Эсперантия

	Эсперантия ; Esperantujo, Esperantio
	Flag_of_Esperanto.svg
Нигеҙләнгән ваҡыты	1887
Ҡатнашыусылар һаны	2 000 000 (1999)

Эсперантия йәки Эсперантида (тәржемәлә «Эсперанто иле»; эсперанто: Esperantujo, Esperantio йәки Esperanto-lando) — халыҡ-ара ярҙамсы тел булған эсперантола һөйләшеүселәр тарафынан эсперантсылар берләшмәһе һәм уларҙың мәҙәниәте хаҡында һөйләр һәм яҙыр өсөн, шулай уҡ эсперантоны ҡулланған ил бар һымаҡ итеп, шундай урындар һәм учреждениелар тураһында телдән һәм яҙма бәйән итеү өсөн ҡулланылған термин. Эсперантия, әлбиттә, Ер йөҙөндә ниндәйҙер тәғәйен үҙ урынын биләмәһә лә, бөгөн уның даирәләре донъяның 120 иленә таралған.

Тарихы[үҙгәртергә | сығанаҡты үҙгәртеү]

Бер нисә бәләкәй дәүләт төрлө ваҡытта эсперантоны дәүләт теле итеп файҙаланырға теләк белдерһә лә (Мореснет һәм Роза Утрауы Республикаһы), был биләмәләрҙең береһен дә Эсперантия тип атамайҙар.

Esperantio һүҙен үҙ документтарында ҡулланыу Civito Esperanta^[2] халыҡ-ара ойошма ҡуллана, ул үҙен «халыҡ-ара хоҡуҡтар субъекты» тип белдерә һәм дәүләтселектең ҡайһы бер атрибуттарына (конституция, парламент) эйә. Esperanta Civito эшмәкәрлегенең иң көсөргәнешле ваҡыты 2001—2003 йылдарға тура килә. 2007 йылда Esperanta Civito^[3]-ға шаяртыу пародияһы кеүек, бер төркөм яҙыусылар һәм шағирҙар Эсперанто Республикаһының төҙөлгәнлеге тураһында иғлан итәләр .