Ниғмәтуллин Эльбрус Хәмит улы битенең сығанаҡ тексын ҡарарға

{{Спортсмен
| имя                 =  Эльбрус Хәмит улы<br /> Ниғмәтуллин
| изображение             = 
| ширина              = 
| описание изображения             = 
| пол                 = ир-ат
| полное имя          = 
| оригинал имени    = 
| прозвища =
| гражданство = {{USSR}} <br> {{RUS}}
| специализация = стронгмен
| клуб = ElbrusTeam
| дата рождения = 30.03.1974
| место рождения = [[Силәбе өлкәһе]] {{ТУ|Арғаяш районы|Арғаяш районында}} [[Субар]] ауылы 
| дата смерти =
| место смерти =
| года карьеры =
| рабочая сторона =
| тренеры =
| рост = 180
| вес = 139
| медали =
}}
{{ФШ|Ниғмәтуллин}}
'''Ниғмәтуллин Эльбрус Хәмит улы''' ([[30 март]] [[1974 йыл]]) — «[[Рәсәй]]ҙең иң көслө кешеһе» исемен йөрөтөүсе [[башҡорт]] бәһлеүәне, [[Рәсәй]] спортсыһы, пауэрлифтинг һәм армрестлинг буйынса спорт мастеры, 2005 йылдағы «Планетаның иң көслө кешеһе» ярышының вице-чемпионы, йәмәғәт эшмәкәре, актёр.

== Биографияһы ==
Эльбрус Хәмит улы Ниғмәтуллин 1974 йылдың 30 мартында [[Силәбе өлкәһе]] [[Арғаяш районы]]ның [[Субар]] ауылында тыуған. Мәктәпте тамамлағас, [[Силәбе]] төҙөлөш училищеһендә, индустрия техникумында уҡый. Аҙаҡ Урал физик культура академияһын тамамлай. [[Силәбе]]нең «Атлет» Спорт клубына йөрөй, пауэрлифтинг һәм армрестлинг менән шөғөлләнә башлай. 2000 йылда ул армрестлинг буйынса [[Рәсәй]] чемпионы исемен, ә 2001 йылда «[[Силәбе]]нең иң көслө кешеһе», «[[Урал]] титаны» — титулдарын яулай.

Эльбрус үҙенең тағы ла бер ҙур ҡаҙанышына [[Мәскәү]]ҙә үткән Бөтә [[Рәсәй]] турнирында өлгәшә. 18 баһадир араһында [[башҡорт]] батыры еңеп сыға. Шулай уҡ баш ҡалала уҙғарылған «Толстяк» турнирында беренсе була. Ғөмүмән, ҡайҙа ғына барһа ла, Эльбрус батырҙың даны, милләте үҙенән алда йөрөй. Уны бөтө донъя баһадирҙары араһында «[[Башҡорт]]» тип беләләр.

«Василий Алексеев, Юрий Власов, Давид Ригерд, Солтан Рахманов — заманында штанга спортында еңеүселәр — доньяның иң көслө кешеләре булып һаналды. Хәҙер ысын көстө күрһәтеүҙең юлы — „Стронгстмен“. Штанга күтәреу өсөн көстән бигерәк күнекмә, теүәл техника талап ителә. Ә мин шөғөллөнгән спорт төрө традицион булмаған әйберҙәрҙе күтәреп ташлауға, йүгереүгә, тейәүгә, этеп-тартып йөрөтөүгә бәйле. Беҙҙең [[спорт]] снарядтары — бүрәнә, автомобиль покрышкаһы, таш, йөк машиналары, арба һәм башҡа ауыр көнкүреш әйберҙәре. Был спорт төрө [[Шотландия]]ла барлыҡҡа килгән, аҙаҡ бөтә донъяға таралған. Беҙ үҙебеҙҙең [[башҡорт]] көрәшен дә шундай кимәлгә күтәрә алабыҙ», — ти Эльбрус батыр.

== Рекордтары һәм ҡаҙаныштары ==
* 2014 йыл: Силәбе ҡалаһының М. Горький исемендәге паркында 34 тонна ауырлығындағы күҙәтеү тәгәрмәсен әйләндерҙе.
* 2015 йыл: Билдәле [[башҡорт]] спортсыһы, «[[Рәсәй]]ҙең иң көслө кешеһе» исеменә лайыҡ Эльбрус Ниғмәтуллин сираттағы рекорд ҡуйырға әҙер. [[Бөйөк Ватан һуғышы]]нда Еңеүгә 70 йыл тулыу айҡанлы ул ауырлығы 700 килограмм тартҡан дөйәне күтәрергә ниәтләй. Бәһлеүән быны [[Силәбе]]ләге йәйәүлеләр урамында, бронзанан эшләнгән «[[Башҡорт]] малайы һәм дөйә» тип аталған скульптур композиция янында эшләргә ниәтләй. Был осраҡлы түгел — ҡаланың гербында төшөрөлгән дөйә [[Силәбе]]нең символы булып тора. Тарихи мәғлүмәттәр буйынса, [[Көньяҡ Урал]] аша [[Бөйөк ебәк юлы]] үткән.
2015 йылдың 4 мартында «Башинформ» мәғлүмәт агентлығы (Арина Рәхимҡолова) хәбәр итеүенсә, Эльбрус Ниғмәтуллин яңы донъя рекордын ҡуйҙы — үҙе ҡуйылған металл платформа менән бергә дөйөм ауырлығы тоннанан ашыу тәшкил иткән дөйәне 44 секунд күтәреп торған. Аҙаҡтан бәһлеүән, тағы ла бер нисә автомобиль тәгәрмәсе һәм штанга дискыларын өҫтәлеп дөйөм ауырлығы 1030 килограмға еткән конструкцияны 23 секунд дауамында төшөрмәгән. Эльбрустың әйтеүенсә, «тағы ла ҙурыраҡ дөйәне күтәреп, оҙағыраҡ торорға мөмкин».
* 2015 йыл: 27 майҙа [[Башинформ|«Башинформ» мәғлүмәт агентлығы]] (Арина Рәхимҡолова) хәбәр итеүенсә, [[башҡорт]] бәһлеүәне Эльбрус Ниғмәтуллин яңы донъя рекорды ҡуйҙы — спортсы 30 тонналыҡ йортто урынынан күсерҙе. Бәһлеүән һүҙҙәренсә, был уның карьераһындағы иң ҡатмарлы рекордтарҙың береһе булған<ref>[http://www.bashinform.ru/bash/733441/?sphrase_id=637368 «Башинформ» мәғлүмәт агентлығы: Башҡорт бәһлеүәне Эльбрус Ниғмәтуллин сираттағы донъя рекордын ҡуйҙы]</ref>.

== Иҫкәрмәләр ==
{{иҫкәрмәләр}}

== Әҙәбиәт ==
* [[Киске Өфө (гәзит)|«Киске Өфө»]] гәзите.

== Һылтанмалар ==
* [http://www.bashinform.ru/bash/703758/ Башҡорт батыры Эльбрус Ниғмәтуллин ауырлығы 700 килограмм тартҡан дөйәне күтәрергә әҙерләнә]
* [http://www.bashinform.ru/bash/705822/ Эльбрус Ниғмәтуллин дөйәне бер минут самаһы күтәреп торҙо]

[[Категория:Башҡортостан спортсылары]]
[[Категория:Силәбе өлкәһе башҡорттары]]
[[Категория:Рәсәйҙең спорт мастерҙары]]
[[Категория:7-се саҡырылыш Башҡортостан Республикаһы Дәүләт Йыйылышы — Ҡоролтай депутаттары]]