Кемиярви

Кемиярви
Inari Sami: Kiemâjävri
Герб
Рәсми тел	Фин теле
Дәүләт	Финляндия
Административ-территориаль берәмек	Лапландия[d]
Сәғәт бүлкәте	UTC+2:00[d] һәм UTC+3:00[d]
Статистическая область	Восточная Лапландия[d]
Ассоциацияләшкән сайлау округы	Lapland[d]
Закондар сығарыу органы	Kemijärvi City Council[d]
Халыҡ һаны	7534 кеше (31 декабрь 2017)
Туғандаш ҡала	Кандалакша[d], Собецу[d], Вардё һәм Вадсё
Сиктәш	Рованиеми[d], Посио (Финляндия), Салла, Пелкосенниеми һәм Соданкюля
Майҙан	3931,16 км² (1 ғинуар 2023)
Рәсми сайт	kemijarvi.fi
Кемиярви Викимилектә

Кемиярви (фин.Kemijärvi, төньяҡ саам.Giemajávri) — Финляндияның төньяғындағы ҡала. Лаппи провинцияһының көньяҡ-көнсығыш өлөшөндә, Кемиярви күле яры буйында урынлашҡан. Ҡала халҡы 7989 кеше тәшкил итә, ә майҙаны 3930,91 км², шуларҙың 425,94 км² эске һыуҙар тәшкил итә

Кемиярви муниципаль берәмегенең үҙәк өлөшөндә яҡынса 5700 кеше йәшәй, шул иҫәптән ҡалала 4700 самаһы, 1000 тирәһе Каллаанваара-Исокюля районында йәшәй.

Кемиярви — Финляндияның иң төньяҡ ҡалаһы. Төньяҡта Пелкосенниемьи муниципалитеты менән, көнсығышта Салла, көньяҡта Посио, ә көнбайышта Рованиеми менән сиктәш.

Тарихы

Кемиярвиға беренсе күсеп ултырыусы Паавали Оллинпойка Халонен булған, ул Кемиярвиға Нисканкюляның Утаярви урынынан яҡынса 1580 йылда күсеп килә. Ҡатыны Анна Лауринтютяр Халонен тип аталған, ә балалары Пааво, Лекка һәм Олли Халонен. Паавали Халонен ғаиләһе менән күсеп ултырған урын хәҙер Халосенранта (Халонена яры) исеме аҫтында билдәле. Кусеп ултырыусылар араһында шул ваҡытта ағалы-ҡустылы Пекка һәм Матти Кярплялар була, уларҙың нәҫеле Оулуйоки йылғаһы яры буйындағы Мухос еренән килә. 1631 йылдағы йорт кенәгәһе буйынса Кемиярвила 13 йорт иҫәпләнгән. Уларҙың дүрт йортонда даими йәшәлгән: Халонен Пааво, Пекка һәм Матти Кярпля һәм Хейкки Хякиялар. Кемиярви биләмәһендәге Амманваара — боронғо саамдарҙың ҡорбан килтереү урыны булған. Беренсе күскенселәр килеп ултырыуға саамдар хәҙерге Кемиярви биләмәһендә йәшәгәндәр.

Кемиярвиның халҡы һаны ауыл общинаһын һәм Кемиярви ҡасабаһын берләштереүҙән алда 16 000 ашыу кеше тәшкил иткән.

2008 йылдың яҙында Кемиярвиның целлюлоза заводын ябыу йәмәғәтселектең киң иғтибарын йәлеп итә. Дәүләт шул ваҡытта төбәктә сәнәғәт эшмәкәрлеген дауам итеү өсөн ҙур финанс ярҙамы күрһәтә. Arktos Group компанияһы целлюлоза заводының цехтарында йәбештерелгән ағас брустарын етештереүҙе яйға һалырға маташа. Әммә был тырышлыҡ уңышһыҙлыҡ менән тамамлана, һәм 2012 йылдың башында предприятие финанс һауыҡтырыу процедураһы эләгә.

Keitele Group компанияһы 2015 йылда элекке целлюлоза заводы урынында үҙенең заводын асыуҙы планлаштыра. Компания целлюлоза-ҡағыҙ заводының етештереү цехтарын инде һатып алған.

Демографик үҫеше

Иҡтисади структуралағы үҙгәрештәр менән бәйле Кемиярви ҡалаһының халҡы кәмей. Хәҙерге ваҡытта ҡалала 8000-гә яҡын кеше йәшәй. Түбәндәге таблицала ҡаланың демографик үҫеше күрһәтелгән. Кемиярви ҡалаһында (рәсми булмаған мәғлүмәт буйынса) бер нисә йөҙ кешенең даими йәшәү урыны башҡа урын иҫәпләнә, әммә үҙенең тормошоноң күп өлөшөн «икенсе торлаҡта» ҡала биләмәһендә үткәрә. Ҡуртым йорттарға эйә булған Кемиярви муниципаль компанияһы бер нисә йыл рәттән граждандарға «икенсе торлаҡ» итеп фатирҙар һата. Бынан тыш, ҡалала буш торған күп ҡатлы ҡуртым йорттар һүтелә.

2012 йылдың ғинуарындағы мәғлүмәттәр буйынса, общинаның халҡы 8277 кеше тәшкил итә. Халыҡ тығыҙлығы — 2,28 кеше/км². Рәсми телдәр — фин, 99,0% халыҡ өсөн туған тел. 15 йәшкә тиклемге кешеләр өлөшө 10,2 %; 65 өлкән йәштәге кешеләр өлөшө 30,8 % тәшкил итә.

