Ү

Википедия — ирекле энциклопедия мәғлүмәте
Uu
Uu
Башҡорт алфавиты
Аа Бб Вв Гг Ғғ Дд
Ҙҙ Ее Ёё Жж Зз Ии
Йй Кк Ҡҡ Лл Мм Нн
Ңң Оо Өө Пп Рр Сс
Ҫҫ Тт Уу Үү Фф Хх
Һһ Цц Чч Шш Щщ Ъъ
Ыы Ьь Ээ Әә Юю Яя

Үү [ү]Башҡорт алфавитында егерме һигеҙенсе хәрефе. Халыҡ-ара фонетик алфавитында [y] тамғаһы менән билдәләнә.

Башҡорт алфавитында[үҙгәртергә | сығанаҡты үҙгәртеү]

Һуҙынҡы хәрефтәргә инә: а, е, ё, и, о, ө, у, ү, ы, э, ә, ю, я.

У – у, Ү – ү хәрефтәренең яҙылышы

А. У – у хәрефе ҡалын ижектәрҙә яҙыла: ур, уҙ, ут, Урал, уйһыу,ултырыш, уңыш, усаҡ, уяу, буйлы, буҫтау, дуҫ, ҡуҙаҡ, суртан, турғай, матур.

Б. Ү – ү хәрефе нәҙек ижектәрҙә яҙыла: үлән, үр,үт, үткер, бүҙәнә, бүлмә, бүләк, дүрткел, күлдәк, күңелле, күл, күн, һүҙ.

В. Шул уҡ у – ү хәрефтәре һүҙ уртаһында һәм аҙағында ирен тартынҡыһын да белдерә һәм башҡорт телендәге ҡалын һүҙҙәрҙә у, нәҙек һүҙҙәрҙә ү менән бирелә:

а) ауыл, дауыл, тауар, тауыш, яуын, һыу, быу, хайуан;

б) әүен, рәүеш, әүәләү, кәүҙә, кейәү.

Г. Исем ҡылым ялғауы -ыу – -еү, -оу – -өү рәүешендә яҙы-ла: барыу, килеү, ҡайтыу, күреү, йонсоу, тойоу, йөрөү, йөҙөү.

Юникод[үҙгәртергә | сығанаҡты үҙгәртеү]

Хәреф Юникод
Баш хәреф U+04AE
Бәләкәй хәреф U+04AF

Башҡа телдәрҙә[үҙгәртергә | сығанаҡты үҙгәртеү]

  • Ҡаҙаҡ алфавитында егерме һигеҙенсе хәреф.
  • Ҡырғыҙ алфавитында егерме өсөнсе хәреф.
  • Монгол алфавитында егерме өсөнсе хәреф.
  • Бурят алфавитында егерме өсөнсе хәреф.
  • Ҡалмыҡ алфавитында егерме етенсе хәреф.
  • Яҡут алфавитында егерме һигеҙенсе хәреф.
  • Дунған алфавитында егерме алтынсы хәреф.
  • Әзәрбайжан һәм төрөкмән кирилл алфавитында ҡулланылған.