өсөн уңайлы мөхит булдырырға ярҙам итәсәк.

Иҫкәрмәләр

↑ Renfrew Colin. Archaeology: Theories, Methods, and Practice. — 6th. — Thames & Hudson, 2012. — P. 254. — ISBN 978-0-500-28976-1.
↑ ^2,0 ^2,1 ГОСТ 31307-2005 "Белье постельное" (урыҫ). Электронный фонд правовых и нормативно-технических документов. Дата обращения: 9 сентябрь 2021. Архивировано 9 сентябрь 2021 года.

[1] Renfrew Colin. Archaeology: Theories, Methods, and Practice. — 6th. — Thames & Hudson, 2012. — P. 254. — ISBN 978-0-500-28976-1.

[:0-2] 2,0 ^2,1 ГОСТ 31307-2005 "Белье постельное" (урыҫ). Электронный фонд правовых и нормативно-технических документов. Дата обращения: 9 сентябрь 2021. Архивировано 9 сентябрь 2021 года.

[1]

[2]