Йылдар буйынса халыҡ иҫәбе
(Сығанаҡ: )

1970	1975	1980	1985	1990	1992	1994	1996	1998	2000	2002	2004	2006	2008	2010	2011	2012
7429	12759	12621	12762	12331	12103	11987	11628	11036	10484	9936	9529	9065	8658	8484	8393	8277

Ҡала райондары һәм тораҡ пункттары

Геодезик хеҙмәте мәғлүмәттәре буйынса Кемиярви ҡалаһының райондары булып (биләмәнең ер кадастры номеры 0 һаны менән башлана) түбәндәге 8 район тора:

• Каллаанваара
• Үҙәк
• Пеулионваара
• Пюхятунтури
• Сиповаара
• Суому
• Сяркикангас
• Тохмо

Ер кадастрында теркәлгән Кемиярвиның 16 тораҡ пункттары булып (биләмә номеры 4 һаны менән башлана), түбәндәгеләр тора:

Алакюля Халосенранта Исокюля Яварус Йоутсиярви Юуярви Кемихаара Костамо

Куусиваара Левяранта Луусуа Палоперя Пюхятунтури Ряйсяля Тохмо Юликюля

Ер кадастрында теркәлмәгән тораҡ пункттары йәки территориялары 14:

Хююпио Кетола Куусиранта Лехтола Ойнас Патоваара Перяваара

Руопса Соппела Тапионниеми Тонкопуро Улкуниеми Варрио Вуостимо

Кемиярви ҡалаһының сайтында тораҡ пункттарҙың урынлашыуы менән картаһы бар, әммә уларҙың атамаһы юғарыла әйтеп киткәндәр менән һәр саҡ тап килмәй. Шулай уҡ Кемиярвиның статистик территориаль бүленешендә үрҙә телгә алынған ауылдар барыһы ла иҫәпкә алынмай

Дини берләшмәләр

Кемиярвила инжил-лютеран общинаһы эшләй. Инжил-лютеран сиркәүенең тергеҙелеүе өсөн хәрәкәтте төбәктә лестадианлыҡ һәм шулай уҡ инжил юлынан барыусылар башҡара, уларҙың урындағы бүлексәһе бар. Башҡа конфессия вәкилдәре Кемиярвиның иллелек общинаһынан, шулай уҡ адвентистарҙың фин Сиркәүе составына ингән адвентистар ойошмаһынан тора. Бынан тыш Кемиярвила Йәһәвә шаһиттары общинаһы эшләй.

Кемиярвиның веб-камералары

• Ҡала үҙәгендә Вапауденкат урамында вэб-камералар
• Ут күктәре майҙанында вэб-камера 2015 йыл 18 февраль архивланған.

Иҫтәлекле урындары

Община урынлашҡан Көнсығыш Лапландия үҙенең саңғы курорттары: Суому, Луосто һәм башҡалар менән билдәле. 2011 йылдың ҡышында Рәсәйҙән саңғысы туристарҙы ташыу буйынса Мәскәү-Кемиярви чартер поезы эшләй башланы.

Ҡала янында урынлашҡан матур Кемиярви күле — йәйге ял итеү урыны, урман массивтары һәм ҡалҡыулыҡтар менән уратып алынған. Балыҡ ресурстары бағыр, алабуға, суртан һәм һыла балығы популяцияһынан ғибәрәт.

Туғандаш ҡалалар

• Вардё, Норвегия
• Вадсё, Норвегия
• Кандалакша, Рәсәй
• Собецу, Япония

Төбәктә спорт йәмғиәте

• KeKi, хоккей
• Kemijärven Kaiku ry, йөҙөү мәктәбе, йөҙөү спорты

Төбәктең башҡа йәмғиәттәре

• Төньяҡ-көнсығыш Лаплпндияның һәүәҫкәр эт аҫраусылыҡ клубы һәм башҡа эт аҫраусылыҡ клубтары (TOKO, Agility, Palveluskoiratoiminta, Vesipelastus, Koiranäyttely Metsästyskokeet)
• Маннергейм исемендәге балаларҙы яҡлау союзы. Кемиярви берекмәһе.

Транспорт коммуникациялары

• 5 E 63 5 Автомобиль (Хейнола-Куопио-Куусамо-Кемиярви-Соданкюля)
• 82 Автомобиль 82 (Рованиеми-Кемиярви-Салла)
• 944 Автомобиль 944 (Кемиярви-Рануа)
• 945 Автомобиль 945 (Кемиярви-Перя-Посио)
• Күрше тораҡ пункттарға автобус бәйләнеше
• Рованиеми менән тимер юл бәйләнеше

Галереяһы

• 
  Кемиярви сиркәүе
• 
  Суому тауынан күренеш
• 
  Кемиярвила целлюлоза-ҡағыҙ комбинаты, төп инеү урыны
• 
  Суому саңғы курорты
• 
  Кемиярви ҡалаһы үҙәге
• 
  Куусиваар тимер юл станцияһы

Һылтанмалар

• На Викискладе есть медиафайлы по теме Кемиярви
• Официальный сайт КемиярвиҠалып:Fi icon
• Туристический сайт Ҡалып:Ru iconҠалып:Fi icon (инг.)
• Статцентр — ключевые данные по Кемиярви [1]
• Kemppa Info 2018 йыл 28 декабрь архивланған.Ҡалып:Fi icon
• Kemijärvi at Gaisma.com (инг.)
• Карта Кемиярви
• Сайт Суомутунтури